Posts tagged as "Information"

រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានបង្ហាញនូវការខកចិត្ត និងសោកស្តាយ ចំពោះ ការសែត ភ្នំពេញ​ប៉ុស្តិ៍ ដែលបានទៅកកាយឯកសារ ក្នុងឆ្នាំ២០០៥ របស់អង្គការឃ្លាំមើលសិទ្ធិមនុស្ស (HRW) ដើម្បីមក​ធ្វើ​ការចោទ លោក ជា ស៊ីម ដែលបានស្លាប់ទៅហើយនោះ ថាបានរំលោភសិទ្ធិមនុស្ស យ៉ាងធ្ងន់ធ្ងរ ក្នុងសម័យ​ខ្មែរ​ក្រហមទៅវិញ។

ក្នុងកិច្ចសម្ភាស ជាមួយអ្នកសារព័ត៌មាន នាទីស្តីការក្រសួងព័ត៌មាន ក្នុងថ្ងៃទី១១ ខែមិថុនានេះ រដ្ឋមន្ត្រី និងជា​មន្រ្តី​ជាន់ខ្ពស់ មកពីគណបក្សប្រជាជនកម្ពុជារូបនេះ បានថ្លែងពន្យល់ថា ខណៈ«សព»លោក ជា ស៊ីម កំពុងត្រូវបាន​ប្រជាពលរដ្ឋ «ស្ទើរ»ទូទាំងប្រទេស កាន់មរណទុក្ខនេះ បែរជាការសែតភ្នំពេញប៉ុស្តិ៍ ចុះផ្សាយ និងសរសេរ​ព័ត៌មាន ដោយគ្មានមូលដ្ឋានគ្រិះពិតប្រាកដ ខ្វះខាតខាងមនសិការ គ្មានសីលធម៌ បំពានលើវិជ្ជាជីវៈសារ​ព័ត៌មាន ដែលលោកហៅថា មានភាព«ជម្លើយ» ហួសព្រំដែន។

រដ្ឋមន្រ្តីក្រសួងព័ត៌មាន [...]

លោក ម៉ម សូណង់ដូ លោកប្រធានវិទ្យុសម្បុកឃ្មុំ បានធ្វើការបកស្រាយ ទៅនឹងការធ្វើបាតុកម្ម នៃអតីតកម្មករ និងបុគ្គលិករបស់លោកថា លោកមិនបានដេញ ពួកគេចេញពីការងារទេ តែផ្ទុយទៅវិញ គឺពួកគេទេ ដែលបាន​ឈប់ពីការងារ ដោយមិនបានជូនដំណឹង មកលោកជាមុននោះ។

ប្រតិកម្ម របស់លោកនាយកវិទ្យុសំបុកឃ្មុំ បានធ្វើឡើងក្នុងថ្ងៃទី១០ ម្សិលម៉ិញ  បន្ទាប់ពីអតីតកម្មករ និងបុគ្គលិក​របស់ក្រុមហ៊ុន សូណង់ដូ ខូអិលធីឌី មួយចំនួន បានមកជួបជុំគ្នា កាលពីថ្ងៃដដែលនេះ នៅមុខវិទ្យុសំបុកឃ្មុំ ដើម្បី​ធ្វើបាតុកម្ម និងដើម្បីដាក់សេចក្តីជូនដំណឹង ពាក់ព័ន្ធការធ្វើកូដកម្មរបស់ខ្លួន ប្រឆាំងការបញ្ឈប់​បុគ្គលិក ពីក្រុមហ៊ុននេះ។ នៅក្នុងលិខិតជូនដំណឹង ដែលបានចុះថ្ងៃទី២៧ ខែឧសភា ឆ្នាំ២០១៥ (លិខិតដំបូង​ចុះ​ថ្ងៃទី​២៧ ខែមិថុនា និងបានសុំកែវិញ ដាក់ថា ថ្ងៃទី២៧ ខែឧសភា ឆ្នាំ២០១៥) មានសរសេរសម្តែងការខកចិត្ត មិន​អាច​ទទួលយកបាន នូវការបញ្ឈប់ កម្មករ និយោជិក ដែលចូលរួមជាមួយសហជីព។

ក្រសួងព័ត៌មានកម្ពុជា បានចេញសេចក្តីប្រកាសនេះ ជាសារធារណៈ ដល់គ្រប់ សិស្សនិស្សិត អ្នកធ្វើការនានា ដែលមាន​បំណង ចង់ផ្លាស់ប្តូរការងារ ហើយមានចំណាប់អារម្មណ៍ អាចសុំពាក្យបំពេញបាន នៅទីតាំងក្រសួងព័ត៌មានផ្ទាល់ នៅ​រាជធានី​ភ្នំពេញ ចាប់ពីថ្ងៃទី២៥ ខែឧសភា ឆ្នាំ២០១៥ នេះតទៅ និងផុតកំណត់ទទួលពាក្យ នៅថ្ងៃទី២៦ ខែមិថុនា ឆ្នាំ​២០១៥ ខាងមុខ។ អ្នកដែលបានដាក់ពាក្យទាំងអស់ ត្រូវបានលិខិតនេះ បញ្ជាក់ថា នឹងត្រូវធ្វើការប្រលង តាមមុខជំនាញ ដែលខ្លួនបានដាក់។

ការជ្រើសរើស មានត្រឹមតែ៧១ នាក់ប៉ុណ្ណោះ តែអ្វីដែលគួរឲ្យ ចាប់អារម្មណ៍ជាងនេះ ទៅទៀតនោះគឺ បេក្ខជនដែលបាន​ដាក់ពាក្យ ចំពោះនារី ត្រូវបានលើកទឹកចិត្ត ដោយផ្តល់អាទិភាព ពី២០% ទៅ៥០% សម្រាប់អ្នកប្រឡង គ្រប់កម្រិតទាំង​អស់។ កម្រិតនោះរួមនមាន៖ ឧត្តមសិក្សារ អ្នកដាក់ពាកក្យ ត្រូវភ្ជាប់ជាមួយសញ្ញាប័ត្រ កម្រិតឧត្តមសិក្សា, មធ្យមសិក្សា អ្នកដាក់ពាក្យ ត្រូវតែនៅរៀន តាមបណ្តាមហាវិទ្យាល័យ [...]

នៅចំពោះភាពលំបាក របស់អ្នកសារព័ត៌មាន ខណៈមន្រ្តីសាធារណៈជាច្រើន ក្នុងប្រទេសកម្ពុជា បានរំលោភ «សិទ្ធិ​(អ្នក​សារព័ត៌មាន)» តាមការមិនផ្តល់ព័ត៌មាននោះ លោក ជុន ចាន់បុត្រ អនុប្រធានផ្នែកការផ្សាយ ជាភាសាខ្មែរ របស់វិទ្យុអាស៊ី​សេរី បានថ្លែងបង្ហើបថា មានករណីពីរយ៉ាង ដែលអ្នកសារព័ត៌មានត្រូវធ្វើ។ នោះ គឺទីមួយ អ្នកសារព័ត៌មានត្រូវចុះ​យក​ព័ត៌មាន ជា«ក្រុម» និងទីពីរ អ្នកសារព័ត៌មានត្រូវធ្វើខ្លួន ជាមនុស្ស«មុខក្រាស់»។

ថ្លែងក្នុងវេទិកាយុវជន ស្តីពី «ការយល់ដឹងពីសកលលោក និងការអភិវឌ្ឍខ្លួនឯង ជាពលរដ្ឋសកម្ម» នៅមហោស្រប​ចេនឡា រាជធានីភ្នំពេញ ដោយមានយុវជនចូលរួម ប្រមាណ៧០០នាក់ អ្នកសារព័ត៌មាន ដែលសំបូរវោហារសាស្រ្ត និង​ពូកែ​សួរ​ដេញដោល តាមទាន់ជាន់កែង លោក ជុន ចាន់បុត្រ បានសង្កត់ធ្ងន់ថា ករណីទាំងពីខាងលើនេះ ចាំបាច់ត្រូវតែ​ធ្វើ​ហើយធ្វើទៀត ពិសេសត្រូវធ្វើមុខឲ្យក្រាស់បន្តិច។

និយាយបែបកំប្លែងបន្តិច លោក ជុនចាន់បុត្រ បានស្រង់សំដី [...]

ក្នុងកិច្ចសម្ភាស ជាមួយអ្នកសារព័ត៌មាន ក្នុងវេទិកាស្ដីពីប្រព័ន្ធ ផ្សព្វផ្សាយឯករាជ្យ និងប្រកបដោយវិជ្ជាជីវៈ នៅកម្ពុជា នា​ព្រឹកថ្ងៃទី៣០ ខែមេសានេះ នាយកប្រតិបត្តិ នៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀង បាន​លើកឡើងថា បរិយាកាស ក្នុងអំឡុងឆ្នាំ២០១៤ បានធ្វើឲ្យអ្នកសារព័ត៌មាន ងាយនឹងរងគ្រោះ ដែលជាហេតុ ធ្វើឲ្យ​ប្រព័ន្ធ​ផ្សព្វផ្សាយ មានការប្រុងប្រយ័ត្ន នៃការចុះផ្សាយ នៃអត្ថបទព័ត៌មានរបស់ខ្លួន។

លោកបានថ្លែងឡើងថា៖ «ចំពោះខ្ញុំ ឆ្នាំ២០១៤ ជាឆ្នាំមួយអាក្រក់ សម្រាប់អ្នកសារព៌ត៌មាន និងជាបរិយាកាសមួយ ដែល​រដ្ឋាភិបាល បាននឹងប្រគល់អំណាច ទៅដល់កងកម្លាំងប្រដាប់អាវុធ និងក្រុមសន្តិសុខខ្លួនឯង ហួសប្រមាណ ក្នុងការ​បង្ក្រាប​សកម្មជនសិទ្ធិមនុស្ស បង្ក្រាបអ្នកសារព័ត៌មាន បើទោះជាពាក់កាតសម្គាល់ ជាអ្នកសារព័ត៌មាន ក៏ដោយ។ (...)  យើង​មើល​ឃើញ​ថា ជាបរិយាកាសមួយ ដែលធ្ងន់ សម្រាប់២០១៤។ ព្រោះតែការវាយ [...]