Posts by "សេក មនោរកុមារ"

លោក ក្លូដ ហ្គេអង់ (Claude Guéant) ត្រូវបានចៅក្រមស៊ើបអង្កេតបារាំង ចោទប្រកាន់ក្នុងជំហានដំបូង កាលពី​យប់​ថ្ងៃ​សៅរ៍នេះ ដើម្បីសាកសួរចម្លើយ ពីបទ«កុហក លាងសម្អាតការលួចបន្លំប្រាក់បង់ពន្ធ និងបន្លំប្រាក់បង់ពន្ធ»។ នេះបើ​តាមសម្ដីផ្ទាល់ របស់លោក ហ្វីលីព ប៊ូឆេ អែល-ហ្គូហ្សី (Philippe Bouchez el-Ghozi) មេធាវីការពារក្ដីឲ្យលោក ក្លូដ ហ្គេអង់។ អតីតរដ្ឋមន្ត្រីក្រសួងមហាផ្ទៃ និងជាអតីតដៃស្ដាំ របស់អតីតប្រធានាធិបតីបារាំង លោក នីកូឡា សាកូហ្សី ត្រូវ​បាន​ចៅក្រមសាកសួរ នៅក្នុងថ្ងៃដដែល និងត្រូវបានឃាត់ខ្លួន កាលពីថ្ងៃម្សិលម៉ិញ ដោយនគរបាលយុត្តិធម៌បារាំង។

នគរបាលបារាំង កំពុងធ្វើការអង្កេត ទៅលើសំនុំរឿងសង្ស័យមួយ ទាក់ទងនឹងការផ្ដល់ថវិការ ពីសំណាក់អតីតមេដឹកនាំ​របបផ្ដាច់ការ លោក មូអាម៉ា ហ្គាដាហ្វី (Mouammar Kadhafi) នៅប្រទេសលីប៊ី មកផ្គត់ផ្គង់យុទ្ធនាការបោះឆ្នោត ជ្រើស​រើស​ប្រធានាធិបតី របស់បេក្ខជនលោក នីកូឡា សាកូហ្សី [...]

«ក្នុងក្ដីរន្ធត់ដក់ជាប់ក្នុងបេះដូង និងក្ដីក្រៀមក្រំក្រៃលែង ដែលយើងសូមប្រកាសជាផ្លូវការ ក្នុងនាមរដ្ឋាភិបាល​នៃ​ប្រទេស​ម៉ាឡេស៊ី ថាយន្ដហោះ នៃភ្ជាប់ជើងហោះហើរ MH370 របស់ក្រុមហ៊ុនម៉ាឡេស៊ីអ៊ែរឡាញ បានជួបគ្រោះថ្នាក់ ដោយឧប្បត្តិហេតុមួយ»។ នេះជាការថ្លែងរបស់ ប្រធាននាយកដ្ឋានអាកាសចរណ៍ស៊ីវិល របស់ប្រទេសម៉ាឡេស៊ី កាល​ពីថ្ងៃទី២៩ ខែមករាកន្លងមក នៅចំពោះមុខអ្នកសារព័ត៌មាន មកពីគ្រប់ទិសទី ក្នុងពិភពលោក។

ការប្រកាសនេះ អនុញ្ញាតឲ្យគេអាចបិទ សំនុំរឿងស៊ើបអង្កេត ទាក់ទងនឹងការបាត់ខ្លួន យ៉ាងអាថ៌កំបាំង នៃយន្ដហោះ​ប៊ូអីង (Boeing 777) ជាមួយនឹងអ្នកដំណើរ ទាំង២៣៩នាក់ នៅលើយន្ដហោះ កាលពីថ្ងៃទី៨ ខែមិនា ឆ្នាំ២០១៤​កន្លង​ទៅ។ តែការប្រកាស ដែលដូចជាបានចាត់ទុក ថាគ្មានរឿងអ្វីកើតឡើងនេះ បង្កឲ្យមានសង្គ្រាមពាក្យសម្ដី បានផ្ទុះ​ឡើង។ សម្រាប់គ្រួសារនៃជនរងគ្រោះ ការប្រកាសរបស់អាជ្ញាធរ ម៉ាឡេស៊ី វាប្រៀបបាននឹងយកសាំង មកចាក់​បន្ថែម​នៅលើភ្លើង [...]

ជារឿងប្រឌិត? ឬជារឿងនិទាន? តើការថ្លែងនោះ ជាការពិតឬទេ? យ៉ាងណាក៏ដោយ ក៏ហេតុការណ៍នេះ ត្រូវបាន ទាហាន ជាតិអង់គ្លេសមួយរូប ដែលធ្លាប់ធ្វើជាកងទ័ព នៅក្នុងប្រទេសអ៊ៀរ៉ាក់ ប្រឆាំងនឹងរដ្ឋអ៊ីស្លាម រៀបរាប់ប្រាប់កាសែត​អង់គ្លេស ឈ្មោះ The Sun បង្កឲ្យមានភាពរន្ធត់ យ៉ាងខ្លាំង។ ទាហាររូបនេះ ឈ្មោះ យ៉ាសៀរ អាប់ឌុលឡា (Yasir Abdulla) អាយុ៣៦ឆ្នាំ ទើបនឹងវិលត្រឡប់ពីអៀរ៉ាក់វិញ ហើយបាននិយាយប្រាប់កាសែត ឌឺសាន់ថា ខ្លួនកាន់តែស្អប់​ខ្ពើម​«រដ្ឋ​អ៊ីស្លាម»ខ្លាំងឡើង ដោយសាររឿងដ៏ហួសហេតុមួយ ដែលបានកើតទៅលើ ស្ត្រីវ័យចំណាស់ជនជាតិគៀដមួយរូប។

បើតាមលោក យ៉ាសៀរ ដែលបានក្លាយជាឪពុកមួយរូបដែរនោះ បានរៀបរាប់ថា ស្ត្រីចំណាស់រូបនេះ បានធ្វើដំណើរផ្សង​ព្រេង ពីភូមិស្រុកដើមរបស់គាត់ ដើម្បីទៅកាន់ក្រុង មូសូល (Mossoul ភាគខាងជើងនៃប្រទេសអៀរ៉ាក់) ដើម្បីស្វែងរក និងទទួលយកទៅវិញ នូវកូនប្រុសរបស់គាត់ ដែលត្រូវបានចាប់ខ្លួនដោយ ក្រុមកងស្ម័គ្រប្រយុទ្ធ [...]

ជាការរកឃើញថ្មីថ្មោងមួយ នៅកណ្ដាលរដ្ឋធានីប៉ារីស ដ៏ល្បីល្បាញរបស់ប្រទេសបារាំង នៅក្នុងសម័យកាលបច្ចុប្បន្ន។ នៅពីក្រោមអាគារផ្សារទំនើបមួយ ស្ថិតក្នុងសង្កាត់លេខ២ ក្រុមអ្នកបូរាណវិទូបានរកឃើញ សាកសពជាគ្រោងឆ្អឹង ចំនួន​២០០​គ្រោងឆ្អឹង ដែលត្រូវបានបញ្ចុះ នៅក្នុងរណ្ដៅកប់សាកសពបូរាណ មានលក្ខណៈរួមមួយ នៅចុងសប្ដាហ៍​នេះ។ សំនួរ​កំពុងត្រូវ​បានចោទសួរឡើង ថាតើសាកសពទាំងនេះ បានស្លាប់ក្នុងមូលហេតុអ្វី? ដោយសារជម្ងឺប៉េស្ត៍ ឬ​ដោយ​សារ​គ្រោះ​ទុរភិក្ស ក្នុងសម័យកាលនោះ?

តាំងពីដើមខែមករា រហូតមកទល់នឹងខែមិនាឆ្នាំ២០១៥នេះ ក្រុមអ្នកស្រាវជ្រាវ មកពីវិទ្យាស្ថានជាតិ ខាងការ​ស្រាវ​ជ្រាវ​នៃបូរាណវិទ្យា បានដឹកនាំការកកាយផ្នូរបូរាណដ៏យូរលង់មួយ ដែលគេចាំបានថា ជាកន្លែងរបស់អតីតមន្ទីរពេទ្យ ទ្រីនីតេ (Trinité) បង្កើតឡើងនៅក្នុងសតវត្សទី១២ និងត្រូវបានវាយកម្ទេចចោល នៅចុងសតវត្សទី១៨។

លោក ប៉ាស្កាល់ រ៉យ (Pascal Roy) ប្រធានផ្សារទំនើប ម៉ូណូព្រី [...]

ពួកគេមានបំណង ចង់ជួយបោសសំអាត រដ្ឋធានីម៉ូស្គូ។ នគរបាលរ៉ូស្សី បានឃាត់ខ្លួនពីរនាក់ ជាគូសង្សា បន្ទាប់ពី​បាន​សង្ស័យពួកគេ ពីបទមនុស្សឃាត ទៅលើមនុស្សគ្មានលំនៅដ្ឋាន ជាច្រើននាក់ នៅកណ្ដាលរដ្ឋធានីម៉ូស្គូ។ បុរស ជា​យុវជនអាយុ២០ឆ្នាំ បានសម្លាប់ជនអនាថា គ្មានទីលំនៅចំនួន៧នាក់ ក្នុងនោះជនរងគ្រោះបួននាក់ មាន​ការ​ឃុប​ឃិត​ចូលរួម ពីស្រីជាសង្សារបស់ខ្លួន ដែលមានអាយុ២៥ឆ្នាំ។ ក្រុមអ្នកស៊ើបអង្កេត នៅក្នុងឃាតកម្មទាំងនេះ បានថ្លែងឲ្យ​ដឹង​ថា៖ «យុវជននោះបានពន្យល់ថា ខ្លួនបានសម្លាប់មនុស្សទាំងនេះ ដើម្បី"បោសសំអាត់"ក្រុង»។

គេបានរកឃើញថា យុវជនជាជនសង្ស័យ បានជ្រើសរើសជនរងគ្រោះ មកសម្លាប់ ដោយមានផែនការច្បាស់លាស់។ ជនអានាថា ដែលមានទម្លាប់ផឹកស្រាស្រវឹង ត្រូវបានចាត់ទុកជាផ្ទាំងស៊ីប។ ហើយបន្ទាប់មក យុវជនបានសម្លាប់​ជន​សង្ស័យនោះ នៅពេលយប់ក្នុងទីកន្លែងណាមួយ ដែលគ្មានមនុស្សដើរឆ្លងកាត់។ បន្ទាប់ពីជនអនាថាទាំង៧នាក់ ពីរ​នាក់​គូសង្សា [...]