អ្នកមកធ្វើបាតុកម្ម ឡាក់ សុភាព មួយចំនួន មិនដឹងមកធ្វើបាតុកម្ម (vdo)
សកម្មជនមួយចំនួន ដែលមកចូលរួមបាតុកម្មកាលពីថ្ងៃទី០១ ខែមករា ឆ្នាំ២០១៥ ដឹកនាំដោយអ្នកស្រី ឡាក់ សុភាព បានថ្លែងថា ពួកគាត់មិនបានដឹងថា ពួកខ្លួនត្រូវបានគេហៅឲ្យមកធ្វើបាតុកម្មប្រឆាំង នឹងគណបក្សដែលខ្លួនឯងចូលចិត្តដូច្នេះទេ។ សកម្មជនទាំងនោះ បាននិយាយថា ធ្វើម៉េចឲ្យតែមានយុត្តិធម៌ និងសុខសន្តិភាពទៅ ជាការល្អណាស់ទៅហើយ។
លោកយាយ សី សុខេង អាយុជិត ៦០ឆ្នាំ មកពីខេត្តតាកែវ បានថ្លែងប្រាប់ក្រុមអ្នកសារព័ត៌មានថា ក្រុមលោកយាយដែលមកពីខេត្តតាកែវជាង ២១នាក់ មិនបានដឹងថាគេហៅគាត់មកនេះ ដើម្បីគាំទ្រអ្នកស្រី ឡាក់ សុភាព ធ្វើបាតុកម្មនៅមុខទីស្នាក់ការ របស់គណៈបក្សសង្គ្រោះជាតិនោះទេ គ្រាន់តែដឹងថា គេហៅមកដើម្បីប្រជុំនៅគណៈបក្សសង្គ្រោះជាតិ នៅថ្ងៃទី ១ ខែមករា ឆ្នាំ២០១៥ នេះប៉ុណ្ណោះ។
ស្រ្តីវ័យចំណាស់រូបនេះ [...]
