CNRP រំលែកមរណទុក្ខគ្រួសារទាហានមួកខៀវខ្មែរ ពលីនៅអាហ្វ្រិកកណ្ដាល
នៅចំពោះការពលីជីវិត កាលពីយប់ថ្ងៃចន្ទ (ចូលមកថ្ងៃអង្គារ) របស់ទាហានវិស្វកម្មមួកខៀវ របស់កម្ពុជា ទាំងបួនរូ ដែលបានចេញទៅបំពេញបេសកកម្ម របស់អង្គការសហប្រជាជាតិ ដើម្បីថែរក្សាសន្តិភាព នៅក្នុងប្រទេសអាហ្វ្រិកកណ្ដាល ប្រតិកម្មនៃការចូលរួមរំលែកទុក្ខ និងការរំលឹកនូវវីរភាព បានធ្លាក់មកដល់ជាបន្តបន្ទាប់។ នៅព្រឹកនេះ គណបក្សសង្គ្រោះជាតិ ដែលជាគណបក្សប្រឆាំង ធំជាងគេនៅកម្ពុជា ក៏បានផ្ញើរសារ ជូនចំពោះក្រុមគ្រួសារ នៃសពយោធិនទាំង៤រូប ដើម្បីចូលរួមរំលែកទុក្ខ ដ៏ក្រៀមក្រំនោះដែរ។
លិខិតដែលចុះហត្ថលេខា តាំងពីថ្ងៃទី១០ ខែឧសភាម្សិលម៉ិញ ដោយលោក កឹម សុខា ប្រធានគណបក្ស បានចាប់ផ្ដើមនូវឃ្លាប្រយោគ ឡើងថា៖ «ខ្ញុំមានសេចក្ដីរន្ធត់ក្រៀមក្រំ និងសោកស្ដាយយ៉ាងក្រៃលែង ដោយទទួលដំណឹង អំពីមរណភាព របស់ទាហានមួកខៀវកម្ពុជាបួនរូប»។
ទាហានមួកខៀវកម្ពុជា ទាំងបួនរូប រួមមាន៖ លោកអនុសេនីយឯក គឹម សំ អ្នកបើកបរប៊ិលដូស័រ - [...]
