Posts tagged as "CPP"

«រឿងនេះ ជារឿងក្បត់ជាតិ ដែលមានចែង ក្នុងក្រមព្រហ្មទណ្ឌត្រឹមត្រូវ តម្រូវឲ្យចាប់ខ្លួន ហើយមិនត្រូវបរទេសណាលូកលាន់ កិច្ចការរបស់កម្ពុជាទេ ជាពិសេសអ្នកដែលជាបាតដៃទី៣! អ្នកបាតដៃ ដែលធ្លាប់ប្រើ លន់ ណុល ធ្វើរដ្ឋប្រហារ ឥឡូវរឿងដដែលបានកើតទៀត» នេះ ជាការថ្លែងឡើងរបស់​លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ពន្យល់ពីករណីចាប់ខ្លួនប្រធានគណបក្សសង្គ្រោះជាតិ លោក កឹម សុខា កាលពីយប់​រំលងអាធ្រាត ថ្ងៃទី២ ចូលមកព្រឹកថ្ងៃទី៣ ខែកញ្ញានេះ។

នៅចំពោះមុខក្រុមកម្មករ កម្មការិនី រោងចក្រកាត់ដេរ ជិត៤០០០នាក់ នៅមជ្ឈមណ្ឌលកោះពេជ្រ នៅព្រឹកថ្ងៃទី០៣ ខែកញ្ញា ឆ្នាំ២០១៧​នេះ បុរសខ្លាំង​កម្ពុជា ដែលអង្គុយនៅក្នុងតំណែង ជានាយករដ្ឋមន្ត្រី​តាំងពីជាង​៣ទសវត្សន៍​មកនេះ បានហៅការចាប់ខ្លួននោះ គឺជាការទូទាត់បញ្ជីពីមុនរហូតដល់ចប់ និងចាត់ទុកក្រុមគណបក្សប្រឆាំង ថាបានក្បត់ពាក្យសម្បថរបស់ខ្លួន ដែលបានចូលទៅស្បថ [...]

ប្រធានគណបក្សប្រឆាំងធំជាងគេ នៅក្នុងប្រទេសកម្ពុជា ត្រូវបានចាប់ខ្លួន និងបញ្ជូនទៅឃុំខ្លួន នៅឯពន្ធនាគារ«ត្រពាំងផ្លុង» ក្នុងខេត្តត្បូងឃ្មុំ ដែលមានចំងាយ ជិត២០០គីឡូម៉ែត ពីរាជាធានីភ្នំពេញ និងនៅមិនឆ្ងាយប៉ុន្មាន ពីព្រំដែន«ខ្មែរ-យួន»។ នេះ បើតាមការអះអាង របស់លោក ខៀវ សុភ័គ អ្នកនាំពាក្យក្រសួងមហាផ្ទៃ ដែលត្រូវបានស្រង់សំដី ដោយវិទ្យុអាស៊ីសេរីនៅមុននេះបន្តិច។ 

មេដឹកនាំប្រឆាំងនៅកម្ពុជារូបនេះ បានក្លាយជាអ្នកនយោបាយមួយរូបទៀត ដែលត្រូវបានបញ្ជូនទៅឃុំខ្លួន នៅទីនោះ នៅថ្ងៃទី៣ ខែកញ្ញា ឆ្នាំ២០១៧នេះ បន្ទាប់ពីលោក វន់ ពៅ ជាប្រធានសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ និងមនុស្សចំនួន ជាង​២០នាក់ទៀត ដែលត្រូវបានសមត្ថកិច្ច គ្រប់គ្រងដោយរដ្ឋាភិបាលគណបក្សប្រជាជនកម្ពុជា ចាប់និងបញ្ជូនខ្លួន ទៅដាក់ឃុំនៅពន្ធនាគារដដែលយ៉ាងតក់ក្រហល់ កាលពីដើមខែមករា ឆ្នាំ២០១៤។

លោកកឹម សុខា រួមនឹងអង្គរក្សរបស់លោក [...]

បន្ទាប់ពីលោក កឹម សុខា ប្រធានគណបក្សសង្គ្រោះជាតិ ត្រូវបានចាប់ខ្លួន នៅយប់រំលងអាធ្រាតថ្ងៃទី២ ចូលមកថ្ងៃទី៣ ខែកញ្ញានេះ គណបក្សសង្គ្រោះជាតិ ដែលជាគណបក្សប្រឆាំង បានចេញសេចក្ដីថ្លែងការណ៍មួយ ថ្កោលទោសការចាប់ខ្លួននេះ ដោយបានវាយតម្លៃហេតុការណ៍ ពីសំណាក់អាជ្ញាធរ ថាធ្វើឡើង«ដោយហេតុផលនយោបាយ»។

សេចក្ដីថ្លែងការណ៍ ដែលចេញផ្សាយនៅវេលាម៉ោង ប្រមាណជា៤ទៀបភ្លឺក្នុងថ្ងៃនេះ បានហៅការចាប់ខ្លួនខាងលើ ថាជា«ទង្វើរំលោភបំពានច្បាប់ និងរដ្ឋធម្មនុញ្ញ ដោយសារថា ការចាប់ខ្លួននេះ ធ្វើឡើងទាំងកណ្ដាលយប់អាធ្រាត និងក្នុងខណៈពេល ដែលលោក កឹម សុខា គឺជាអ្នកតំណាងរាស្ត្រ ដែលមានអភ័យឯកសិទ្ធិសភា»។

គណបក្សប្រឆាំង ដែលមានសម្លេងភាគតិច នៅក្នុងរដ្ឋសភាសព្វថ្ងៃ បានអំពាវនាវឲ្យមានការដោះលែងលោក កឹម សុខា ជាបន្ទាន់ និងដោយឥតលក្ខខណ្ឌ។ តាមរយៈសេចក្ដីថ្លែងការណ៍នោះ គណបក្សសង្គ្រោះជាតិ បានអំពាវនាវផងដែរ ទៅដល់សហគមន៍អន្តរជាតិ [...]