ម៉ូតូប៉ះរថយន្ដរលាត់ជើងបន្តិច តែទារសំណងពីម្ចាស់រថយន្ដ៣០០ដុល្លារ
បុរសពីរនាក់ជិះម៉ូតូម៉ាក ឌ្រីម ២០០៥ ពាក់ស្លាកលេខ 1A7622 ភ្នំពេញ ដែលបើកពីទិសដៅ ខាងកើតឆ្ពោះទៅលិច បានប៉ះជាមួយរថយន្តកាមរីមួយគ្រឿង ពាក់ស្លាកលេខ 2D8983 ភ្នំពេញ ដែលជិះក្នុងទិសស្របគ្នា នៅចំណុចក្រោមស្ពានស្ទឹងមានជ័យ កាលពីយប់ថ្ងៃទី០៦ ខែធ្នូ។ ការប៉ះទង្គិចគ្នានេះ បណ្តាលឲ្យមានរបួសស្រាល។ នេះបើសម្តីរបស់នគរបាលចរាចរណ៍ នៅប្រចាំនៅគោលដៅស្ទឹងមានជ័យ ដែលបានថ្លែងប្រាប់ទស្សនាវដ្ដីមនោរម្យ.អាំងហ្វូ។
ម្ចាស់ម៉ូតូដែលបានបើកប៉ះគ្នា ជាមួយរថយន្ដនេះ បានទាមទារសំណងពីម្ចាស់រថយន្ត ៣០០ដុល្លារ ដោយលើកឡើងថា ការប៉ះទង្គិច បានបណ្តាលឲ្យបុរសម្នាក់ ដែលជិះម៉ូតូជាមួយគ្នានោះបាក់ជើង។
គ្រោះថ្នាក់ចរាចរណ៍នេះ បានបណ្តាលឲ្យបុរសម្នាក់ ដែលជិះម៉ូតូនៅខាងក្រោយ រលាត់ជើងបន្តិចបន្ទួចនៅត្រង់ជង្គង់ និងស្មងជើង [...]