ទេព រិនដារ៉ូ សម្តែងជាតួចិត្តអាក្រក់ដំបូង ក្នុងភាពយន្ដ«ភ្លើង»
ការសម្តែងជាតួចិត្តអាក្រក់ កាចសហាវជាលើកដំបូង ត្រូវបានតារាសម្តែងចាស់វស្សា លោក ទេព រិនដារ៉ូ ថ្លែងថាមានការពិបាកណាស់។ លោក ទេព រិនដារ៉ូ បាននិយាយនៅក្នុងពិធីសម្ភោធរឿង នៅរោងភាពយន្តលុច្សនៅថ្ងៃទី២៤ ខែធ្នូថា លោកមានការលំបាក ដោយសារតែនេះ ជាការសម្តែងលើកទីមួយរបស់លោក តាំងពីលោកចាប់ផ្តើមប្រឡូក ក្នុងជាអាជីពជាអ្នកសិល្បៈ។
លោក ទេព រិនដារ៉ូ បានរៀបរាប់បន្តថា លោកធ្លាប់តែសម្តែងតួអង្គមនុស្សល្អ រីឯការសម្តែងតួចិត្តអាក្រក់ខុសឆ្ងាយពីគ្នា លោកត្រូវប្រើទឹកមុខ និងប្រើសកម្មភាព ដែលបញ្ជាក់ពីចរិករបស់មនុស្សកាចសាហាវ។ លោក រំពឹងថាភាពយន្តនេះ នឹងទទួលបានការគាំទ្រច្រើនពីទស្សនិកជន។
រឿង«ភ្លើង»ដែលបានចាប់ផ្តើមចាក់បញ្ចាំង នៅតាមរោងភាពយន្តនានា នៅទីក្រុងភ្នំពេញ គឺជាខ្សែរភាពយន្តថ្មីមួយទៀតរបស់ផលិតកម្មរ៉ក។ [...]