Posts tagged as "CPP"

តើលោក ហ្សាល ឌឺហ្គោល (Charles de Gaulle) អតីតមេទ័ពបារាំងឯករាជ្យ ដែលបានចាកចេញ​ពី​ប្រទេស​បារាំង ទៅកាន់កោះអង់គ្លេស ដូចគ្នាទៅនឹងករណីភៀសខ្លួន របស់​លោក ហ៊ុន សែន អតីតមេទាហាន​ខ្មែរ​ក្រហម ទៅកាន់​ប្រទេស​វៀតណាមឬទេ? សំនួរដែលលោក ហ៊ុន សែន ខំប្រឹងប្រៀបធៀប ថាមាន​លក្ខណៈ​ដូច​គ្នា ខណៈ​អ្នកកត់ត្រា​ប្រវត្តិសាស្ត្រ បានបង្ហាញពីភាពខុសគ្នាឆ្ងាយ រវាងរដ្ឋបុរសទាំងពីរ។

លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា បានលើកឡើងពីការប្រៀបធៀបគ្នានេះ នៅ​ចំពោះមេដឹកនាំ​វៀតណាមច្រើននាក់ ក្នុងអំឡុងពេលលោកមានវត្តមាន លើទឹកដីខេត្តប៊ិញហ្វឿក នៃ​ប្រទេស​វៀតណាម ថ្ងៃទី២១-២២ ខែមិថុនា​កន្លង​មកនេះ។

មេដឹកនាំកម្ពុជា ដែលកាន់​អំណាច​យូរជាងគេ នៅអាស៊ី បានមានប្រសាសន៍ថា ការជ្រើសរើសយកផ្លូវ​ណា​មួយ ដើម្បីជួយប្រទេសជាតិ គឺមិនមែន ជា​រឿង​ថ្មីថ្មោងទេ គឺ​មាន​មេដឹកនាំ​ពិភពលោកមួយចំនួន កាលពី​សង្រ្គាម​​លោក​លើកទី២ [...]

មានអ្វីថ្មី មកពីម្ដុំ ធី សុវណ្ណថា? មាន! នោះគឺការគម្រាម ដាក់ពាក្យបណ្ដឹងជាថ្មី ដើម្បីប្ដឹងប្រឆាំងអ្នក​សារព័ត៌មាន​មួយរូប ដែលយុវតីអ្នកគាំទ្រ​គណបក្ស​ប្រជាជន​កម្ពុជារូបនេះ និយាយថា បានធ្វើឲ្យការអត់ធ្មត់របស់នាង «ដល់​ដែនកំណត់ហើយ»។ កញ្ញា ធី សុវណ្ណថា បានសរសេរនៅ​លើទំព័រ​ហ្វេសប៊ុក​របស់នាង កាលពីយប់​ម្សិលម៉ិញ​ថា៖ «ខ្ញុំ​អធ្យាស្រ័យ​ឲ្យអ្នក អ្នកកាន់តែមើលងាយខ្ញុំ។ ការអត់ធ្មត់របស់ខ្ញុំ ដល់ដែនកំណត់ហើយ​។ ជួបគ្នា [នៅ]​សាលា​ដំបូង សាន្ត ប៊ុនធឿន...»។

នៅមុននេះបន្តិច កញ្ញា ធី សុវណ្ណថា អតីតអ្នកគាំទ្រគណបក្សប្រឆាំង បានសរសេរសួរទៀតថា៖ «បងប្អូន​ណា​ខ្លះ​គាំទ្រ​ខ្ញុំ... ប្តឹង សាន្ត ប៊ុនធឿន ? ចុច Like !»។

គេមិនដឹងថា តើយុវតីវ័យជាង២០ឆ្នាំរូបនេះ ប្ដឹងប្រឆាំងលោក សាន្ដ ប៊ុនធឿន ពីរឿងអ្វីទេ។ ប៉ុន្តែនៅក្នុងវីដេអូ ចេញ​ផ្សាយចុងក្រោយ ដែលអ្នក​សារព័ត៌មាន​រូបនេះ​បានធ្វើសម្ភាស [...]

«ការថ្លែងរបស់លោក ហ៊ុន សែន ដែលព្រមានអ្នកវិភាគនយោបាយសង្គម ឲ្យត្រៀមក្តារមឈូសនោះ វាគឺជា បទ​ឧក្រិដ្ឋប៉ុនប៉ងធ្វើមនុស្សឃាត» នេះ ជា​ការលើកឡើង របស់លោក សួន សេរីរដ្ឋា ប្រធាន​គណបក្ស​អំណាច​ខ្មែរ ប្រតិកម្មទៅនឹងការថ្លែងកាលពីម្សិលម៉ិញ ពីសំណាក់នាយករដ្ឋមន្ត្រី - ប្រធាន​គណបក្ស​ប្រជាជនកម្ពុជា ដែល​បាន​ចាត់​ទុក ការធ្វើអត្ថាធិប្បាយនានា របស់ក្រុមអ្នកវិភាគមួយចំនួន ថាមានលក្ខណៈ ជាការ​«បង្ក​សង្គ្រាម»។

លោក ហ៊ុន សែន ​បានព្រមាន​ក្រុម​អ្នក​វិភាគទាំងនោះ ​ជុំវិញ​វោហាសាស្រ្ត​នៃ​សង្រ្គាម​ស៊ីវិល ដែល​លើក​ឡើង​ដោយ​​រូបលោកខ្លួនឯ នៅអំឡុង​មុន​ការ​បោះ​ឆ្នោត ជ្រើសរើសក្រុមប្រឹក្សា ​ឃុំ-សង្កាត់​ថ្មីៗ​នោះ​ថា ដោយទំនង​ ជា​មាន​​ការ​បែក​បាក់​ផ្ទៃ​ក្នុង​ នៅ​ក្នុង​ចំណោម ​កង​កម្លាំង​ប្រដាប់​អាវុធ។

ស្ថិត​នៅ​ក្នុង​ឯក​សណ្ឋាន​​យោធា ពាក់ស័ក្ដិ​ឧត្តមសេនីយ៍​ផុត​លេខ​ ផ្កាយ​មាស​៥​ លោក ហ៊ុន សែន បាន​លើក​ឡើង​ថា [...]

លោក ហ៊ុន ម៉ាណែត កូនប្រុសច្បងរបស់នាយករដ្ឋមន្ត្រី - ប្រធានគណបក្សប្រជាជនកម្ពុជា គឺជាអ្នកតាចាប់​កំណើត។ នេះ បើតាមការថ្លែងរបស់ឪពុកលោក នៅក្នុងថ្ងៃនេះ នៅមុខមនុស្សម្នារាប់សិបនាក់ នៃ​ពិធី​រំលឹក​ខួប​លើក​ទី៤០ឆ្នាំ នៃទិវាចងចាំដំណើរឆ្ពោះ ទៅកាន់ការផ្តួលរំលំ របបប្រល័យពូជសាសន៍ ប៉ុល ពត ក្នុងសាលា​បឋម​សិក្សា កោះថ្ម ឃុំទន្លូង ស្រុកមេមត់ ខេត្តត្បូងឃ្មុំ នៅថ្ងៃទី២១ ខែមិថុនា ឆ្នាំ២០១៧នេះ។

លោកនាយករដ្ឋមន្ត្រី បានពន្យល់ឡើងថា នៅពេលថ្ងៃចាប់កំណើត មានដុំភ្លើងយ៉ាងធំ ហោះ​ចេញ​ពី​ដើម​ជ្រៃ កាត់ដំបូលផ្ទះលោក ដែលបានសេចក្ដីថា កូនប្រុសរបស់លោក ជាអ្នកតាចាប់កំណើត។

លោក ហ៊ុន សែន បានមានប្រសាសន៍ រំលឹកពីពេលនោះមកវិញថា៖ «តើការយល់សប្តិ បានសារុងសូត្រនេះ មានន័យថា ខ្ញុំជិតបានប្រពន្ធហើយ។ ប៉ុន្មានថ្ងៃក្រោយមក គេក៏ហៅខ្ញុំទៅរៀបការភ្លាម។ សំណួរចោទសួរថា នៅថ្ងៃដែលគេចាប់កំណើត មានដុំភ្លើងធំណាស់ ដែលចេញពីដើមជ្រៃ [...]