Posts by "មនោរម្យ.អាំងហ្វូ"

អង្ករ​ក្រអូប​«ផ្កាម្លិះ​អង្គរ»​ខ្មែរ ជាប់​លេខ១​លើ​ពិភពលោក​ជា​ថ្មី

អង្ករ​ក្រអូប​«ផ្កាម្លិះ​អង្គរ»​ខ្មែរ ជាប់​លេខ១​លើ​ពិភពលោក​ជា​ថ្មី

ការប្រកួតប្រជែង ដណ្ដើមចំណាត់ថ្នាក់អង្ករពិសេស ក្រអូប និងឈ្ងុយឆ្ងាញ់ជាងគេ ប្រចាំឆ្នាំ២០១៨ ដែលប្រព្រឹត្តិធ្វើ ពីថ្ងៃទី១០ ដល់ថ្ងៃទី១២ ខែតុលា ក្នុងក្របខណ្ឌសន្និសីទពិភពលោក លើកទី១០ ស្ដីពីអង្ករ នារដ្ឋធានីហាណូយ ប្រទេសវៀតណាម បានសម្រេចផ្ដល់ចំណាត់ថ្នាក់លេខ១ ទៅឲ្យអង្ករ«ផ្កាម្លិះអង្គរ» របស់ប្រទេសកម្ពុជា។

ប៉ុន្តែចំណាត់ថ្នាក់នេះ មិនមែនជាការភ្ញាក់ផ្អើលអ្វីប៉ុន្មានទេ ដោយហេតុថា អង្ករកម្ពុជាធ្លាប់ទទួលបានចំណាត់ថ្នាក់ ដ៏ប្រសើរដូច្នេះ ជាច្រើនដងរួចមកហើយ គឺនៅក្នុងឆ្នាំ២០១២ - ២០១៣ និងឆ្នាំ២០១៤។

របាយការណ៍​របស់ក្រសួងកសិកម្មកម្ពុជា បានឲ្យដឹងថា ប្រទេសកម្ពុជាបាននាំអង្ករចេញ ប្រមាណជា ២៧១ ០០០តោន នៅក្នុងឆរមាសដំបូង នៃឆ្នាំ២០១៨នេះ។ នៅក្នុងឆ្នាំ២០១៧ អង្ករកម្ពុជាដែលផលិតបាន មានបរិមាណ ១០,៥លានតោន ដែលកើនឡើង ៥% លើសឆ្នាំ២០១៦ ហើយត្រូវបាននាំចេញ ក្នុងបរិមាណច្រើនជាង ៦០០ ០០០តោន ទៅកាន់ទីផ្សារបរទេស។

[...]

ទីជែរី ហង់រី អតីត​កំពូល​កីឡាករ​បាល់ទាត់ អាច​មក​បង្ហាត់​ក្រុម​ម៉ូណាកូ

ទីជែរី ហង់រី អតីត​កំពូល​កីឡាករ​បាល់ទាត់ អាច​មក​បង្ហាត់​ក្រុម​ម៉ូណាកូ

សារព័ត៌មានបារាំង «L'Equipe» ជំនាញខាងកីឡា បានបង្ហើបឲ្យដឹង នៅយប់ថ្ងៃអង្គារនេះថា ក្រុមបាល់ទាត់ ម៉ូណាកូ (AS Monaco) កំពុងសម្លឹងមើលលោក ទីជែរី ហង់រី (Thierry Henry) អតីតកំពូលកីឡាករ ដែលធ្លាប់ទាត់ឲ្យខ្លួន តាំងពីនៅក្មេងវ័យ ឲ្យឡើងមកធ្វើជាគ្រូបង្វឹក ជំនួសលោក ឡេអូណាដូ ចាឌីម (Leonardo Jardim) គ្រូបង្វឹកជាត់ព័រទុយហ្គាល់ ដែលហាក់ដូចជាទន់ដៃ ក្នុងការជួយឲ្យក្រុមរកជ័យជំនះ ពីរាល់ការប្រកួត ក្នុងរដូវកាលថ្មី ឆ្នាំ២០១៨-២០១៩។

ការបញ្ឈប់គ្រូបង្វឹក ជាតិព័រទុយហ្គាល់ ទំនងជាត្រូវបានក្រុម ម៉ូណាកូ កំពុងត្រៀមធ្វើ ដោយគ្រាន់តែរង់ចាំពេលវេលា ដើម្បីប្រកាសជាផ្លូវការប៉ុណ្ណោះ។ សារព័ត៌មានកីឡាដ៏ធំ របស់ប្រទេសបារាំង បានស្រង់ប្រភព​មួយចំនួន មកបញ្ជាក់ថា ការបញ្ឈប់គ្រូបង្វឹក ឡេអូណាដូ ចាឌីម ធ្វើឡើងជាធម្មតា ដោយសារបរាជ័យផ្ទួនៗ របស់ក្រុម ម៉ូណាកូ បានកើតឡើង ក្នុងការប្រកួត ទាំងក្របខណ្ឌជាតិ ទាំងក្របខណ្ឌអ៊ឺរ៉ុប «Champions League» [...]

«សំដី​ឲ្យ​ប្រផ្នូល របស់​កូនស្រី» សំណើចខ្លី

«សំដី​ឲ្យ​ប្រផ្នូល របស់​កូនស្រី» សំណើចខ្លី

ជាទម្លាប់​នៅវេលាយប់ឡើង លោកឪពុកតែងចូលទៅនិទានរឿង ឲ្យកូនស្រីតូច​របស់ខ្លួន នៅមុនកុមារីអាយុ៣ឆ្នាំរូបនេះ លង់លក់ក្នុងដំណេក។ ហើយក៏ជាទម្លាប់ដែរ ដែលកុមារីតែងបន់ស្រន់ និងជូនពរមនុស្ស នៅក្នុងគ្រួសារខ្លួន នៅមុនលោកឪពុក ចាកចេញពីបន្ទប់។ យប់នេះ កូនស្រីតូច បានថ្លែងបន់ស្រន់ និងជូនពរ នូវពាក្យមួយឃ្លាថា៖

- សូមព្រះជាម្ចាស់ ការពារថែរក្សាម្ដាយខ្ញុំ ឪពុកខ្ញុំ លោកយាយខ្ញុំ។ តែសូមជម្រាបលា លោកតា។

លោកឪពុកសួរឡើង៖

- ហេតុអ្វី ក៏កូននិយាយលាលោកតា?

នាងតូចឆ្លើយថា៖

- កូនមិនដឹងទេ... តែវាដូចជាមានតែពាក្យហ្នឹង ដែលកូនត្រូវនិយាយ។

លុះស្អែកព្រឹកឡើង ជីតានាងបានលាចាកលោក។ លោកឪពុកឆ្ងល់យ៉ាងខ្លាំង នឹងពាក្យជូនពររបស់កូនស្រីខ្លួន ដែលដូចជាគាប់ជួនពេកណាស់។ នៅប៉ុន្មានខែក្រោយមក នៅមុនពេលឪពុកចាកចេញពីបន្ទប់ កូនស្រីតូចបានបន្លឺពាក្យបន់ស្រន់ និងជូនពរទៀតថា៖

- សូមព្រះជាម្ចាស់ [...]

អ្នក​វិភាគ​និយាយ​ពី​ស្ដេច ដែល​គ្មាន​អំណាច​ខុស​ពី​រដ្ឋធម្មនុញ្ញ

អ្នក​វិភាគ​និយាយ​ពី​ស្ដេច ដែល​គ្មាន​អំណាច​ខុស​ពី​រដ្ឋធម្មនុញ្ញ

«វាមិនល្អទេ បើមហាក្សត្រ និងនាយករដ្ឋមន្ត្រីទាស់គ្នា» នេះ ជាព្រះរាជឱង្ការរបស់អតីតព្រះមហាក្សត្រ ដែលត្រូវបានលោក ឡៅ ម៉ុងហៃ ស្រង់យកមកបញ្ជាក់ បន្ទាប់ពីអ្នកជំនាញខាងបញ្ហាសង្គម និងនយោបាយកម្ពុជារូបនេះ បានស្នើនៅពេលនោះ «សុំផ្ទាល់ទៅព្រះករុណាចាស់ (ព្រះបាទ នរោត្ដម សីហនុ) ឲ្យប្រើប្រាស់អំណាច របស់លោក​​ដែលចែង​ក្នុងរដ្ឋធម្មនុញ្ញ»។

បន្ទាប់ពីព្រះរាជឱង្ការតប របស់ព្រះអង្គរួច លោក ឡៅ ម៉ុងហៃ បានពន្យល់ថា រឿងហ្នឹង ក៏«ចប់ត្រឹមហ្នឹងទៅ»។ អ្នកវិភាគបានបង្ហើបទៀតថា៖ «ម្តងនោះ ខ្ញុំជជែកតឹងមាត់តឹងក អំពីអំណាចស្តេច ជាមួយចៅហ្វាវាំង គង់ សំអុល នៅមុខលោក។ តែលោកឃាត់ ហើយបង្វែរទៅនិយាយរឿងផ្សេង។»។

នៅក្នុងជំពូកទី២ នៃរដ្ឋធម្មនុញ្ញកម្ពុជា ស្ដីពីព្រះមហាក្សត្រ ដែលមាន២៤មាត្រា បានចែងយ៉ាងច្រើន អំពីព្រះរាជសិទ្ធិរបស់ព្រះមហាក្សត្រ បើទោះជាព្រះមហាក្សត្រ ទ្រង់គ្រងរាជ្យ តែមិនមានអំណាចក៏ដោយ។ [...]

កម្ពុជា​មាន​ប្រតិទិន​ថ្ងៃបុណ្យ​ឈប់​សម្រាក​២៨ថ្ងៃ ប្រចាំ​ឆ្នាំ២០១៩

កម្ពុជា​មាន​ប្រតិទិន​ថ្ងៃបុណ្យ​ឈប់​សម្រាក​២៨ថ្ងៃ ប្រចាំ​ឆ្នាំ២០១៩

អនុក្រឹត្យដែលចុះហត្ថលេខា ដោយលោក ហ៊ុន សែន នៅថ្ងៃទី៤ ខែតុលា ឆ្នាំ២០១៨ និងដែលត្រូវបានធ្លាក់ មកដល់ដៃអ្នកសារព័ត៌មាន នៅថ្ងៃបន្ទាប់ បានកំណត់ពីថ្ងៃបុណ្យឈប់សម្រាក ដែលមានចំនួនសរុប ២៨ថ្ងៃ សម្រាប់ឆ្នាំក្រោយ ឆ្នាំ២០១៩នេះ។ ទស្សនាវដ្ដីមនោរម្យ.អាំងហ្វូ សូមដាក់អនុក្រឹត្យនោះ ជូនប្រិយមិត្តដូចខាងក្រោម៖ 


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ contact@monoroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...