Posts in ‘គ្រប់អត្ថបទជាខេមរភាសា’ Category

កីឡាបាល់ទាត់ ជាកីឡាលេងជាក្រុម ដែលបានផ្ដល់យុត្តិធម៌ តិចឬច្រើន ទៅឲ្យក្រុមដែលចូលរួមប្រកួត។ តែ​កីឡាមួយនេះ ក៏អាចសម្លាប់ក្រុមមួយ មិនឲ្យងើបមុខរួច ឬធ្វើឲ្យក្រុមនោះខកចិត្ត ស្ទើរស្រក់ទឹកភ្នែក​មិន​ចេញ ក៏មានដែរ។ ហើយនេះជាករណី របស់ក្រុម ជូវេនទូស (Juventus) របស់ប្រទេសអ៊ីតាលី ដែលបាន​មក​ប្រកួត ជាមួយក្រុម បាយ៉ឺន ក្នុងកីឡាដ្ឋានដ៏ធំ របស់ក្រុមបាល់ទាត់ របស់ប្រទេសអាល្លឺម៉ង់មួយនេះ។ ការ​ខកចិត្ត ដោយ​សារក្រុម ជូវេនទូស បានរកបានគ្រាប់បាល់ ដល់ទៅពីរគ្រាប់ នាំមុខក្រុម បាយ៉ឺន រួចហើយ នៅក្នុង​ពាក់​កណ្ដាល​ម៉ោង​ដំបូង។

តែនៅពាក់កណ្ដាលម៉ោងទីពីរ ក្រុម បាយ៉ឺន បានខិតខំស្វែងរកគ្រាប់បាល់ ត្រឡប់មកវិញ រហូតបានពិន្ទុស្មើរ និងតម្រូវ​ឲ្យការប្រកួត ត្រូវបន្ថែមម៉ោង១៥នាទី+១៥នាទី។ គឺនៅក្នុងការបន្ថែមម៉ោងទីពីរនេះហើយ ដែលក្រុម បាយ៉ឺន បានឆ្លៀតឱកាស លើចំណុចខ្សោយ ដែលអាចបណ្ដាលពីការរត់អស់កម្លាំង របស់ក្រុម ជូវេនទូស ផង [...]

ទាហានកុមារចំនួន៤៦នាក់ ត្រូវបានរំសាយ ឲ្យត្រឡប់ទៅរកជីវិត ជាប្រជាពលរដ្ឋសមញ្ញ ជាមួយនឹងគ្រួសារ​រៀងៗខ្លួនវិញ។ នេះជាការប្រកាស របស់សារព័ត៌មានផ្លូវការភូមា កាលពីថ្ងៃអាទិត្យ​ ដោយស្រង់ប្រភព ពីកង​កម្លាំងប្រដាប់អាវុធ របស់ប្រទេសភូមា ដើម្បីបង្ហាញពីការខិតខំរបស់ខ្លួន ក្នុងការអនុវត្តកិច្ចព្រមព្រៀង ជា​មួយ​អង្គការសហប្រជាជាតិ កាលពីឆ្នាំ២០១២ ស្ដីពីការឈប់រើសទាហានកុមារ និងអនុញ្ញាតឲ្យទាហានកុមារ ដែល​មានក្នុងជួរកងទ័ពស្រាប់ វិលត្រឡប់ទៅរកជីវិត ជាពលរដ្ឋធម្មតាវិញ។

សារព័ត៌មានផ្លូវការ «Global New Light of Myanmar» ដែលផ្សាយជាភាសារអង់គ្លេស បាន​រាយការណ៍​ឲ្យ​ដឹង​ថា កុមារចំនួន៤៦នាក់ បានវិលត្រឡប់ទៅរកគ្រួសាររបស់ពួកគេវិញ នៅក្នុងពិធីមួយ កាលពីថ្ងៃសៅរ៍។ សារព័ត៌មាន​បានបន្តថា៖ «កងទ័ពបានធ្វើការរំសាយ១២ដង នូវទាហាន ចំនួន៧៤៤នាក់ ដែលមិន​ទាន់​គ្រប់​អាយុ ក្នុងនោះរាប់ទាំងការរំសាយ កាលពីថ្ងៃសៅរ៍នេះផង»។

ធនាគារបរទេស ចំនួនយ៉ាងហោចបួន បានទទួលបានការអនុញ្ញាត ឲ្យបើកទ្វាដំណើរការ នៅក្នុង​ប្រទេស​ភូមា។ អាជ្ញាធររបស់ប្រទេសនេះ រំពឹងថា ការបើកទ្វាធនាគារទាំងនេះ នឹងទាក់ទាញអ្នក​វិនិយោគទុន​ផ្សេង​ទៀត ពីបរទេស។ នេះបើតាមការអះអាង របស់ទីភ្នាក់ងារព័ត៌មានផ្លូវការ របស់ប្រទេសមួយនេះ កាលពី​ថ្ងៃ​អាទិត្យ។

តាំងពីច្រើនទសវត្សន៍មកហើយ ខណៈដែលប្រទេសភូមា ស្ថិតក្រោមការដឹកនាំ របស់របបយោធា វិស័យ​ធនាគារ​របស់ប្រទេសនេះ ត្រូវបានបិទ មិនអនុញ្ញាតឲ្យមានការប្រកួតប្រជែងឡើយ ជាពិសេសពីសំណាក់ ធនាគារ​បរទេស។ ហេដ្ឋារចនាសម្ព័ន្ធ ហិរញ្ញាវត្ថុរបស់ប្រទេសភូមា នៅក្នុងពេលនោះ បានធ្វើឲ្យគេគិតថា ប្រទេស​នេះ​មិនទុកចិត្ត ទៅលើធនាគារណាផ្សេង សូម្បីបន្តិច​ឡើយ។

ប៉ុន្តែរាប់ចាប់តាំងពីឆ្នាំ២០១១មក កំណែរទម្រង់បានកើតមានឡើងបន្តិចម្ដងៗ។ រដ្ឋាភិបាលថ្មី ដែលចូល​មក​ជំនួសរដ្ឋាភិបាលយោធានោះ បានដឹកនាំនយោបាយកំណែរទម្រង់មួយ ដែលអនុញ្ញាតឲ្យមានការលើកចេញ [...]

នៅក្នុងរយៈពេល ប៉ុន្មានថ្ងៃចុងក្រោយនេះ បណ្ដាអ្នកគាំទ្រក្រុមបាល់ទាត់ ប៉ារីសស៊ាំងហ្សែរម៉ាំង (Paris Saint Germain) បានផ្អើលជ្រួលជ្រើម ស្ទើរហើបជើងពីដី សឹងតែរៀងៗខ្លួន ព្រោះពាក្យសំដីលេងសើច​ក្អាកក្អាយ របស់កំពូលកីឡាករបាល់ទាត់ ដ៏ល្បីឈ្មោះ មកពីប្រទេសស៊ុយអែត ស្លាតាន់ អ៊ីប្រ៊ាហ៊ីម៉ូវិក (Zlatan Ibrahimovic) ដែលមកដល់ថ្ងៃនេះ បានជាប់ជាកំពូលកីឡាករ ដែលរកគ្រាប់បាល់​បានច្រើនជាងគេ នៅទ្វីប​អ៊ឺរ៉ុប ខ្លាំងជាងកីឡាករ គ្រីស្ទៀណូ រ៉ូណាល់ដូ (Cristiano Ronaldo) នៅក្រុមរៀល ម៉ាឌ្រីត (Real Madrid) ឬ​កីឡាករ លីយ៉ូណែល ម៉េស៊ី (Lionel Messi) នៅក្រុមបាសឺឡូន (Barcelona) ទៅទៀត។

ពាក្យសំដីកំប្លែងលេងសើច របស់កីឡាករនោះ បានធ្វើឡើង ដើម្បីជាការឆ្លើយតប ទៅនឹងសំនួរ ដែលបាន​ចោទ​សួរ តាំងពីច្រើនខែមកហើយ ថាតើ កីឡាករស៊ុយអ៊ែតខាងលើ នឹងនៅទាត់ឲ្យក្រុមប៉ារីសទៀតឬទេ? បន្ទាប់​ពី​រកគ្រាប់បាល់ បានរហូតដល់ទៅ៤គ្រាប់តែឯង [...]

បន្ទាប់ពីបង្ក្រាបក្រុម ឆែលស៊ី (Chelsea) ដើម្បីឡើងទៅប្រកួត នៅវគ្គ១/៤ នៃពានរង្វាន់ខ្នាតអ៊ឺរ៉ុប «Champions League» កាលពីដើមសប្ដាហ៍មុនរួច នៅរសៀលថ្ងៃអាទិត្យទី១៣ ខែមីនា ម្សិលម៉ិញនេះ ក្រុមប៉ារីស​ស៊ាំង​ហ្សែរម៉ាំង (Paris Saint Germain) ដែលជាក្រុម ប្រចាំឲ្យ​រដ្ឋធានីប៉ារីស ប្រទេសបារាំងនោះ បាន​ទទួល​បាន«ជើងឯក» នៃរដូវកាល២០១៥-២០១៦ រួចជាស្រេច។ ការដណ្ដើមយកតំណែង ជាជើង​ឯក​នេះ ស្ថិត​ក្នុង​ក្របខណ្ឌ​បាល់ទាត់អាជីព នៃការប្រកួតសន្សំពិន្ទុ សម្រាប់ពេញមួយរដូវកាល ដែលមានឈ្មោះថា «Ligue1» (ស្មើនឹង Premier Peague របស់អង់គ្លេស ឬ Liga របស់អេស្ប៉ាញ)។

ការប្រកួត នៅក្នុង «Ligue1» ទាំងមូលមាន៣៨ប្រកួត។ ប៉ុន្តែក្រុមប៉ារីស បានទទួលបានតំណែង ជាជើងឯក តាំងពីការប្រកួតទី៣០ រួចទៅហើយ។ ហេតុអ្វី? ព្រោះដោយសារក្រុមនេះ តែងទទួលបានជ័យជំនះ សឹងជា​រៀង​រាល់ការប្រកួត (ចាញ់តែម្ដងគត់ គឺការប្រកួតជាមួយក្រុម លីយ៉ុង "Lyon" កាលពីថ្ងៃទី២៨ [...]