ចន ច័ន្ទលក្ខិណា៖ ចាក់បញ្ចាំងភាពយន្ដថៃឡើងវិញ អាចសម្លាប់ភាពយន្ដខ្មែរ
អស់រយៈពេលជាង១០ឆ្នាំមកហើយ ដែលខ្សែភាពយន្តរបស់ថៃ ត្រូវបានហាមឃាត់មិនឱ្យចាក់បញ្ចាំង នៅលើស្ថានីយទូរទស្សន៍នានា ក្នុងប្រទេសកម្ពុជា។ ប៉ុន្តែថ្មីៗនេះ គេសង្កេតឃើញស្ថានីយទូរទស្សន៍ ប៉ុស្ដិ៍លេខ៥ បានចាប់ផ្ដើមចាក់បញ្ចាំងឡើងវិញ ហើយស្ថានីយ៍ទូរទស្សន៍មួយចំនួនទៀត ក៏នឹងត្រៀមចាក់បញ្ចាំងដូចគ្នាដែរ។ ចំពោះការផ្តល់សិទ្ធិ ឱ្យចាក់បញ្ចាំងនូវភាពយន្តថៃឡើងវិញនេះ បង្កឲ្យមានទាំងប្រតិកម្មគាំទ្រ រួមជាមួយនឹងការរិះគន់យ៉ាងខ្លាំងក្លា ពីសំណាក់ប្រជាពលរដ្ឋ ក៏ដូចជាតារាសិល្បៈមួយចំនួនផង។
ក្នុងទំព័រហ្វេសប៊ុក របស់អ្នកនាង ចន ច័ន្ទលក្ខិណា ដែលជាតារាសម្តែងខ្មែរជើងចាស់មួយរូបនោះ អ្នកនាងបានសរសេរសារជាច្រើន បង្ហោះជាសាធារណៈ ប្រកាសសុំឱ្យបន្តការផ្អាក មិនឱ្យចាក់ផ្សាយភាពយន្តថៃ នៅលើកញ្ចកទូរទស្សន៍ក្នុងប្រទេសកម្ពុជា។
អ្នកនាងបានសរសេរថា៖ [...]