Posts in ‘សម្រាំងជាខេមរភាសា’ Category

«ព្រះរាជពិធីបុណ្យឯករាជ្យជាតិ» ត្រូវបានប្រារព្វធ្វើឡើង ជារៀងរាល់ឆ្នាំ ក្នុងថ្ងៃទី៩ វិច្ឆិកា។ សម្រាប់​ឆ្នាំ​២០១៥​នេះ ព្រះរាជពិធីបុណ្យឯករាជ្យជាតិនេះ ក៏ត្រូវបានប្រារព្ធឡើង ក្រោមព្រះរាជាធិបតី ព្រះករុណា ព្រះ​បាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃប្រទេសកម្ពុជា និងជាព្រះរាជតំណាង នៃ​អង្គ​ព្រះបរមរតនកោដ្ឋ។

ក្រៅពីអង្គព្រះមហាក្សត្រ នៅមានឥស្សរជនសំខាន់ៗ មួយចំនួនទៀត ដូចជាលោក ហេង សំរិន ប្រធាន​រដ្ឋសភា, លោក សាយ ឈុំ ប្រធានព្រឹទ្ធសភា, លោក ហ៊ុន សែន នាយករដ្ឋមន្រ្តី, លោក ស ខេង រដ្ឋមន្រ្តី​ក្រសួង​មហាផ្ទៃ និងបណ្តាមន្រ្តីជាន់ខ្ពស់មួយចំនួនទៀត របស់រដ្ឋាភិបាលកម្ពុជា។

វត្តមានតំណាងរាស្រ្តនៃរដ្ឋសភា មកពីគណបក្សសង្គ្រោះជាតិ រួមមានលោក អេង ឆៃអៀង ប្រធាន​គណកម្មការ​​ទី១ នៃរដ្ឋសភា , លោក ម៉ៅ មុន្នីវ៉ាន់, អ្នកស្រី លី ស្រីវីណា និងសមាជិកព្រឹទ្ធិសភា មកពី​គណបក្ស សម រង្ស៊ី មានលោក យូ ស៊ុនហេង ជាដើម។ [...]

តំណាងរាស្ត្រទាំង៥៥រូប មកពីគណបក្សសង្គ្រោះជាតិ នឹងធ្វើពហិកា ដោយឈប់ធ្វើការងារមួយរយៈពេល ព្រោះបារម្ភ ពីសុវត្ថិភាពផ្ទាល់ខ្លួន ខណៈជនដៃដល់ ដែលបង្កហិង្សា លើតំណាងរាស្រ្តពីររូប កាលពីថ្ងៃទី២៦ ខែតុលា ឆ្នាំ២០១៥ បានចូលមកសារភាពព្រមគ្នា ត្រឹមតែបីនាក់ប៉ុណ្ណោះ។ នេះបើតាមការអះអាង របស់​លោក អ៊ូ ច័ន្ទឫទ្ធិ តំណាងរាស្ត្រគណបក្ស សង្គ្រោះជាតិ នៅតាមបណ្ដាញសារព័ត៌មានក្នុងស្រុក។

បញ្ហាខាងលើ ត្រូវបានប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្ដិភាព លោក យ៉ង់ គឹម អេង ថ្លែងពន្យល់ប្រាប់ទស្សនាវដ្តីមនោរម្យ.អាំងហ្វូ ថា តំណាងរាស្រ្តទាំងនោះ អាចធ្វើ«ពហិការ»បាន ព្រោះ​ទាំង​នេះ ជាសិទ្ធិតាមផ្លូវច្បាប់របស់ពួកគេ។ លោក គឹមអេង បានបន្តថា បើសិនជាសុវត្ថិភាពរបស់ពួកគាត់ មិន​ត្រូវ​បាន​យកចិត្តទុកដាក់ ពីរដ្ឋាភិបាលទេ គាត់អាចធ្វើពហិការទាមទារ ដើម្បីឲ្យមានដំណោះស្រាយ ក្នុងរឿង​ការពារ​សុវត្ថិភាព​ឲ្យពួកគាត់។

លោកថា [...]

កិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី៦ ខែវិច្ឆិកា ម្សិលម៉ិញនេះ លោក ហ៊ុន សែន បានសម្រេចធ្វើការ ដកសិទ្ធិគ្រប់គ្រង និងលក់សំបុត្រ ចូលទស្សនាប្រាសាទអង្គរវត្ត ពីក្រុមហ៊ុន របស់លោក សុខ គង់ ដោយ​ដាក់​ឲ្យ​ស្ថិត នៅក្រោមការគ្រប់គ្រងរបស់រដ្ឋវិញ។

តាមកិច្ចប្រជុំពេញអង្គគណៈរដ្ឋមន្ត្រីខាងលើ បានបង្ហាញថា លោកនាយករដ្ឋមន្រ្តី បានចាត់ឲ្យបង្កើត «គ្រឹះ​ស្ថាន​សាធារណៈរដ្ឋបាល»មួយ ដើម្បីធុរៈកិច្ចគ្រប់គ្រង រមណីយដ្ឋានបេតិកភណ្ឌអង្គរវត្ត។ គ្រឹះស្ថាន​សាធារណៈ​រដ្ឋបាល ត្រូវបង្កើត និងរៀបចំឡើង ដោយអន្តរក្រសួង ដែលរូមមានក្រសួងទេសចរណ៍ និង​ក្រសួង​សេដ្ឋកិច្ច និងហិរញ្ញវត្ថុ។

ទស្សនាវដ្តីមនោរម្យ.អាំងហ្វូមិនអាចសុំការសម្ភាស ពីលោក សុន ឆ័យ ទៅនឹងការអះអាង របស់លោក​នាយក​រដ្ឋមន្រ្តី ហ៊ុន សែន ខាងលើនេះបានទេ។ លោក សុន ឆ័យ ធ្លាប់បានធ្វើការទទូច និងតវ៉ាជា​ច្រើន​លើក​ច្រើនសារ ទាក់​ទង​នឹងការដកសិទ្ធិ ពីក្រុមហ៊ុនលោក សុខ [...]

រត់ជាន់គ្នា រហូតរបួសម្នាក់ ព្រោះហាងគុយទាវ បានផ្ទុះទុយោធុងហ្គាស់។ ហាងនេះ មានយីហោ «KMK ព្រុយ​ត្រីឆ្លាម» ផ្ទះលេខ៦០ Eo សង្កាត់ផ្សារចាស់ ខណ្ឌដូនពេញ រាជធានីភ្នំពេញ។ ករណីនេះបានកើតឡើង ខណៈ​ក្នុង​ហាងមានភ្ញៀវជាច្រើន កំពុងទទួលទានគុយទាវ ពេលព្រឹក។  ហេតុការណ៍ភ្ញាក់ផ្អើល បាន​កើត​ឡើង នៅ​វេលា​ម៉ោង០៧ ព្រឹក ថ្ងៃទី០៧ ខែវិច្ឆិកា ឆ្នាំ២០១៥​ ជាពេលដែលអតិថិជន ចូលញ៉ាំគុយទាវច្រើន។

ប្រភពព័ត៌មាន ពីអ្នកចូលញ៉ាំគុយទាវ ក្នុងហាងខាងលើម្នាក់ បានឲ្យដឹងថា នៅព្រឹកកើតហេតុ ក្នុងហាង​មាន​មនុស្សច្រើន ដូចសព្វមួយដង។ នៅវេលាលោក កំពុងទទួលទានគុយទាវ ដូចភ្ញៀវដ៏ទៃទៀត ស្រាប់​តែ​បាន​លឺ​សម្លេង ចេញពីកន្លែងចំអិនអាហារ។ ភ្លាមៗនោះ ស្រាប់តែមានផ្សែងហ៊ុយទ្រលោម ពេញហាង។ ភ្ញៀវ​ជា​ច្រើន បានរត់ប្រសាចចេញពីហាង ព្រោះខ្លាចមានគ្រោះថ្នាក់។ លោកបានបញ្ជាក់ថា ​មានបុរសម្នាក់ ត្រូវ​គេ​រត់​ជាន់ ដួល​បាក់ជើង។

ក្រោយពីកើតហេតុការណ៍ ធ្វើឲ្យមនុស្សមួយហាង [...]

គ្មានអ្នកដំណើរណាម្នាក់ មិនក្រឡេកមើលមកនាង ម្ចាស់ទំព័រ «រំដួលលិចទឹក Romdoul Lich Tek» នៅ​លើ​ហ្វេសប៊ុក ដែលកំពុងតែងខ្លួន ស្លៀកពាក់ជាមួយនឹងមួកសុវត្ថិភាព ប្រមាណជាង១០មួក ហើយថត​ជា​រូប ដើម្បី​ទុកផ្សាយនោះឡើយ។

កន្លងមកមក «រំដួលលិចទឹក» តែងតែតុបតែងខ្លួនប្លែកៗ មិនថាជាផ្លែឈើ បន្លែ ម្ហូប ត្រី…. តែពេលនេះ​«រំដួល​លិចទឹក»បែរជា យកមួកសុវត្ថិភាពជាម៉ូត មកបង្ហាញដល់អ្នកធ្វើដំណើរ តាមផ្លូវសាធារណៈ និងបង្ហោះតាម​ហ្វេស៊ុក យ៉ាងគគ្រឹកគគ្រេង។

អមជាមួយរូបភាព ៩សន្លឹក ដែលមានពាក់មួកសុវត្ថិភាពនេះ តារាហ្វេសប៊ុក«រំដូលលិចទឹក» បានសរសរ​ជាពាក្យជួន ឲ្យដឹងថា៖ «សុវត្ថិភាពជាចំបង កុំឡើយរំលង មួកសុវត្តិភាព ទើបយើងមានប្រៀបលើ​គ្រោះថ្នាក់ សូមបងប្អូនគ្រប់ជាន់ថ្នាក់ កុំអាក់ពាក់មួក ខ្លួននិងកូនៗ មួកសុវត្តិភាពនេះហើយដូចជាក្បូន ចំលងជីវិត​មិន​ឲ្យ​សូន្យ សូមបងប្អូនកុំប្រហែស»។

ចំពោះរូបភាព និងសាររបស់«រំដួលលិចទឹក» [...]