Posts in ‘អត្ថបទមានវីដេអូ’ Category

ក្នុងវ័យ១១ឆ្នាំ ការច្រៀងចម្រៀងគោក (អត់ភ្លេង) មួយបទ របស់កុមារី អ៊ុក សុវណ្ណារី ដែលមានចំណងជើងថា «ជំនោរ​ប៉ៃលិន» និងដែលជាសំនៀងដើម របស់អ្នកស្រី រស់ សិរីសុទ្ធា បានធ្វើឲ្យអ្នកទស្សនាជាច្រើន ទ្រាំ​សរសើរ​មិនបាន។ អ្នកបានស្តាប់សម្លេងមួយចំនួន ដែលមិនបានឃើញមុខ អ្នកច្រៀងតូចខាងលើ គិតថាជា​សម្លេង របស់ម្ចាស់ដើម ឬអាចជាមនុស្សតែមួយ។

កុមារីខាងលើ ធ្លាប់ត្រូវបាន​គ្រូចម្រៀងជើងចាស់ម្នាក់ គឺលោក នូ ស៊ឹប ដាក់រហ័ស្សនាមឲ្យនាងតូចថា ជា​អ្នកស្រី រស់ សិរីសុទ្ធា ទីពីរ។ កាលណោះ អ្នកឯកទេសខាងចាប់ថ្នាក់ ដាក់ពិន្ទុម្នាក់នេះ បានសរសើរ ចំពោះ​សម្លេង​កុមារីនេះថា ច្រៀងទៅមានទឹកដមល្អ មិនមានឃ្លាណាមួយ នៃបទអ្នកស្រី រស់ សិរីសុទ្ធា ដែល​កុមារី អ៊ុក សុវណ្ណារី ធ្វើមិនបាននោះទេ។ លោកគ្រូបានឲ្យយោបល់នេះ ស្របទៅនឹងអ្វី ដែលអ្នកទស្សនា លើក​ឡើង​នៅ​ពេល​បច្ចុប្បន្នថា កុមារីច្រៀងដូច ម្ចាស់សំនៀងដើមណាស់។

បច្ចុប្បន្ននេះ កុមារី អ៊ុក សុវណ្ណារី [...]

ក្រៅពីអាជីពជាអ្នកកំប្លែង ដ៏មានប្រជាប្រិយភាព នាយ ក្រូច កំពុងប្រឡូកខ្លួន ទៅជាអ្នកចម្រៀងមួយរូបទៀត។ ថ្មីៗនេះ នាយ ក្រូច បានសម្ដែងសមត្ថភាពដ៏ពិសេសនេះ តាមរយៈចម្រៀងមនោសញ្ចេតនា អន្លង់អន្លោច ស្នេហា​ព្រាត់ប្រាស មួយបទ ដែលមានចំណងជើងថា «គេឱបអូន បងឱបថ្នាំពេទ្យ»។

«គេឱបអូន បងឱបថ្នាំពេទ្យ» ជាបទថ្មី របស់ផលិតកម្ម សាន់ដេ ដែលបកស្រាយដោយនាយ ក្រូច ដែលត្រូវ​បាន​ផ្សាព្វផ្សាយ តាមបណ្តាញយូធូប (youtube) នៅពេលថ្មីៗនេះ និងបានទទួលការគាំទ្រពី សំណាក់​ទស្សនិកជន​យ៉ាងច្រើន ព្រោះតែទឹកដមសម្លេងដ៏ពិរោះ របស់តារាកំប្លែង និងអត្ថន័យរបស់ចម្រៀង ដែលមានន័យចាក់​ដល់​បេះដូង។

ដូចបានឃើញ នៅក្នុងចំណងជើងស្រាប់ អត្ថន័យក្នុងបទចម្រៀង បានបង្ហាញពីគូរស្នេហ៍មួយគូ ដែល​ស្រលាញ់​គ្នា តែដុល្លារបានបំបែកពួកគេចេញពីគ្នា ព្រោះតែគ្រួសារខាងប្រុសក្រីក្រ មិនអាចបំពេញតាមតម្រូវការ របស់​ខាង​ស្រីបាន។ ចំណែកអ្នកថ្មីអាចផ្តល់អ្វីៗគ្រប់យ៉ាង តាមការចង់បាន [...]