ភរិយា កែម ឡី៖ «ឲ្យអូនសុំទោស»
«ប្ដីសម្លាញ់! ឲ្យអូនសុំទោស ដែលអូនមិនបាន នៅជិតមើលថែបង» បើសូម្បីរូបបង ត្រូវបានគេបាញ់សម្លាប់ ឲ្យស្លាប់យ៉ាងរន្ធត់ ក្លាយទៅជាសាកសពទៅហើយក្ដី។ នេះជាសំដីដ៏ខ្លោចផ្សារ របស់ភរិយាម្នាក់ ដែលបានឃ្លាតឆ្ងាយ ពីស្វាមីរបស់ខ្លួន រាប់ចាប់តាំងពីស្វាមី ត្រូវបានខ្មាន់កាំភ្លើងបាញ់សម្លាប់ រហូតយកទៅបញ្ចុះ ដាក់ទៅក្នុងផ្នូរក្រោមដី។
អ្នកស្រី ប៊ូ រចនា ភរិយាមេម៉ាយ របស់សពលោក កែម ឡី បានរៀបរាប់ដូច្នេះ ពីទីកន្លែងដែលអ្នកស្រី និងកូនទាំងប្រាំ (កូនទីប្រាំ ទើបនឹងកើតម្សិលម៉ិញ) កំពុងលាក់ខ្លួន នៅក្រៅប្រទេស ទៅនឹងរូបថតមួយចំនួន ដែលប្រិយមិត្តនៅក្នុងបណ្ដាញសង្គម បានបង្ហោះ ស្ដីពីផ្នូរ និងរូបថតរបស់លោក កែម ឡី នៅមុនប៉ុន្មានថ្ងៃ នៃពិធីបុណ្យភ្ជុំបិណ្ឌ។ ហើយសំដីទាំងនេះ ជាសំណោកដ៏សោកសៅ នៃការផ្ដាច់មនោសញ្ចេតនាដ៏ជ្រាលជ្រៅ ចេញពីមនុស្សម្នាក់ ដែលខ្លួនស្រឡាញ់។
ប៉ុន្តែការផ្ដាច់មនោសញ្ចេតនានេះ [...]
