Posts in ‘គ្រប់អត្ថបទជាខេមរភាសា’ Category

ក្រុមអង្គការរដ្ឋអ៊ីស្លាម (ហៅកាត់តាមភាសាអង់គ្លេស ISIS និងតាមភាសាបារាំង EI) ទំនងជាបានអនុវត្តន៍ ឱសានវាទរបស់ខ្លួន ដូចការគម្រាមនាពេលកន្លងមក។ ក្រុមនេះបានអះអាង កាលពីថ្ងៃពុធម្សិលម៉ិញ ថា​បាន​កាត់ក វិស្វករជាតិក្រូអាតមួយរូប ដែលត្រូវបានចាប់ខ្លួន នៅប្រទេសអេហ្សីព កាលពី៣សប្ដាហ៍មុន។ ការ​អះ​អាង​នេះ បានធ្វើឡើង ដោយមានរូបថតសាកសព របស់វិស្វករនោះផង ផ្សាយនៅលើទំព័រទ្វីសធើរ របស់​ក្រុម​អង្គការ​រដ្ឋអ៊ីស្លាម។

បុគ្គលិករបស់សហគ្រាសបារាំង នៅក្នុងប្រទេសអេហ្សីព លោក តូមីស្លាវ សាឡូពេក (Tomislav Salopek) អាយុ៣១ឆ្នាំ ត្រូវបានចាប់ពង្រត់ខ្លួន នៅថ្ងៃទី២២ ខែកក្កដា ដោយក្រុមប្រដាប់អាវុធមិនស្គាល់មុខ នៅលើដង​ផ្លូវ​មួយ ស្ថិតនៅចំងាយ២២គីឡូម៉ែត្រ ភាគនារតីនៃរដ្ឋធានី គែរ (Caire រដ្ឋធានីនៃប្រទេសអេហ្សីព)។ កាលពី​ថ្ងៃ​សុក្រមុន សាខាមួយនៃក្រុមរដ្ឋអ៊ីស្លាម ប្រចាំនៅប្រទេសអេហ្សីព បានគម្រាមថា នឹងសម្លាប់លោក សាឡូពេក ក្នុងរយៈពេល៤៨ម៉ោង [...]

ការផ្ទុះឡើងដ៏ធំសម្បើមមួយ បានកើតឡើង នៅយប់ថ្ងៃពុធនេះ នៅក្នុងតំបន់ឧស្សហកម្មមួយ នៃក្រុងធានជីង (Tianjin) ភាគខាងជើង នៃប្រទេសចិន។ ការផ្ទុះបានបង្កឲ្យមានការរង្គើ រញ្ជួយដល់តំបន់ជុំវិញ រាប់សិប​គីឡូ​ម៉ែត្រ។ នៅក្នុងការអះអាង ក្រៅផ្លូវការភ្លាមៗក្រោយការផ្ទុះ បាននិយាយថា មានមនុស្សយ៉ាងហោច ៧នាក់ បាន​ស្លាប់ និងច្រើនសិបនាក់ បានរងរបួស។ ស្ថានីយទូរទស្សន៍ជាតិចិន «CCTV» បានរាយការណ៍ថា អ្នក​ជួយ​សង្គ្រោះ២នាក់ បានបាត់ខ្លួន។

សារព័ត៌មានចេញផ្សាយប្រចាំថ្ងៃ «Beijing News» បានឲ្យដឹង នៅក្នុងអត្ថបទរបស់ខ្លួន ដែលចេញផ្សាយនៅ​លើអ៊ិនធើណែតថា មនុស្សរវាងពី៣០០ ទៅ៤០០នាក់ ត្រូវបានទទួលឲ្យចូលទៅព្យាបាល នៅក្នុងមន្ទីរពេទ្យ​ច្រើន​កន្លែង នៃទីក្រុងមួយនេះ ដែលជាប់ឈ្មោះ ជាទីក្រុងសេដ្ឋកិច្ចទី៤ ស្ថិតនៅភាគខាងកើត នៃរដ្ឋធានី​ប៉េកាំង។ សារព័ត៌មានបានដកស្រង់សម្ដី របស់បុគ្គលិកមន្ទីរពេទ្យម្នាក់ បានអះអាងថា គេនៅមិនទាន់អាច​រាប់ ជន​រង​គ្រោះ​ថ្មីៗទៀត [...]

ក្រុមអ្នកតវ៉ាមួយក្រុម ដែលមានកាន់បដា សរសេរអក្សរធំៗថា «ប្រជាពលរដ្ឋភូមិបាលិលេយ្យ២ ប្រឆាំង​ដាច់​ខាត​មិនឲ្យបុគ្គលណា យកដីផ្លូវធ្វើជាសម្បត្តិ​ផ្ទាល់ខ្លូននោះទេ» បានឲ្យដឹងថា អ្នកដែលរស់នៅ សងខាងផ្លូវ​សារធារណៈ ប្រមាណជា១៣គ្រួសារ ត្រូវបានអាជ្ញាធរបិទផ្លូវមិនឲ្យចេញចូល និងគ្រោងដេញអ្នកទាំងនេះ ឈប់​ឲ្យរស់នៅ ដោយមិនផ្តល់ជាទីតាំងថ្មីណាមួយឡើយ។ អ្នកទាំងនោះ បានផ្ទុះការតវ៉ានេះឡើង ដើម្បីសុំឲ្យ​សាលា​ក្រុងប៉ោយប៉ែត ជួយអន្តរាគមន៍ និងបញ្ឈប់ការដេញចេញ ហើយបើឲ្យចេញ សុំឲ្យមានសំណងសមរម្យ ដល់​ពួក​គាត់។

ដោយឡែក អ្នកតវ៉ាមួយក្រុមទៀត ដែលផ្ទុះការតវ៉ានៅក្នុងពេលតែមួយនេះ បានសរសេរអក្សរ នៅលើបដា​របស់​ពួកគាត់ថា «ពួកយើងទាំងអស់គ្នា សុំឲ្យរដ្ឋាភិបាលផ្តល់លំនៅដ្ឋាន ទាំង៤៣គ្រួសារផង។ យើងត្រូវការដី សង់លំនៅដ្ឋាន។» ក្រុមអ្នកតវ៉ា ប្រមាណ៤៣គ្រួសារនេះ បានស្រែកខ្លាំងៗថា ខ្លូនគ្មានដីសម្រាប់ការ​ធ្វើ​លំនៅ​ដ្ឋាន បានពិតប្រាកដនោះទេ។ [...]

ត្រឹមតែ ប្រវែងផ្លូវជាតិ ៤៦ គីឡូម៉ែត្រប៉ុណ្ណោះ តែមានទីតាំងកុងត្រួល ដល់ទៅ៣កន្លែងទៅហើយ។ ទាំងនេះ​ធ្វើឲ្យ​អ្នករកទទួលទាន​ដឹកទំនិញ និងជាពិសេសពលរដ្ឋ ដែលរស់នៅ តាមបណ្ដាយផ្លូវជាតិលេខ៥ សម្ដែងការ​ធុញ​ទ្រាន់ ក្ដៅក្រហាយ និងបារម្ភពីការទារប្រាក់ ក្រោមមូលហេតុផ្សេងៗ មិនចេះចប់។

ឆ្លើយតបនឹងការរអ៊ូរទាំ របស់អ្នករស់នៅតាមផ្លូវ ដែលមានការឃាត់ស្ទាក់ យ៉ាងរដឹកខាងលើ លោក ហ៊ុយ សុជាតិ ប្រធានគយចល័ត និងរដ្ឋាករក្រុងប៉ោយប៉ែត បានបដិសេធន៍ថា ការងារហ្នឹងនៅខាងលើ ជាអ្នកដឹងឮ ខណៈខាងសាខាលោក នៅតែខាងក្នុង មិនបានដឹងឮទេ។ ប្រធានគយក្រុងប៉ោយប៉ែត បានថ្លែងប្រាប់អ្នក​សារព័ត៌មាន ដោយសម្តីបែបនេះថា៖ «លោកឯងមកសួរខ្ញុំអី! ខ្ញុំនៅតែខាងក្នុង ខ្ញុំម៉ិចដឹង ទៅសួរអ្នកនៅ​សាខា​ចល័ត​ទៅ»។

ការត្រួតពិនិត្យទារប្រាក់ នៅតាមដងផ្លូវនេះ បានជំរុញឲ្យមានការបើកគេច ពីសំណាក់រថយន្ដដឹកទំនិញ​មួយ​ចំនួន រហូតធ្វើឲ្យគ្រោះថ្នាក់ចរាចរណ៍ បានកើតមានឡើង [...]

តាមសេចក្ដីរាយការណ៍ ពីខេត្តស្ទឹងត្រែង បានឲ្យដឹងថា នៅថ្ងៃទី១០ ខែ សីហា ឆ្នាំ២០១៥ វេលាម៉ោង ១៩ និង ៤០ នាទីយប់ មានហេតុការណ៍មួយ បានបង្កឲ្យភ្ងាក់ផ្អើល ដល់ប្រជាពលរដ្ឋ ដែលរស់នៅ ក្នុងភូមិសំរោង ទាំង​មូល ដោយសារតែករណី អំពើហិង្សាក្នុងគ្រួសារមួយ រវាងប្តីនិងប្រពន្ធមួយគូរ បានផ្ទុះឡើង រហូតឈាន​ ដល់​ដកកាំភ្លើងបាញ់ប្រពន្ធ ពីសំណាក់បី្តដែលជាទាហាន ហើយបណ្តាលឲ្យប្រពន្ធ រងរបួសធ្ងន់ធ្ងរ។ ករណីបាញ់​ប្រហារប្រពន្ធនេះ កើតឡើងនៅភូមិសំរោង ឃុំសំបូរ ស្រុកសៀមប៉ាង ខេត្តស្ទឹងត្រែង។

មន្រ្តីនគរបាល ដែលចុះទៅដល់កន្លែងកើតហេតុ បានឲ្យដឹងថា ជនរងគ្រោះមានឈ្មោះ និច ចាន់ណៃ មាន​អាយុ ៣៧ ឆ្នាំ រស់នៅក្នុងភូមិចំការលើ ឃុំចំការលើ ស្រុកថាឡាបរិវ៉ាត់ ចំណែកឯជនបង្កជាប្តី ឈ្មោះ នៅ សារិទ្ធ មាន​អាយុ ៤១ឆ្នាំ រស់នៅក្នុងភូមិឃុំជាមួយគ្នា និងមានមុខរបរជាទាហាន នៅវរ:ការពារព្រំដែនលេខ ១០១។

សមត្ថកិច្ចបានដាក់សង្ស័យ ជាជំហានដំបូងថា [...]