រាំ ម៉ាឌីហ្សុនឡូយ៩ ទទួលបានទាំងការសរសើរ និងការរិះគន់
កម្មវិធីរាំ ចង្វាក់ ម៉ាឌីហ្សុន ឡូយប្រាំបួន ដើម្បីបំបែកឯកត្តកម្មពិភពលោក ដែលបានប្រព្រឹត្តទៅកាលពីរសៀល ថ្ងៃទី ២៨ ខែ មេសា ឆ្នាំ ២០១២ នៅសួនច្បារវត្តបទមវត្តីកន្លងមក ត្រូវបានមហាជនខ្មែរទាំងក្នុង និងក្រៅប្រទេសមានការចាប់អារម្មណ៍ យ៉ាងខ្លាំង។ ទោះបីជាអ្នករៀបរៀងកម្មវិធី បាននិយាយថាជាការជោគជ័យដ៏ធំធេងក៏ដោយ ក៏គេបានសង្កេតឃើញមាន ប្រតិកម្មជាច្រើនបានធ្លាក់មក រួមមានទាំងការសរសើរ និងព្រមទាំងការរិះគន់ផងដែរ។ ការសរសើរ និងការរិះគន់ទាំងនោះ ត្រូវបានធ្វើតាមបណ្ដាញគេហទំព័រសង្គម ហ្វេសប៊ុក ប្លូងផ្សេងៗ និងគេហទំព័ររបស់ កម្មវិធីឡូយ៩ខ្លូនឯង នេះតែម្ដង។ ទស្សនាវដ្ដីមនោរម្យព័ងអាំងហ្វូ នឹងយកចំណាប់អារម្មណ៍ទាំងនោះ មកធ្វើការអធិប្បាយឡើងវិញ។
