Posts in ‘សម្រាំងជាខេមរភាសា’ Category

រឿងដែលនឹកស្មានមិនដល់នោះ គឺមកដល់ពេលបច្ចុប្បន្ន ដែលកូនប្រុសនោះ មានវ័យប្រមាណ ជាង៣ឆ្នាំហើយនោះ បុរស​ជាឪពុក បែរជាមកធ្វើចិត្តបុណ្យ លួងលោម ចង់បានកូននោះទៅ ដោយនិយាយថា ជាកូនរបស់ខ្លួនតែម្នាក់គត់។ មិនតែ​ប៉ុណ្ណោះ ឪពុកដែលបានចុះចោល កូនខ្លួនទើបនឹងកើត និងម្តាយកំសត់ពីរនាក់នេះ ថែមទាំងបានប្រាប់ ឲ្យមេឃុំធ្វើលិខិត​អញ្ជើញ គ្រួសារខាងស្រី ទៅនិយាយសុំស្រុះស្រួល ជាគ្នាវិញ បន្ទាប់ពីអ្នកទាំងពីរ បានបែកគ្នាអស់រយៈពេល ៤ឆ្នាំ មក​ហើយ។

បុរសជាប្តីឈ្មោះ ឡាយ សុភ័ក្រ បានរៀបការជាមួយ អ្នកស្រី ឡេង ណារី។ អ្នកទាំងពីរ រស់នៅជាមួយគ្នា មានកូនប្រុស​ម្នាក់​ឈ្មោះ ឆាំ ពន្លឺ ដែលសព្វថ្ងៃ មានអាយុជាង៣ឆ្នាំ រស់នៅជាមួយយាយតា នៅក្នុងភូមិកូនកក់ ឃុំបាស្រែ ស្រុកអង្គរបូរី ខេត្តតាកែវ ដែលជាស្រុកកំណើតខាងស្រី។ តាមការអះអាង ពីអ្នកស្រី តន់ ថង ជាម្តាយបង្កើត សាមីខ្លួនខាងស្រី បានប្រាប់​ទស្សនាវដ្តីមនោរម្យ.អាំងហ្វូថា ដំបូងកូនរបស់គាត់ [...]

លោក ទ្រាវ័រ ប៊ៃនុន (Treavers Beynon) សេដ្ឋីផ្នែកថ្នាំជក់មួយរូប បានចាយលុយ ដើម្បីបង្កើតរឿងដ៏សប្បាយៗ ហើយ​បានបង្ហោះរឿងនេះ តាមរយៈរូបថតមួយសន្លឹក ប្រាប់ដល់គេឯង ពាសពេញបណ្ដាញអ៊ិនធើណែត។ មានប្រាក់ ធ្វើអ្វីក៏​បាន ហើយចង់សប្បាយ យ៉ាងម៉េចក៏បាន ជាមួយនឹងការជប់លៀង ផឹកស៊ីច្រៀងរាំ ដែលកើតមាន មិនស្រាកស្រាន្ដ។

យ៉ាងណាក៏ដោយ ក៏លោក ប៊ៃនុន ចង់រក្សាទុករូបភាពដ៏ល្អមួយ សម្រាប់កូនទាំងបួនរបស់លោក និងជាស្វាមីដ៏​ត្រឹម​ត្រូវ​មួយ សម្រាប់ភរិយាក្រោយ របស់លោកដែរ។ តែផ្ទុយទៅវិញ រូបភាពចុងក្រោយមួយ ដែលលោកបានបង្ហោះ នៅលើ​បណ្ដាញ​សង្គម អ៊ិនស្តាក្រាម បានបង្កឲ្យផ្ទុះ ជាសង្គ្រាមពាក្យសម្ដីឡើយ យ៉ាងសន្ធឹកសន្ធាប់។ រូបថតនោះ គេបានមើល​ឃើញ លោក ប៊ៃនុន កំពុងកាន់ខ្សែរពីរ ដែលបានចង់ភ្ជាប់ភរិយារបស់លោក និងស្ត្រីម្នាក់ទៀត វានៅនឹងដី ដោយ​បាន​សរសេរ​អមថា៖ «ការយកតម្រាប់ របស់ខ្ញុំ តាម"Doggy Style"»

(កំណត់សម្គាល់៖ Doggy Style [...]

ឯកអគ្គរាជទូតខ្មែរ ប្រចាំប្រទេសអង់គ្លេស លោក ហោ ណាំបូរ៉ា បានសរសេរ បង្ហាញការសោកស្តាយ ចំពោះ​មនុស្ស«មួយ​ក្រុម» ដែលបានប្រើប្រាស់ បណ្ដាញសង្គម ដើម្បីផ្សាយនូវព័ត៌មានមិនពិត បំភ្លៃព័ត៌មានស ទៅជាខ្មៅ និងដើម្បីតែ​ចំណេញ​នយោបាយខ្លួន តែបោកប្រាស់ប្រជាពលរដ្ឋ។ លោកបានសរសេរ នៅលើជញ្ជាំងគណនីហ្វេសប៊ុកថា ក្រុមលោក សម្រេច​ចិត្ត​ប្តឹង ចំពោះការបរិហារកេរ្ត៍ និងការប្រមាថ ដែលមិនអាចអត់ឱនឲ្យបាន។

លោក ហោ ណាំបូរ៉ា បានសរសេរថា៖ «លោកអ្នកសម្តែង ហាក់ដូចជាស្គាល់យើងខ្ញុំណាស់ តែធាតុពិត មិនដឹងអ្វីទាំងអស់ ហើយសុទ្ធតែ មិនមែនជាការពិត ឬដឹងហើយ លឺហើយ តែធ្វើបំពាន»។ (សូមអាន ប្រតិកម្មរបស់លោក ហោ ណាំបូរ៉ា នៅ​ក្នុង​រូបផ្តិតចេញពីអេក្រង់ហ្វេសប៊ុក នៅខាងក្រោម)។

ប្រតិកម្មរបស់លោក ណាំបូរ៉ា បានកើតឡើង បន្ទាប់ពីរលកចលនាជាតិនិយម ទាក់ទងនឹងព្រំដែនកម្ពុជា-វៀតណាម បាន​ផ្ទុះឡើងយ៉ាងខ្លាំងក្លា នៅក្រោយពេលដែលឪពុករបស់លោក គឺលោក ហោ ណាំហុង [...]

លោក ជូង ជូងី មេធាវីការពារក្ដី ឲ្យសកម្មជនរបស់ គណបក្សសង្គ្រោះជាតិ លោក មាជ សុវណ្ណរ៉ា  ហាក់បង្ហាញនូវចម្ងល់ និងភាពគ្មានជំនឿ លើសំណុំរឿងក្ដី ដែលលោកកំពុងកាន់នេះ បើទោះមានភស្តុតាងដោះបន្ទុក យ៉ាងច្រើនក៏ដោយ។ មេធាវី​រូបនេះ បានត្រឹមតែនិយាយ ទៅកាន់ក្រុមអ្នកសារព័ត៌មានថា៖ «និយាយពីបរិបទជាក់ស្តែង យើងពិបាកព្យាករណ៍។ (...) យើង​និយាយ​ពីបរិបទជាក់ស្តែង ថាមិនត្រូវ។»

កាលពីរសៀលថ្ងៃទី១៩ ខែឧសភានេះ ក្នុងចំណោមកូនក្តី របស់លោក ចំនួនប្រាំនាក់ មានតែពីនាក់ប៉ុណ្ណោះ ដែលត្រូវបាន​តុលាការ ធ្វើការសាកសួរ។ ឯបីនាក់ផ្សេងទៀត រួមទាំបលោក មាជ សុវណ្ណរ៉ា ផង ត្រូវបានលើកពេល សវនាការទៅថ្ងៃ​ទី​២៦ ខែឧសភាវិញ។ នេះបើតាមការអះអាង របស់លោកមេធាវី នៅខាងមុខសាលាដំបូង រាជធានីភ្នំពេញ។ ប៉ុន្តែបើតាម​ការ​គ្រោង របស់សាលាដំបូងរាជធានីភ្នំពេញ សកម្មជនគណបក្សសង្គ្រោះជាតិ ចំនួន១១ នាក់ ត្រូវបានកោះហៅ នៅក្នុងថ្ងៃតែ​មួយ ដើម្បីធ្វើការសាកសួរបន្ថែម [...]

ការលក់ដូរ យ៉ាងអានាធិបតេយ្យ នៅលើបណ្តោយ ផ្លូវជាតិលេខ២ ត្រង់ចំណុច«ទួលរការ» ត្រូវបានអ្នកដំណើរជាច្រើន រអ៊ូរទាំថា គ្មានអាជ្ញាធរណា យកចិត្តទុកដាក់ ពីបញ្ហាលក់ដូរបែបអនាធិបតេយ្យសោះ ផ្ទុយទៅវិញ មានតែអ្នកមក​យក​លុយ​ថែម ហើយនៅបន្តការដាក់លក់ កាន់តែច្រើនជាងមុនទៀត ពីមួយថ្ងៃទៅមួយថ្ងៃ។

ក្រុមអ្នកយកព័ត៌មាន របស់ទស្សនាវដ្តីមនោរម្យ.អាំងហ្វូ បានទៅដល់ទីតាំងខាងលើ ដែលស្ថិតទល់មុខ សាកលវិទ្យាល័យ​អាយអាយស៊ី ក្នុងភូមិទួលរការ សង្កាត់ចាក់អង្រេក្រោម ខណ្ឌមានជ័យ រាជធានីភ្នំពេញនាថ្ងៃទី១៩ ខែឧសភា ឆ្នាំ២០១៥​នេះ ដើម្បីយកការណ៍ពីករណីនេះ។ បន្ទាប់ពីបានផ្តិត យករូបភាពសំរាម និងអ្នកលក់ដូរជាច្រើនរួចមក អ្នកសារព័ត៌មាន  នៅ​បាន​ផ្តិតយករូបថត របស់អ្នកយកលុយ តាមកន្លែងលក់នីមួយៗ នៅទីនោះទៀត។

អ្នកលក់ដូរនៅទីនោះ បានប្រាប់អ្នកសារព័ត៌មានឲ្យដឹងថា គាត់មកលក់នៅទីនេះតៗគ្នា តាមគេតាមឯង ព្រោះគ្មានកន្លែង​រកស៊ី។ ណាមួយទីនេះ នៅជិតរោងចក្រ [...]