Posts in ‘វិភាគ’ Category

នេះ ជាសាច់រឿងនិទានខ្លី របស់លោកបណ្ឌិត មាស នី ទាំងស្រុង៖

មានបុរសនេសាទម្នាក់ គាត់បានខំប្រឹងស្ទូចត្រី តាំងពីព្រលឹមទល់ព្រលប់ អស់រយះពេលជាច្រើនខែ កន្លងមកហើយ តែនៅថ្ងៃខ្លះ មិនទាំងបានត្រីមួយ យកមកឲ្យប្រពន្ធផង។

ពេលមកដល់ផ្ទះ ប្រពន្ធបានសួរគាត់ថា ហេតុអីបានជាគាត់ស្ទូចត្រី លែងបានអញ្ចឹង? បុរសជាប្តី តែងបានឆ្លើយតប ដោយកំហឹងថា វាមកពីទឹករលក និងអ្នកចែវទូក ដែលនាំអោយត្រីផ្អើល មិនសុីនុយសន្ទូចគាត់។

តែអ្វីដែលប្រពន្ធគាត់ តែងសង្កេតឃើញនោះ គឺដោយសារតែប្តីគាត់ ប្រើនុយសន្ទូច ដដែលៗយូរពេក ដែលធ្វើអោយត្រីដឹង ហើយជិនណាយ នឹងក្លិននុយដែលប្រើ រហូតពួកវាលែងមកជិតសន្ទូច របស់គាត់។

តើរឿងនិទាននេះ លោកបណ្ឌិត មាស នី ចង់សំដៅលើអ្វី?

មនុស្សគ្រប់រូប ទោះប្រុសឬស្រី មានឬក្រ ល្អឬអាក្រក់ រាស្រ្ត មន្ត្រីឬស្តេចផែនដី មានតម្លៃទៅបាន គឺដោយសារតែបុគ្គលនោះផ្ទាល់ ដែលជាអ្នកកំណត់និងផ្តល់តម្លៃឱ្យខ្លួនឯង។ 

ធម្មជាតិបានបង្កើតមនុស្ស ឱ្យមានមុខមាត់ ពណ៌សម្បុរ ចិត្តគំនិតនិងរូបរាងកាយប្លែកៗ ពីគ្នាអាស្រ័យអំណាចកម្ម នៃសត្វលោកបានសាងសន្សំ។ មនុស្សគ្រប់រូបមានតម្លៃ ឬគ្មានតម្លៃ គឺអាស្រ័យដោយខ្លួនគេ ជាអ្នកកំណត់ ទោះក្នុងឋានៈណាក៏ដោយ។ ហេតុផលដែលធ្វើឱ្យមនុស្ស មានតម្លៃ មានច្រើនណាស់ ដូចជា ដេក ដើរ ឈរ អង្គុយ ទទួលទាននិងការនិយាយស្តី សុទ្ធតែ លើកតម្លៃមនុស្សគ្រប់ពេល។ ប្រសិនបើមនុស្សធ្វេសប្រហែស មិនបានប្រុងប្រយ័ត្ននិងរៀបចំឥរិយាបថ ឱ្យបានល្អទេ នឹងត្រូវបាត់បង់តម្លៃមួយរំពេច។

ប៉ុន្តែមានខ្លឹម៣យ៉ាង ដែលជួយលើកតម្លៃមនុស្ស ឱ្យពិសេសប្លែក គួររាប់អាន និងចាត់ទុកជាមនុស្សល្អ មនុស្សថ្លៃថ្នូរទៀតផង។ យើងនឹងលើកយកខ្លឹមទាំង៣ មកបង្ហាញនៅខាងក្រោមនេះ។ នៅលើខ្លួនមនុស្ស [...]

នៅក្នុងឱកាសនោះ ប្រទេសស្វីស ដែលកម្រនឹងបញ្ចេញប្រតិកម្ម ឬបង្ហាញពីជំហររបស់ខ្លួន បានសំដែងការខ្វល់ខ្វាយ ដ៏ជ្រាលជ្រៅរបស់ខ្លួន នៅចំពោះសភាពនយោបាយចុងក្រោយ នៅក្នុងប្រទេសចំនួនពីរ គឺប្រទេសវេណេហ្សុយអេឡា និងប្រទេសកម្ពុជា។

ស្វីសដែលតែងមានជំហរអព្យាក្រិត្យ បានអះអាងថា នៅក្នុងប្រទេសកម្ពុជា លក្ខខណ្ឌចាំបាច់ទាំងឡាយ មិនត្រូវបានបំពេញឲ្យគ្រប់គ្រាន់ ដើម្បីឲ្យការបោះឆ្នោត ជ្រើសតាំងតំណាងរាស្ត្រ នាពេលខាងមុខ មានភាពយុត្តិធម៌ និងទទួលយកបាននោះទេ បន្ទាប់ពីវិធានការជាច្រើន ត្រូវបានអនុវត្ត ដើម្បីបង្ក្រាបទៅលើគណបក្សប្រឆាំង។

សម្រាប់ប្រទេសវេណេហ្សុយអេឡាវិញ រដ្ឋាភិបាលស្វីស បានសំដែងកង្វល់យ៉ាងធ្ងន់ធ្ងរ នៅចំពោះអំពើហិង្សា ដែលកើតមានដដែលៗ នៅក្នុងប្រទេសនេះ។ ការបោះឆ្នោតជ្រើសតាំងប្រធានាធិបតី នឹងត្រូវធ្វើ នៅក្នុង​ខែឧសភា ខាងមុននេះ ហើយប្រធានាធិបតីផុតអាណត្តិ លោក «Nicolas Maduro» មានបំណងចង់កាន់អំណាចបន្តទៀត បើទោះជាលោក [...]

«នៅថ្ងៃនេះ លោក ហ៊ុន សែន គ្រប់គ្រងប្រទេសកម្ពុជា បានទាំងស្រុង។ លោកត្រូវបានគេជឿថា បានធ្វើឲ្យសេដ្ឋកិច្ចកម្ពុជា មានការរីកចម្រើន ដ៏គួរឲ្យកត់សម្គាល់ ប៉ុន្តែទំនងជាធ្វើឡើង ដោយមិនខ្វល់ពីសេរីភាព សិទ្ធិ និងច្បាប់ទម្លាប់ជាច្រើន។ (...) ហើយលោក ហ៊ុន សែន ទំនងជានៅអង្គុយក្នុងតំណែង ជាបន្តទៅទៀត បន្ទាប់ពីការបោះឆ្នោតជាតិ លើកក្រោយ។»

ឃ្លាខាងលើ ជាការដកស្រង់​ចេញពី​អត្ថបទមួយ របស់សារព័ត៌មានដ៏ធំឈ្មោះ «The Philippine Daily Inquirer» ផ្សាយចេញជាភាសាអង់គ្លេស របស់ប្រទេសហ្វីលីពីន ដែលឧទ្ទិសទាំងស្រុង ជូននាយករដ្ឋមន្ត្រីកម្ពុជា លោក ហ៊ុន សែន ដែលសារព័ត៌មានបានហៅ នៅត្រង់ចំណងជើងធំៗថា «Cambodia’s one-eyed strongman» ឬបកប្រែជាខេមរភាសា «បុរសខ្លាំងភ្នែកទោលកម្ពុជា»។

[...]

បន្ទាប់ពីគេចផុត ពីរបបកាប់សម្លាប់រាស្ត្រខ្លួនឯងមក ពលរដ្ឋខ្មែរក៏មិនបានសុខសាន្តត្រានដែរ គឺនៅអត់ឃ្លាន ភិតភ័យនឹងសន្តិសុខ និងសង្គ្រាមជានិច្ចរហូតដល់មានកិច្ចព្រមព្រៀងមួយ បញ្ចប់ជម្លោះរវាងខ្មែរនឹងខ្មែរ ដែលមានបរទេសជាបង្អែក ប៉ុន្តែកិច្ចព្រមព្រៀងនេះ នៅមានភាពចម្រោងចម្រាស់យ៉ាងខ្លាំង ដោយម្ខាងយល់ថា កិច្ចព្រមព្រៀងទីក្រុងប៉ារីសនេះ នៅមានសុពលភាពនៅឡើយ ចំពោះប្រទេសកម្ពុជា រីឯខាងរដ្ឋាភិបាលយល់ថា កិច្ចព្រមព្រៀងនេះបានរលត់បាត់ទៅហើយ។

តាមពិត ខ្លឹមសារនៅក្នុងអត្ថបទ បានចង្អុលបង្ហាញច្បាស់ៗថា កិច្ចព្រមព្រៀងនេះ នៅមានសុពលភាពនៅឡើយ ទោះបីគោលការណ៍ខ្លះ ត្រូវបានបញ្ចូលទៅក្នុងរដ្ឋធម្មនុញ្ញ របស់ព្រះរាជាណាចក្រកម្ពុជាទី២នេះ ទៅហើយក្តី វាជាសច្ចភាព មិនអាចអ្នកណាយកមកបកស្រាយ តាមប្រយោជន៍នយោបាយ បានឡើយ ដូច្នេះហេតុអ្វីបានជារដ្ឋាភិបាលថា កិច្ចព្រមព្រៀងនេះអស់សុពលភាព?

ដំបូង ខ្ញុំចង់បង្ហាញថា តើចំណុចណាខ្លះ [...]