Posts tagged as "CPP"

គណៈកម្មការអ៊ឺរ៉ុប (នីតិប្រតិបត្តិរបស់សហភាពអ៊ឺរ៉ុប) ជាពិសេសការិយាល័យអ៊ឹរ៉ុប ដើម្បីសកម្មភាព​ខាងក្រៅ (The European External Action Service ហៅកាត់ EEAS - ហៅកាត់ជា​ភាសាបារាំង SEAE) គួរពន្លឿនរបាយការណ៍របស់ខ្លួន ស្ដីពីស្ថានភាពសិទ្ធិមនុស្ស នៅក្នុងប្រទេសកម្ពុជា និងចាត់វិធាការប្រឆាំងរបបក្រុងភ្នំពេញ ទាក់ទងប្រព័ន្ធអនុគ្រោះពន្ធ ដែលមានឈ្មោះថា «EBA (Everything but Arms - អ្វីៗទាំងអស់ លើកលែងតែអាវុធ)» របស់សហភាពអឺរ៉ុប។

ខាងលើនេះ ជាការលើកឡើង របស់លោក ព្យែ អង់តូនីញ៉ូ ប៉ងហ្សេរី (Pier Antonio Panzeri) ប្រធានអនុ-គណៈកម្មការ ទទួលបន្ទុកសិទ្ធិមនុស្ស របស់សភាអ៊ឺរ៉ុប ដែលជាប្រតិកម្មទៅនឹងការបោះឆ្នោតជាតិ កាលពីថ្ងៃអាទិត្យ ក្នុងប្រទេសកម្ពុជា ដែលលោកចាត់ទុក ថាជាការបោះឆ្នោត «មិនប្រជាធិបតេយ្យ»។

សេចក្ដីប្រកាសព័ត៌មានមួយ របស់អនុ-គណៈកម្មការ ដែលដឹកនាំដោយសមាជិកសភាអ៊ឺរ៉ុប [...]

មិនចាំបាច់និយាយ ពីភាពស្របច្បាប់ នៃការបោះឆ្នោតជាតិ កាលពីថ្ងៃអាទិត្យកន្លងមកនេះទេ បន្ទាប់ពីគណបក្សប្រឆាំងដ៏សំខាន់ ត្រូវបានរំលាយ កាល​ពីខែ​វិច្ឆិកា​កន្លងមក ខណៈអាជ្ញាធរកម្ពុជា ខ្លួនឯងមិនដែលអើពើ ពីលទ្ធិប្រជាធិបតេយ្យពហុបក្ស អ្វីផងនោះ។ នេះ ជាការបញ្ជាក់ ដោយប្រើពាក្យពេជន៍ «ធ្ងន់ៗ» របស់ចក្រភពអង់គ្លេស ដែលធ្វើឡើង តាមរយៈលោក ម៉ាក ហ្វៀល (Mark Field) រដ្ឋមន្ត្រីទទួលបន្ទុកតំបន់អាស៊ីន និងប៉ាស៊ីភិក។

សេចក្ដីថ្លែងការណ៍របស់លោក ម៉ាក ហ្វៀល ដែលបានចេញផ្សាយ នៅថ្ងៃអង្គារ ទី៣១ ខែកក្កដានេះ បានអះអាងថា ការបោះឆ្នោតជាតិកម្ពុជា បានរងការខូចខាត ក្រោមស្នាដៃរបស់អាជ្ញាធរ តាំងពីមុនពេលយុទ្ធនាការឃោសនា​បោះឆ្នោត ចាប់ផ្តើមម្លេះ និងបាននាំទៅដល់ការបោះឆ្នោត [...]

នៅក្នុងសេចក្ដីថ្លែងការណ៍មួយច្បាប់ ដែល​ចេញផ្សាយ ដោយក្រសួងការបរទេស នៃប្រទេសញ៉ូហ្សេឡែន បានស្រង់សំដីរដ្ឋមន្ត្រីការបរទេស លោក វីនស្ដុន ភីតធើរ (Winston Peter) មកសរសេរថា៖ «ដើម្បីឲ្យកម្ពុជា មានលទ្ធិប្រជាធិបតេយ្យស្របច្បាប់ វាមានសារសំខាន់ណាស់ ដែលសម្លេងប្រឆាំង ដ៏ធំអាចត្រូវបានគេស្តាប់ឮ។ ប្រទេសញូហ្សេឡែន ស្នើដល់លោកនាយករដ្ឋមន្រ្តី ហ៊ុន សែន ឲ្យស្តានីតិសម្បទា របស់គណបក្សប្រឆាំងដ៏ធំ ឡើងវិញ និងដោះលែងអ្នកទោស​នយោបាយ​ទាំងអស់ រួមទាំងមេដឹកនាំគណបក្សប្រឆាំង លោក កឹម សុខា។»។

គណបក្សសង្គ្រោះជាតិ ដែលជាគណបក្សប្រឆាំង​ដ៏មានសក្ដានុពល ត្រូវបានរដ្ឋាភិបាលលោក ហ៊ុន សែន រំលាយកាលពីខែវិច្ឆិកា ជាមួយនឹងការហាមឃាត់​មន្ត្រីគណបក្ស ១១៨នាក់ ពីជីវភាពនយោបាយ [...]

ខ្លី តែមានន័យវែង។ នេះ បើតាមសេចក្ដីថ្លែងការណ៍មួយ របស់អ្នកនាំពាក្យក្រសួងការបរទេសអាល្លឺម៉ង់ ដែលបានលើកឡើងថា ការបោះឆ្នោតសកល កាលពីថ្ងៃអាទិត្យ នៅក្នុងប្រទេសកម្ពុជា មិនមានភាពស្របច្បាប់ ដោយគ្រាន់តែនិយាយថា ការបោះឆ្នោតនេះ ត្រូវបានធ្វើឡើង ដោយសុខសន្តិភាពនោះឡើយ។

សេចក្ដីថ្លែងការណ៍ ដែលបាន​ចេញផ្សាយ កាលពីម្សិលម៉ិញ បានសរសេរថា៖ «រដ្ឋាភិបាលអាល្លឺម៉ង់បានកត់សម្គាល់ថា ការបោះឆ្នោតជាតិនៅកម្ពុជា ត្រូវបានធ្វើឡើងដោយសន្តិភាព»។

អ្នកនាំពាក្យក្រសួងការបរទេសអាល្លឺម៉ង់ បានបន្តថា៖ «ទោះជាយ៉ាងណាក៏ដោយ ក៏មួយចំណុចនេះ មិនគ្រប់គ្រាន់ក្នុងការផ្តល់ នូវលទ្ធផលស្របច្បាប់ នៃការបោះឆ្នោតនេះបានទេ ព្រោះការបោះឆ្នោត ត្រូវបានធ្វើឲ្យមានមន្ទិល ចាប់តាំងពីការចាប់ខ្លួន [...]