កូរ៉េខាងជើងបាញ់កាំជ្រួចជាថ្មី តែជួបបរាជ័យ
ដំណឹង នៃការបាញ់កាំជ្រួចជាថ្មីនេះ របស់របបកុម្មុយនីសកូរ៉េ ត្រូវបានប្រកាសអះអាង ក្រសួងការពារជាតិ របស់ប្រទេសកូរ៉េខាងត្បូង និងត្រូវបានបញ្ជាក់បន្ថែម ដោយបញ្ជាការដ្ឋាន របស់កងទ័ពអាមេរិក នៅក្នុងមហាសមុទ្របាស៊ីភិក។ ស្រង់សំដីដោយទីភ្នាក់ងារព័ត៌មាន យ៉ុងហាប់ (Yonhap) កងទ័ពកូរ៉េខាងត្បូង បានអះអាងថា ការបាញ់បានធ្វើឡើង កាលពីព្រឹកព្រហាមថ្ងៃសៅរ៍ ចេញពីមូលដ្ឋានយោធាមួយ នៃតំបន់ «Bukchang» ក្នុងខេត្ត «Pyeongannam-do» ភាគខាងជើងរដ្ឋធានី ព្យុងយ៉ាង។
ប្រភពនោះ បានបន្តទៀតថា ការព្យាយាមនេះ របស់ប្រទេសកុម្មុយនីស បានជួបបរាជ័យ ដោយសារកាំជ្រួចអន្តរទ្វីប ទំនងជាបានផ្ទុះ នៅក្នុងអាកាស នៅប៉ុន្មានវិនាទីក្រោយការបាញ់។ គេមិនទាន់ដឹងថា កាំជ្រួចដែលរបបក្រុងព្យុងយ៉ាងបានបាញ់នេះ មានប្រភេទអ្វីនៅឡើយ។
សកម្មភាពរបស់របបកុម្មុយនីស បានធ្វើឡើង [...]
