Posts in ‘គ្រប់អត្ថបទជាខេមរភាសា’ Category

តាមវីដេអូឃ្លីបមួយ មានរយះពេល៥នាទី និង៧វិនាទី ដែលពោពេញទៅដោយអត្ថន័យអប់រំ សម្រាប់អ្នក​ធ្លាប់​បានឆ្លងកាត់ ការបង្ហាត់បង្ហាញពីគ្រូបង្រៀន ត្រូវបានផលិតកម្ម «សាស្ត្រា» ផលិតជាភាពយន្ដខ្លីឡើង ហើយ​យក​មកបង្ហោះ នៅលើទំព័រហ្វេសប៊ុករបស់ខ្លួន ឈ្មោះ «Sastra Film» បង្កចំណាប់អារម្មណ៍ ពេញ​បណ្តាញ​សង្គម រហូតដល់អ្នកដែលបានទស្សនា អាចនឹងទប់ទឹកភ្នែក មិនឲ្យហូរមិនបាន។

សម្ដែងដោយនាង ស្វែង សុជាតា ភាពយន្ដខ្លី តែន័យអប់រំជ្រៅមួយនេះ បានបង្ហាញពីខ្សែជិវិត របស់​គ្រូ​បង្រៀន ដែលព្យាយាមធ្វើគ្រប់យ៉ាងដើម្បី បង្រៀនសិស្សចេះ និងក្លាយជាមនុស្សល្អគ្រប់ៗគ្នា។ បើទោះ​ជា​ពេលខ្លះ គ្រូមានជម្ងឺ មានជីវភាពមិនសូវធូរធារ និងរងការបន្ទោស ពីអាណាព្យាបាលសិស្សក៏ដោយ ក៏គ្រូ​នៅ​តែយកចិត្តទុកដាក់ បង្រៀនណែនាំ លើកទឹកចិត្តស្រលាញ់សិស្ស រាល់គ្នាដែរ។

ជាងនេះទៅទៀត គ្រូបង្រៀនមិនដែលគិតថា នឹងបានការតបស្នង ពីសិស្សអ្វីឡើយ [...]

សាលាឧទ្ទរណ៍នៃប្រទេសកម្ពុជា មិនបានសម្រេច​ឲ្យលោក ហុង សុខហួរ សមាជិកព្រឹទ្ធសភាមកពី​គណបក្ស សម រង្ស៊ី ចេញមកនៅក្រៅឃុំឡើយ បើទោះជាខាងការពារក្ដី បានត្រៀមតម្កល់ប្រាក់ ចំនួន២០លានរៀល នោះ​ក៏ដោយ។ ខាងមេធាវីការពារក្ដី ឲ្យលោក សុខហួរ បានបង្ហើបថា នឹងអាចមានបណ្ដឹងសារទុក្ខ ឡើងទៅ​តុលាការ​កំពូលទៀត បើសិនណាជាលោក សុខហួរ យល់ព្រម។

ថ្លែងទៅកាន់អ្នកសារព័ត៌មាន ក្នុងបរិវេណសាលាឧទ្ទរណ៍ លោកមេធាវី ជួង ជូងី បានលើកឡើងថា លោក​នឹងធ្វើតាមនីតិវិធីច្បាប់ ជាបន្តទៅកាន់តុលាការកំពូល តាមរយៈការយល់ព្រម របស់លោក ហុង សុខហួរ ដែល​ជាកូនក្តីរបស់លោក។ លោកមេធាវី បានថ្លែងឲ្យដឹងថា៖ «នីតិវិធីយើង មានសិទ្ធិប្តឹងសារទុក្ខ ទៅ​តុលាការ​កំពូល។ យើងមិនទាន់ដឹងថា លោក ហុង សុខហួរ គាត់ប្រើសិទ្ធិនេះឬទេ?។ បើលោក ហុង សុខហួរ ប្រើសិទ្ធិ ខ្ញុំនិងរៀបចំបែបបទ ប្តឹងសាទុក្ខជូនគាត់។»

ការបើកសនាការ នាព្រឹកថ្ងៃទី០៤ ខែវិច្ឆិកា ឆ្នាំ២០១៥នេះ [...]

នៅពេលជាងមួយសប្តាហ៍នេះ ផលិតកម្មថោន បានបង្ហាញពីវត្តមានតារាស្រីថ្មី ដ៏ស្រស់ស្អាត និងមាន​សំនៀង​ដ៏ពិរោះ ឈ្មោះ និរត្តន៍ តាមរយះបទចម្រៀងមួយបទ ដែលមានចំណងជើងថា«ទឹកភ្នែកនិស្សិត» ដែល​និពន្ធ​ទំនុកច្រៀង ដោយលោក យឹម តាស្រង់ ក្នុងអត្ថន័យអប់រំ។

តាមពិតបទចម្រៀង ទឹកភ្នែកនិស្សិត នេះបានផ្សាព្វផ្សាយ តាមយូធូប តាំងពីថ្ងៃ ទី ២៦ ខែតុលាមកម្លេះ ប៉ុន្តែ​មិនទាន់មានការគាំទ្រ ពីសំណាក់អ្នកទស្សនា​ច្រើននៅឡើយ។ ទើបតែនៅដើមខែវិច្ឆកានេះ ទើបផលិតកម្ម​ថោន បានផ្សាយចម្រៀងនេះម្តងទៀត តាមទំព័រហ្វេសប៊ុករបស់ខ្លួន ហើយក៏ទទួលបានចំណាប់​អារម្មណ៍​យ៉ាង​ច្រើន ពីសំណាក់អ្នកប្រើប្រាស់ និងអ្នកគាំទ្រផលិតកម្ម ដែលលាន់មាត់ សឹងតែគ្រប់ៗគ្នាថា បទនេះ​ពិរោះ​ណាស់ ថែមទាំងមានន័យ ក្នុងការអប់រំនោះទៀត។

«ទឹកភ្នែកនិស្សិត» ជាចម្រៀងមនោសញ្ចេតនាកំសត់ ដែលរៀបរាប់ពីជិវិត របស់និស្សិតស្រុកស្រែ ដែលមក​រៀនយកបរិញ្ញាបត្រ នៅរាជធានី ហើយក៏ភ្លើតភ្លើនមានស្នេហា [...]

ហេតុការណ៍នេះ ត្រូវបានបងប្អួនសាច់ញាតិ នៃសពនៅភូមិបឹងក្រទឹប ឃុំជាងដែក ស្រុកកំពង់ត្របែក ប្រាប់​ឲ្យដឹងថា បុរសជាប្តី ឈ្មោះ រ៉ុង អាយុប្រមាណ៤០ឆ្នាំ ចំណែកប្រពន្ធឈ្មោះ ធន អ្នកទាំងពីរ ជាកម្មករសំណង់ ធ្វើការនៅម្តុំទួលទំពូង។ អ្នកជិតខាងទាំងនោះ បានបន្ថែមទៀតថា មុនពេលមានអាការៈពុល បែបនេះ​កើត​ឡើង ទាំងពីរនាក់ប្តីប្រពន្ធ បាននាំគ្នាទៅទិញនំបញ្ចុកគីឡូ (មានតែនំបញ្ចុកសុទ្ធ គ្មានទឹកសម្លរ គ្មានល្បោយ) ពីអ្នកលក់មួយកន្លែង នៅក្បែរផ្សារខាងលើ។

លុះទិញនំបញ្ចុករួច និងត្រឡប់មកដល់បន្ទប់ជួលវិញ ទើបប្តីប្រពន្ធខាងលើ ចាប់ផ្តើមស្លរទឹកនំបញ្ចុកនោះ ដោយ​ខ្លួនឯង ក្រោយពីទទួលទានមិនបានប៉ុន្មានផង ស្រាប់តែមានអាការៈមិនស្រួល ដោយ​ក្អួតចេញ​មក​យ៉ាងខ្លាំង ទាំងពីរនាក់ប្តីប្រពន្ធ នៅកណ្តាលយប់ ថ្ងៃទី០៣ ខែវិច្ឆិកា ឆ្នាំ២០១៥កន្លងទៅនេះ។ អ្នកធ្វើការ​ជា​មួយ បានបញ្ជូនប្ដីប្រពន្ធរងគ្រោះទាំងពីរ ទៅកាន់មន្ទីរពេទ្យមួយ នៅរាជធានីភ្នំពេញ។

ហេតុការណ៍គ្រោះថ្នាក់នេះ បានកើតឡើង កាលពីវេលាម៉ោង១៧ និង២០នាទី ល្ងាចថ្ងៃទី០២ ខែវិច្ឆិកា ឆ្នាំ​២០១៥ នៅតាមបណ្តោយផ្លូវ៦០ ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ បុរសជា​ម្ចាស់​ម៉ូតូ ដែលសុំលាក់អត្តសញ្ញាណ បានរៀបរាប់ឲ្យដឹងថា លោកជិះម៉ូតូធុន យ៉ាម៉ាហា ពណ៍ខ្មៅ​លាយ​លឿង មិន​ទាន់​មានស្លាកលេខ ស្រាប់តែជិះ ជិតដល់កន្លែងកើតហេតុ ម៉ូតូរបស់លោករលត់។

ក្រោយមក លោកបានចុះបណ្តើរ ប្រមាណ១៥០ម៉ែត្រ ស្រាប់តែមានឡានមួយគ្រឿង ធុនសាំយ៉ុង ដែលគេ​ស្គាល់ថា ជាឡាន របស់ក្រុមហ៊ុនស្រាបៀរលីអូ ពណ៍ក្រហម ស្លាកលេខភ្នំពេញ ២V-២៧៥២ បាន​បើក​យ៉ាង​លឿន មកពីក្រោយ ក្នុងទិសដៅស្របគ្នា រួចវ៉ាឡានក្រុងធំមួយគ្រឿង ទាំងមិនបន្ថយល្បឿន ក៏ជ្រុលចង្កូត ទៅ​បុកម៉ូតូរបស់លោក កំពុងបណ្តើរពេញទំហឹង បណ្តាលឲ្យដួលបែកបាក់ និងខូចខាតមួយចំនួន។ តែលោក​ជា​ម្ចាស់​ម៉ូតូ មិនមានគ្រោះថ្នាក់ធ្ងន់ធ្ងរនោះទេ។

ក្រោយពីកើតហេតុភ្លាមៗ [...]