យ៉ង់ គឹមអេង៖ ធ្វើច្បាប់គ្រប់គ្រងផ្ទះជួល ឬវិលទៅរបប«កុម្មុយនីស»!
ទីផ្សារសេរី ជាការប្រគួតប្រជែងគ្នា បើអ្នកមកជួល គិតថាម្ចាស់ផ្ទះណាយកថ្លៃឈ្នួលផ្ទះខ្ពស់ អ្នកជួលនោះមានសិទ្ធិ ក្នុងការមិនជួលបាន។ ផ្ទុយមកវិញ បើម្ចាស់ផ្ទះជួលទទួលថ្លៃឈ្នួលផ្ទះតិច មិនធន់ល្មម ម្ចាស់ផ្ទះក៏អាចឈប់ជួលឲ្យដែរ។ តើដល់ពេលនោះ កម្មករមានផ្ទះឯណានឹងស្នាក់នៅ?
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP) លោក យ៉ង់ គឹមអេង បានលើកឡើង ក្នុងកិច្ចសម្ភាសជាមួយទស្សនាវដ្តីមនោរម្យ.អាំងហ្វូថា ក្នុងរបបទីផ្សាសេរីនេះ រដ្ឋាភិបាលមិនអាចគ្រប់គ្រង លើតម្លៃផ្ទះជួលផ្ទះ ឬបន្ទប់របស់ឯកជនបានឡើយ។ លោកបានថ្លែងឡើងថា៖ «បើចង់ឲ្យមានការគ្រប់គ្រង លើតម្លៃឈ្នួលផ្ទះនេះ មានប្រសិទ្ធភាព ល្គិកណារដ្ឋអាចលូកដៃ ក្នុងការគ្រប់គ្រងផ្ទះមួយចំនួនផ្សេងទៀត ដូចជាផ្ទះល្វែង និងបូរីជាដើម។ ធ្វើយ៉ាងណា កុំឲ្យផ្ទះល្វែង និងបូរីទាំងនោះ តម្លើងថ្លៃលក់ស្រេចតែនឹងចិត្តបានដែរ។ (...) មួយទៀត [...]
