កែម ឡី៖ CPP មានលទ្ធភាពឈ្នះនិងបន្តកាន់អំណាច ប្រសិនបើ...
ប្រសិនជាលោក កែម ឡី អ្នកស្រាវជ្រាវផ្នែកសង្គម តែងធ្វើការវិភាគ ទៅលើព្រឹត្តិការណ៍សង្គម និងនយោបាយថ្មីៗនោះ តែលោកក៏បានឆ្លៀតឱកាស ដើម្បីធ្វើការវិភាគ ទៅលើយុទ្ធសាស្ត្រដ៏សំខាន់មួយចំនួន ដែលធ្វើឲ្យគណបក្សប្រជាជនកម្ពុជា មានលទ្ធភាពនឹងឈ្នះឆ្នោត ហើយនៅបន្តកាន់អំណាច តទៅមុខទៀត។ នៅក្នុងសំណេរមួយ នៅលើទំព័រផ្លូវការរបស់លោក អ្នកស្រាវជ្រាវរូបនេះ បានលើកឡើងជាសេចក្ដីផ្ដើម ថាលទ្ធភាពនោះអាចទៅរួច លុះត្រាតែគណបក្សកាន់អំណាចសព្វថ្ងៃ ធ្វើកំណែទម្រង់ ទៅលើវប្បធម៌បុគ្គល វប្បធម៌ស្ថាប័ន និងភាពជាអ្នកដឹកនាំបើកចំហ តម្លាភាព គណនេយ្យភាព ទំនួលខុសត្រូវសង្គមខ្ពស់ តាមបែបប្រជាធិបតេយ្យពិត និងជំរុញឲ្យមានការចូលរួម ពីសំណាក់ពលរដ្ឋ ឲ្យបានពេញលេញ និងសកម្ម។
តែផ្ទុយទៅវិញ ក្នុងករណីមិនអាចផ្លាស់ប្តូរ (ឬកែទម្រង់) ខ្លួនឯងបានទេ នោះមានន័យថា គណបក្សមួយនេះ កំពុងរង់ចាំឲ្យគេផ្លាស់ប្តូរឲ្យ [...]
