ឈូក បណ្ឌិត ត្រូវបានតុលាការខេត្តស្វាយរៀង លើកលែងការចោទ
ភ្នំពេញ៖លោក ឈូក បណ្ឌិត អតីតអភិបាលក្រុងបាវិត ត្រូវបានសម្រេច លើកលែង ការចោទប្រកាន់ កាលពីសប្តាហ៍កន្លងមកនេះ ដោយសំអាងថា គ្មានភស្ដុតាង គ្រប់គ្រាន់ដើម្បី ចោទប្រកាន់។ លោក ឈូក បណ្ឌិត បានជាប់ចោទក្នុងរឿង បាញ់ស្ត្រីកម្មករ ៣នាក់ ឲ្យរបួសធ្ងន់ នៅពេលក្រុមកម្មករ ធ្វើការតវ៉ាក្នុង តំបន់សេដ្ឋកិច្ចពិសេស មេនហាតធេន នៅទីក្រុងបាវិត ជាប់ព្រំដែនវៀតណាម កាលពី ថ្ងៃទី២០ ខែកុម្ភៈ ឆ្នាំ២០១២ ។ ក្រោយមកប៉ូលិសក្រសួងមហាផ្ទៃ បានបញ្ជូនសំណុំរឿងទៅកាន់តុលាការ ខេត្តស្វាយរៀង ។ តុលាការក៏បានចោទប្រកាន់លោក ឈូក បណ្ឌិត ពីបទបង្ករបួសស្នាម ដោយអចេតនា។ ដោយចាប់តាំងពីថ្ងៃកើតហេតុមក លោក មិនត្រូវបានឃុំខ្លួនឡើយ។
លោក ឈូក បណ្ឌិត អតីតអភិបាលក្រុងបាវិត។ រូបថត VOA។
