ពលរដ្ឋនៅអូជ្រៅ ថាអភិបាលខេត្តឲ្យអភិបាលស្រុក ដោះស្រាយរឿងដីធ្លីខ្លួន
បន្ទាប់ពីពលរដ្ឋធ្វើកាតវ៉ាទាមទារ ជាញឹកញាប់ រហូតដល់សាលាខេត្តនោះ ឥឡូវនេះ ចៅហ្វាយខេត្តបន្ទាយមានជ័យ បានទម្លាក់រឿងរ៉ាវ ជម្លោះដីធ្លីដ៏រាំរ៉ៃមួយនេះ ទៅឲ្យចៅហ្វាយស្រុកទៅវិញ។ ដោយឡែក ចំពោះអភិបាលស្រុកនេះ មេភូមិ និងមេឃុំ នៅមិនទាន់ផ្ដល់ ការអនុញ្ញាតណាមួយ ឲ្យប្រជាពលរដ្ឋ បានចូលជួបអភិបាលស្រុកនៅឡើយ។ នេះបើតាមការឲ្យដឹង ពីអ្នកភូមិថ្នល់បត់ ស្រុកអូជ្រៅ ខេត្តបន្ទាយមានជ័យ ដោយរាល់ការអះអាងទាំងអស់ ពីថ្នាក់ខេត្ត ឬស្រុកនោះ ឃើញមានតែពាក្យសម្តី មិនទាន់មានជាឯកសាអ្វីទេ។
អ្នកស្រី ឡុង សុគន្ធី ជាតំណាងអ្នកភូមិ ដែលមានជម្លោះដីធ្លី ជាង១០០គ្រួសារ នៅភូមិថ្នល់បត់ ឃុំអូបីជាន់ ស្រុកអូជ្រៅ ខេត្តបន្ទាយមានជ័យ បានឲ្យទស្សនាវដ្តីមនោរម្យ.អាំងហ្វូដឹង នៅថ្ងៃទី១៩ ខែកុម្ភៈ ឆ្នាំ២០១៥នេះថា ប្រជាពលរដ្ឋនៅក្នុងភូមិទាំងអស់គ្នា នៅតែបន្តភាពអស់សង្ឃឹមរបស់ពួកគេ បើទោះជាបានលឺសម្តី របស់អភិបាលខេត្តថា «ចាំដោះស្រាយឲ្យ» នេះ [...]