Posts in ‘កម្ពុជា’ Category

កណ្តាល៖ បន្ទាប់ពីប្រធានបក្សសង្គ្រោះជាតិ រស់នៅនិរទេសក្រៅប្រទេសដើម្បីគេចពីការជាប់ពន្ធនាគារ បានប្រកាសពី ជ័យជម្នះនៃការបោះឆ្នោត លើលោកនាយករដ្ឋមន្ត្រី ក្នុងបណ្តាញសង្គម facebook ជាការឆ្លើយតបវិញ លោកនាយក​រដ្ឋមន្ត្រីបានប្រកាសជាសាធារណៈ ឲ្យអ្នកលេងបណ្តាញសង្គម ហ្វេសប៊ុក (Facebook) កុំបោះឆ្នោតឲ្យគណបក្សប្រឆាំង ជាពិសេសបុគ្គល លោក សម រង្ស៊ី។

ប្រធានគណបក្សប្រឆាំង លោក សម រង្សី (រូបខាងឆ្វេង) និងនាយករដ្ឋមន្ត្រី លោក ហ៊ុន សែន កាលពីខែកុម្ភះឆ្នាំ២០០៦ ក្នុងរាជធានីភ្នំពេញ។ (រូបថត AFP)

ថ្លែងចេញពីខេត្តកណ្តាល ស្រុកអង្គស្នួល ក្នុងពិធីសម្ពោធអគារសិក្សា លោកនាយករដ្ឋមន្ត្រីហ៊ុន សែនបាន មាន​ប្រសាសន៍​ថា ខុទ្ទកាល័យរបស់លោក ធ្លាប់បានប្រកាសបដិសេធពីឈ្មោះរបស់លោក នៅក្នុងហ្វេសប៊ុករួចហើយ [...]

ភ្នំពេញ៖ ថ្លែងនៅក្នុងសន្និសិទការសែត គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានប្រកាស់ព្រមាន​ជាសាធារណៈថា បើគណបក្សសង្គ្រោះជាតិ ប្រកាសបោះបង់ចោលរឺមិនទទួលស្គាល់លទ្ធផលនៃការបោះឆ្នោត គឺអាសនៈ​ដែលទទួលបាននឹងត្រូវយកទៅបែងចែក ឲ្យគណបក្សនយោបាយ ដែលជាប់ឆ្នោត ក្នុងរយៈពេល ១៤ ថ្ងៃ ក្រោយការ​ប្រកាសបោះបង់ចោលអាសនៈ ដែលខ្លួនទទួលបាន។

លោកទេព នីថា អគ្គលេខាធិការ របស់គ.ជ.ប.។ (រូបថត O.Vary/ MONOROOM.info)

ទេព នីថា អគ្គលេខាធិការ គ.ជ.ប បានថ្លែងប្រាប់ក្រុមអ្នកកាសែត នៅព្រឹកថ្ងៃទី១៩ខែមិថុនាឆ្នាំ២០១៣ នៅទីស្តីការគ.ជ.ប ថា តាមច្បាប់បោះឆ្នោត គ.ជ.ប បានរៀបចំនីតិវិធី នៃការចុះបញ្ជីគណបក្សនយោបាយ និងបេក្ខជនឈរឈ្មោះបោះឆ្នោត ហើយនៅក្នុងសំណុំឯកសារ ដែលគណបក្សនីមួយៗ ដាក់ដើម្បីចូលរួមប្រកួតប្រជែង [...]

ភ្នំពេញ៖ ថ្នាក់ដឹកនាំសហជីព និងសកម្មជនសិទ្ធិមនុស្ស ចំនួនដប់ប្រាំបួន(១៩)នាក់ ត្រូវបានចាប់ខ្លួន ក្នុងចំណោមបាតុករ​សរុប ជាងមួយពាន់(១០០០)នាក់ ដែលក្នុងនោះប៉ែតសិបភាគរយ(៨០%)ជាស្រ្តី។

សណ្ឋាគារ មជ្ឈមណ្ឌលកំសាន្ដ ណាហ្គាវើល នៅមាត់ទន្លេនៃរាជធានីភ្នំពេញ។

បាតុករដែលបានចាប់ខ្លួន ក្នុងបាតុកម្មអហឹង្សាមួយ នៅមុខកាស៊ីណូណាហ្គាវើល បានបញ្ជូនខ្លួនទៅស្នងការរាជធានី​នៅ​វេលាម៉ោងបីដប់ប្រាំនាទី ហើយក៏ត្រូវបានដោះលែងមកវិញ នៅវេលាម៉ោងប្រាំមួយដប់ប្រាំនាទីរសៀលថ្ងៃដដែល ដោយ​មានការអន្តរាគមពីឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា។ ការចាប់ខ្លួននេះ ក៏មាន​វត្តមានលោក ឃួង ស្រេង អភិបាលរងរាជធានីភ្នំពេញ អមដោយព្រះរាជអាជ្ញារងរាជធានីភ្នំពេញ ចំនួនពីរនាក់ផងដែរ។

លោក ឌឿ ដារ៉ូ [...]

ភ្នំពេញ៖ កិច្ចប្រជុំគណៈកម្មាធិការបេតិកភណ្ឌពិភពលោកលើកទី៣៧ នៅកម្ពុជា មានសមាជិកចូលរួមចំនួន​ជាងមួយ​ពាន់នាក់ (១៤៦៥នាក់) ដែលមកពីមួយរយម្ភៃប្រាំបី(១២៨)ប្រទេស ជាសមាជិកនៃអនុសញ្ញាឆ្នាំ១៩៧២ ស្ដីពីការការពារ​បេតិភ័ណ្ឌពិភពលោកវប្បធម៌ និងធម្មជាតិ នៃអង្គការយូណេស្កូដែលមានសមាជិក១៩៥ប្រទេស។

ប្រាសាទអង្គរវត្ត ​ត្រូវ​បានចុះបញ្ជីជាបេតិភ័ណ្ឌពិភពលោក នៅថ្ងៃទី១៤ ខែធ្នូ ឆ្នាំ១៩៩២។

ក្នុងកិច្ចប្រជុំនេះបានផ្តោតយកចិត្តទុកដាក់ ទៅលើរបៀបវារៈសំខាន់ចំនួនបី ទីមួយនិយាយពីអត្ដសញ្ញាណសម្បត្ដិវប្បធម៌ និងធម្មជាតិក្នុងតម្លៃជាសាកល ហើយត្រូវបានស្នើរដោយរដ្ឋជាភាគី ដើម្បីដាក់ឲ្យស្ថិតក្នុងការការពារ​តាមអនុសញ្ញា​ឆ្នាំ១៩៧២ ដោយធ្វើការចុះក្នុងបញ្ជីបេតិភ័ណ្ឌពិភពលោក។ [...]

លោក រ៉ុង ឈុន តំណាង​ក្រុមប្រឹក្សា​ឃាំ្ល​មើល​កម្ពុជា និងជាប្រធាន​​សមាគម​គ្រូបង្រៀន​កម្ពុជា​ឯករាជ្យ បាន​បញ្ជាក់​ថា ផ្ទុយពីការអះអាង របស់លោកនាយករដ្ឋមន្ត្រី ហ៊ុន សែន ដែលធ្លាប់ធ្វើការបកស្រាយក្នុង​រដ្ឋសភា​ជាតិ​ថា​«កោះត្រល់»​បាន​បាត់បង់​តាំង​ពី​មុនឆ្នាំ១៩៦០ និងមិនមែនទើបតែថ្មីនេះ តែតាមពិតទៅ កោះ​របស់​កម្ពុជា​​មួយ​ចំនួន ត្រូវបានបាត់បង់ក្នុងអំឡុងឆ្នាំ១៩៨០ មកដល់ឆ្នាំ២០១០ នេះតែប៉ុណ្ណោះ រួមទាំង​កោះ​ត្រល់​ផង។

ប្រធានសមាគមគ្រូបង្រៀនកម្ពុជាឯករាជ្យរូបនេះបាន បង្ហាញនូវហេតុផលបីយ៉ាង បញ្ជាក់ភស្តុតាង​ថា​«កោះ​ត្រល់» ពិត​ជាបាត់បង់ក្រោយថ្ងៃរំដោះ៧មករា ពោលក្នុងអំឡុងឆ្នាំ១៩៨០។ ហេតុផលទីមួយលោក​បញ្ជាក់​ថា ក្នុងឯកសារ​មេរៀន​«ភូមិវិទ្យាថ្នាក់ទី៧» បោះពុម្ពឡើងក្នុងឆ្នាំ១៩៨៥ សម័យសាធារណរដ្ឋប្រជាមានិត​កម្ពុជា។ អំឡុងពេលនោះកម្ពុជា​ស្ថិត​ក្រោមការគ្រប់គ្រងរបស់វៀតណាម ហើយវៀតណាម ក៏បានទទួលស្គាល់​ដែន​កោះ​ត្រល់ [...]