Posts in ‘សម្រាំងជាខេមរភាសា’ Category

ហេតុការណ៍ បានកើតឡើង ដោយកម្រជាទីបំផុត ដោយហេតុថា សត្វពស់ថ្លាន់យក្សទំហំប៉ុណ្ណេះ អាចលេប​សត្វកាំប្រមាទំងន់ប៉ុននេះ បានដោយមិនមានបញ្ហាអ្វីឡើយ បើទោះជាវាមាន រោមស្រួចវែងៗក៏ដោយ។ នេះ​បើតាមការថ្លែងឲ្យដឹង ពីសំណាក់បុគ្គលិកមួយរូប ប្រចាំនៅឧទ្យានធម្មជាតិ អ្នកស្រី ជើនីហ្វើរ ហ្វូល័រ (Jennifer Fuller)។ សត្វពស់យក្សប្រភេទនេះ ជាប្រភេទសត្វពស់ ដែលធំជាងគេ នៅទ្វីបអាហ្វ្រិក។ វាមាន​បណ្ដោយ ប្រវែង៦ម៉ែត្រ និងមានទម្ងន់ ១០០គីឡូក្រាម។ វាមានសមត្ថភាព អាចលេបសត្វឈ្លូស ធំ​ពេញ​រូប​រាង​មួយ​ទាំង​មូល​បាន។

បើវាមានលទ្ធភាពម្លឹងៗ ហេតុអ្វីបានជាវាលេប ត្រឹមសត្វកាំប្រមាមួយ បែរជាជួបគ្រោះ រហូតដល់ស្លាប់? ចម្លើយ៖ មកពីវាមានអារម្មណ៍ថា «តឹងតែង»។ សត្វពស់ថ្លាន់យក្ស ដែលមានទំហំធំបែបនេះ ទំនងជាមាន​អារម្មណ៍ តឹង​តែង​ខ្លាំងណាស់ នឹងទស្សនិកជនជាច្រើននាក់ ដែលបានមកមើលវានៅក្នុងឧទ្យាន ខណៈ​ពេល​វាកំពុង​លេប​សត្វ​កាំ​ប្រមា។ អ្នកស្រី ជើនីហ្វើរ ហ្វូល័រ [...]

វីដេអូឯកជន ដែលត្រូវបានសារព័ត៌មាន «Diário» នៃក្រុង សាវប៉ាវឡូ (Sao Paulo) ប្រទេសប្រេស៊ីល យក​មក​បង្ហោះនោះ ត្រូវបានយកមកបន្ត ចែកចាយ ពាសពេញបណ្ដាញសង្គម។ នៅក្នុងវីដេអូ គេឃើញ តារាបាល់ទាត់ ណីម៉ា រហស្សនាម «ព្រះរស់» កំពុងនៅក្នុងគេហដ្ឋានរបស់ខ្លួន ដែលនៅមិនឆ្ងាយប៉ុន្មាន ពីក្រុង សាវប៉ាវឡូ ហើយបានលើកដៃលា មិត្តភ័ក្ររបស់ខ្លួន និងសកម្មភាពឯកជន មួយចំនួនទៀត។

ទិដ្ឋភាពដំណើរ បែបទ្រេតទ្រោតនេះ ច្បាស់ហើយ គឺកីឡាករបាល់ទាត់ ប្រចាំឲ្យក្លិបអ្នកមានបុណ្យ «បាសឺឡូន» មិនមែនគ្រាន់តែ​បាន​ផឹកទឹកធម្មតា ឬទឹកផ្លែឈើនោះទេ។

វីដេអូនេះ ថែមទាំងបានរត់ មកដល់ប្រទេសអេស្ប៉ាញ បង្កឲ្យមនុស្សជាច្រើន ថ្លែងមាត់ធំមាត់តូច ដាក់កីឡាករ​រូបនេះ ជាពិសេស វាបានមកចំពេល ដែលអ្នកឃ្លាំមើលមួយចំនួន ធ្លាប់បានរិះគន់កីឡាកររួចហើយ ពីបញ្ហា​អនាម័យ នាពេលកន្លងមក ក្នុងជីវភាពប្រចាំថ្ងៃ៕

តារាភាពយន្ដអាមេរិក លោក ចន្នី ដេប បានត្រឡប់មកបន្តថតបញ្ចប់ នូវភាពយន្ដចុងក្រោយ នៃកម្រងរឿង «Pirates of Caraïbes»។ ឆ្លៀតឱកាស នៅក្នុងរយៈពេល នៃការថតភាពយន្ដនេះ តារាភាពយន្ដបាន​ធ្វើ​ដំណើរ មកសួរសុខទុក្ខកុមារៗ ដែលកំពុងសម្រាកព្យបាលជំងឺ នៅមន្ទីរពេទ្យ «Lady Cilento» នៃក្រុង «Brisbane» ប្រទេសអូស្ត្រាលី។ ធ្វើដំណើរមក ដោយសារឧទ្ធម្ភាគចក្រ លោក ចន្នី ដេប ដែលស្ថិតក្នុង​សម្លៀក​បំពាក់ ជាតួអង្គ «ហ្សាក ស្ប៉ារូវ» និងដែលអមដំណើរ ដោយតួអង្គ ស្គ្រំម (សម្ដែងដោយ «Stephen Graham») បានបង្កឲ្យមានការភ្ញាក់ផ្អើលយ៉ាងខ្លាំង ទៅដល់ក្រុមកុមារមានជំងឺ និងឪពុកម្ដាយ​របស់​ពួក​គេ។

អ្នកម្ដាយរបស់កុមារឈឺមួយរូប បានថ្លែងប្រាប់បណ្ដាញវិទ្យុ និងទូរទស្សន៍ អេប៊ីស៊ី អូស្ត្រាលី ថា៖ «វាពិត​ជា​វិសេសវិសាលណាស់។ ទាំងអស់គ្នា បានព្យាយាមឲ្យលោក (ចន្នី ដេប) ដើរទៅមុខ ប៉ុន្តែតារាភាពយន្ដរូប​នេះ នៅតែជាប់ស្អិត ជាមួយក្មេងៗ ដែលលោក បានគិតថា [...]