Posts in ‘គ្រប់អត្ថបទជាខេមរភាសា’ Category

មនុស្សជាច្រើនលាននាក់ បានចុះទៅបោះឆ្នោត កាលពីថ្ងៃអាទិត្យនេះ នៅប្រទេសភូមា តាំងពីម៉ោង៧ព្រឹក រហូតដល់ម៉ោង១៦ល្ងាច។ លទ្ធផលជាផ្លូវការ នៃការបោះឆ្នោតសកល ជ្រើសតាំងតំណាងរាស្ត្រនេះ នឹង​ត្រូវ​ប្រកាស ក្នុងច្រើនថ្ងៃទៅមុខទៀត តែគណៈកម្មាធិការជាតិរៀបចំការបោះឆ្នោត បានប្រកាសកាលពី​យប់ថ្ងៃ​អាទិត្យ ថាមនុស្សប្រមាណជា៨០ភាគរយ នៃពលរដ្ឋដែលអាចបោះឆ្នោតបាន ប្រមាណជា ៣០លាននាក់ បាន​ចេញទៅបោះឆ្នោត ហើយលទ្ធផលជាជំហានដំបូង នឹងប្រកាសឲ្យដឹង នៅព្រឹកថ្ងៃចន្ទនេះ។

ចំនួនពលរដ្ឋដ៏ច្រើនលើសលប់ នៃការចេញទៅបោះឆ្នោតនេះ ដោយសារពលរដ្ឋទាំងនោះទន្ទឹងឲ្យមានការ​ផ្លាស់ប្ដូររបបដឹកនាំរបស់ប្រទេស ដែលបានធ្លាក់ចូល​ទៅក្នុងរបបដឹកនាំ​បែបយោធានិយម តាំងពីឆ្នាំ១៩៦២​មក។ នេះបើតាមសាស្ត្រាចារ្យមួយរូប ដែលថ្លែងក្នុងលក្ខខណ្ឌមិនបញ្ចេញឈ្មោះ ពីរដ្ឋធានី រ៉ង់ហ្គូន ប្រទេស​ភូមា។ គណបក្សរបស់អ្នកស្រី អ៊ុងសាន ស៊ូជី វិញ ក៏បានលើកយកការស្ទាបស្ទង់ ជាជំហានដំបូងមួយដែរថា [...]

ការិយាល័យបោះឆ្នោត បានបើកទ្វាតាំងពីព្រឹកព្រហាម ក្នុងថ្ងៃអាទិត្យនេះ ដើម្បីការបោះឆ្នោត ​ជ្រើស​តាំង​តំណាងរាស្ត្រ ដែលមានលក្ខណៈ ជាប្រវត្តិសាស្ត្រមួយ និងមានលក្ខណៈសេរី តាំងពី២៥ឆ្នាំមកហើយ។ នេះ​បើតាមការប្រកាស របស់គណៈកម្មាធិការជាតិរៀបចំការបោះឆ្នោត ភូមា។ ហើយក៏ជាការបោះឆ្នោតមួយ ដែល​គណបក្សសម្ព័ន្ធជាតិ ដើម្បីប្រជាធិបតេយ្យ (LND) របស់អ្នកស្រីអង់សានស៊ូជី អាចនឹង​ទទួលបាន​ជ័យជំនះ ឈ្នះកៅអីតំណាងរាស្ត្រ ដើម្បីឈានទៅកាន់អំណាច។

បណ្ដាញផ្សព្វផ្សាយក្នុងស្រុក បានរាយការណ៍ថា អ្នកស្រី ស៊ូជី បានទម្លាក់សន្លឹកឆ្នោតរបស់អ្នកស្រី ទៅក្នុង​ហិបឆ្នោត តាំងពីម៉ោង៧ព្រឹក នៅក្នុងការិយាល័យបោះឆ្នោត ដែលស្ថិតក្នុងបរិ​វេណសាលារៀនមួយ កណ្ដាល​ក្រុង ង់ហ្គូន។

ជាការរំលឹកឡើងវិញ នៅក្នុងការបោះឆ្នោតនាឆ្នាំ១១៩០ ដែលត្រូវបានវិន្និច្ឆ័យថា មានលក្ខណៈសេរីនោះ ក្រុម​មេដឹកនាំយោធាភូមិ បានទទួលបរាជ័យ នៅចំពោះប្រជាប្រិយភាព ដ៏ធំធេងនៃគណបក្ស «LND»។ [...]

មជ្ឃមណ្ឌលសហប្រតិបត្តិការ កម្ពុជា-ជប៉ុន បានធ្វើកម្មវីធី អបអរសាទរ និងប្រគល់អាហាររូបករណ៍ «KIZUNA FUND» កាលពីព្រឹកថ្ងៃទី០៥ ខែវិច្ឆកា ឆ្នាំ២០១៥នេះ ដល់និស្សិតចំនួន ១០នាក់ ដែលមក​ពី​មហាវិទ្យាល័យ​ចំនួន៣ ក្នុងសកលវិទ្យាល័យភូមិន្ទភ្នំពេញ។ មហាវិទ្យាល័យទាំងបីនោះមាន មហាវិទ្យាល័យ​វិទ្យាសាស្រ្ត មហាវិទ្យាល័យសង្គមសាស្រ្ត និងមនុស្សសាស្រ្ត និងដេប៉ាតឺម៉ង់ ភាសាជប៉ុន។

លោក កីម អឿន ជានាយកមជ្ឃមណ្ឌលសហប្រតិបត្តិការ កម្ពុជា-ជប៉ុន បានឲ្យដឹងថា នេះជាលើកទី១ ក្នុង​ការ​ផ្តល់អាហាររូបករណ៍នេះ ដល់និស្សិត ដែលមានជីវភាពខ្វះខាត នៅក្នុងការសិក្សា នៅថ្នាក់​មហាវិទ្យាល័យ សម្រាប់និស្សិតសិក្សា នៅឆ្នាំទី៣ និងទី៤។ លោកបានបន្តទៀតថា និស្សិតមួយចំនួន មាន​សមត្ថភាព​ក្នុង​ការ​សិក្សា ប៉ុន្តែមិនមានលទ្ធភាពសិក្សាទេ ហើយអាហាររូបករណ៍នេះ បានជួយសម្រួល​ដល់​ពួកគេ។

នៅពេលអនាគត លោកនឹងព្យាយាម​ស្វែងរកថវិការផ្សេងទៀត ដើម្បីផ្តល់ឲ្យនិស្សិត [...]

ព្រហើន ល្ងង់ខ្លៅ សុំទោស ឬវប្បធម៌សន្ទនា... សុទ្ធសឹងជាពាក្យម៉ាត់ៗ របស់លោកនាយករដ្ឋមន្ត្រី​ ហ៊ុន សែន នៅក្នុងសារនយោបាយមួយ ដែលលោកបានថ្លែងជាសាធារណណៈ កាលពីព្រឹកថ្ងៃទី៥ ខែវិច្ឆិកា ក្នុងពិធី​បើក​សម្ពោធគម្រោងការពារទឹកជំនន់ និងកែលំអប្រព័ន្ធប្រឡាយលូ នៅទីតាំងសួនច្បារមុខវត្តបទុមវតី រាជធានី​ភ្នំពេញ។ តើសារនយោបាយនោះ មានសច្ចៈភាពបានប៉ុន្មានចំណុច? ដើម្បីឆ្លើយនឹងសំនួរនេះ លោក ព្រហ្ម គិត អតីតមន្ត្រីច្បាប់ មកពីប្រទេសកម្ពុជា និងជាអ្នកវិភាគ ឲ្យទស្សនាវដ្ដីមនោរម្យ.អាំងហ្វូ នឹង​ពន្យល់​ជម្រាបជូន ដូចខាងក្រោម។

ការផ្អាកពីធីបុណ្យអុំទូក...

លោកនាយករដ្ឋមន្ត្រីកម្ពុជា បានប្រតិកម្មមុនគេ ទៅនឹង«ការធ្វើអត្ថាធិប្បាយរបស់អ្នកវិភាគ និងតំណាង​រាស្រ្ត»​មួយចំនួន មកពីគណបក្សប្រឆាំង ថាកំពុងម៉ាក់ងាយ និងប្រមាថដល់រដ្ឋាភិបាល របស់លោក។ លោក ហ៊ុន សែន បានហៅអ្នកវិភាគ និង​តំណាងរាស្រ្តទាំងនោះថា [...]

តើមានលក្ខណៈខុសគ្នា យ៉ាងដូចម្ដេចខ្លះ នៅចំពោះ​មុខ​ច្បាប់ ទើបលោក«ខ្នោះដៃ» ដែលតែងត្រូវបាន​បំពាក់ ឲ្យតំណាងរាស្ត្រ ឬសមាជិកព្រឹទ្ធសភា តែលោក​«ខ្នោះដៃ»ដដែលនេះ បែរជាមិនត្រូវបានបំពាក់ ជូន​ជនសង្ស័យ ក្នុងបទល្មើសផ្សេងទៀត ដូចជាលោក សុខ ប៊ុន (ឧកញ៉ា ដែល​វាយតប់តារាទូរទស្សន៍ សាសា) លោក ឈូក បណ្ឌិត (អតីតអភិបាលក្រុងបាវិត ដែលបាញ់បោះ លើកម្មករ) និងថ្មីៗនេះ ដូចជាជនទាំងបី ដែល​សង្ស័យ​ថា បានវាយស្ទើស្លាប់ស្ទើរស់ តំណាងរាស្ត្រពីររូប មកពី​គណបក្ស​សង្គ្រោះ​ជាតិ។

រឿងបែបនេះ បានកើតឡើងច្រើនដងណាស់។ នៅក្រោយព្រឹត្តិការណ៍ស្ពាននាគ តំណាងរាស្រ្ត (កាល​នោះ​ជាបេក្ខជនជាប់ឆ្នោត) មកពីគណបក្សប្រឆាំង ឬនៅក្នុងព្រឹត្តិការណ៍ ចាប់សមាជិកព្រឹទ្ធសភា លោក ហុង សុខហួរ ក៏ដោយ ពួកគេសុទ្ធតែ​ត្រូវបានវាយខ្នោះដៃ និងចាប់ក្រៀកថតដាក់ទូរទស្សន៍ មើលទៅយ៉ាងអស្ចារ្យ គួរឲ្យព្រឺសម្បុរខ្ញាកៗតែម្ដង។ ដោយឡែក សកម្មជនគណបក្សប្រជាជនកម្ពុជា [...]