Posts tagged as "Justice"

យុវជនអ្នកគាំទ្រលោក កឹម សុខា រូបនោះ ត្រូវបានអាជ្ញាធរចាប់ខ្លួន នៅខាងមុខសាលាដំបូងរាជធានី នៅ​វេលា​ម៉ោង៩ និង៣០នាទី ព្រឹកថ្ងៃទី៩ ខែកញ្ញានេះ ហើយ​ត្រូវ​បាន​ក្រុមអាជ្ញាធរ បញ្ជូន​ខ្លួន​ភ្លាមៗ ទៅ​កាន់​អធិការដ្ឋាននឝរបាល ខណ្ឌ​៧មករា។

សាក្សីដែលនៅក្នុងហេតុការណ៍ បានឮសម្លេងស្រែក​របស់យុវជននោះ នៅពេលចាប់ខ្លួនដូច្នេះថា៖ «ចាប់ខ្លួនខ្ញុំ​បាន​ហើយ ម៉េច​ក៏ចាំបាច់​វ៉ៃខ្ញុំ?»។

នៅមុខហេតុការណ៍ចាប់ខ្លួននោះ យុវជនខាងលើ ដែលគេនៅមិនទាន់ស្គាល់ឈ្មោះនៅឡើយ រួមនឹងអ្នកគាំទ្រ​លោក កឹម សុខា ច្រើនរយនាក់ បានប្រមូលគ្នា នៅខាងមុខអាគារតុលាការរាជធានី ដើម្បីទាមទារ​ឲ្យ​តុលាការ​ទម្លាក់បទចោទប្រកាន់ ប្រឆាំងនឹងអនុប្រធានគណបក្សសង្គ្រោះជាតិ ទាក់ទងនឹងការមិនបង្ហាញខ្លួន តាម​ការ​កោះ​ហៅ ពីសំណាក់ចៅក្រមស៊ើបអង្កេត កាលពីប៉ុន្មានខែមុន។

សវនាការដែលធ្វើឡើង ដោយគ្មានវត្តមានរបស់ជនសង្ស័យ (លោក កឹម សុខា) និងមេធាវីទាំងបួនរូប [...]

ការស៊ើបអង្កេតមួយ ដែលអាជ្ញាធរដូចជារំពឹង ទៅលើការរួមសហការ ពីសំណាក់ក្រុមគ្រួសារជនរងគ្រោះ... ហើយអ្នកនាំពាក្យ​របស់អាជ្ញាធរ ដូចជាបានបន្ទោស​ក្រុម​គ្រួសារ​ជន​រងគ្រោះ ថាបានរត់ចោលស្រុក និង​រត់​ចោល​នីតិវិធី ក្នុងការរក​យុត្តិធម៌​នេះទៅវិញ។ ទាំងនេះជាការលើកឡើង របសលោក ខៀវ សុភ័គ អ្នក​នាំ​ពាក្យ​ក្រសួង​មហាផ្ទៃ នៅក្នុងកិច្ចសម្ភាសមួយ ទៅឲ្យប្រព័ន្ធផ្សព្វផ្សាយ​ក្នុងស្រុក ទាក់ទងនឹងសំនុំរឿងបាញ់​សម្លាប់ លោក កែម ឡី យ៉ាងសាហាវកណ្ដាលរាជធានីភ្នំពេញ កាលពីថ្ងៃទី១០ ខែកក្កដា កន្លង​មក។

ប៉ុន្តែសម្រាប់ក្រុមគ្រួសារលោក កែម ឡី វិញ បានហៅការលើកឡើង របស់លោក ខៀវ សុភ័គ ថាជាការ​ភូត​កុហក និងខុស​ពីការពិត។ អ្នកស្រី ប៊ូ រចនា ភរិយាលោក កែម ឡី ដែលកំពុងរត់ភៀសខ្លួន ចេញទៅកាន់​ទី​កន្លែង ​ដែល​​មាន​សុវត្ថិភាព សម្រាប់អ្នកស្រី​និងកូននោះ បានសរសេរតបទៅលោក ខៀវ សុភ័គ នៅលើ​គណនី​ហ្វេសប៊ុក​​​របស់​​អ្នកស្រី កាលពីយប់ថ្ងៃទី៨ ខែកញ្ញានេះថា លោក ខៀវ [...]

យ៉ាងហោចណាស់ ក៏ប្រតិកម្មជាលើកដំបូង នៅលើបណ្ដាញសង្គម តាមរយៈទំព័រផ្ទាល់ខ្លួននេះ បាន​បង្ហាញ​ថា​លោក ហ៊ុន ម៉ាណែត បានទទួលស្គាល់ជាផ្លូវការ នូវករណីក្ដីក្ដាំ នៅក្នុងតុលាការក្រុង ឡូសអេនជឺឡេស ក្រោម​ពាក្យ​បណ្ដឹង របស់មេធាវីអាមេរិក លោក ម័រ តុន ក្លារ (Morton Sklar) ការពារក្ដីឲ្យលោក មាជ សុវណ្ណារ៉ា​ មន្ត្រីគណបក្សសង្គ្រោះជាតិ។ កូនប្រុស​នាយករដ្ឋមន្ត្រីរូបនេះ ធ្លាប់បានបដិសេធដំណឹងនេះ ជា​ច្រើន​ដង ស្រប​ពេល​​ដែល​​មន្ត្រី​រដ្ឋាភិបាល​កម្ពុជា​ផ្សេងទៀត បានបដិសេធ​ពីយុត្ថាធិការ របស់តុលាការអាមេរិក ថាមិន​​អាច​​កាត់​​ទោស លើ​«ឥស្សរជនកម្ពុជា»​ ដូចលោក ហ៊ុន ម៉ាណែត ឡើយ។

នៅក្នុងប្រតិកម្មខ្លីមួយ នៅលើបណ្ដាញសង្គម លោក ហ៊ុន ម៉ាណែត ដែលមានថានៈជា នាយរង​សេនា​ធិការ​ចម្រុះ ​នៃកងយោធពល​ខេមរភូមិន្ទ​កម្ពុជា បានបដិសេធព័ត៌មាន ដែលអះអាងថាលោក ចាញ់ក្ដីនៅក្នុង​សវនាការ​​បថម ដែល​ធ្វើ​ឡើង​កាល​ពីថ្ងៃទី១ ខែកញ្ញានេះ នាតុលាការក្រុង [...]

នៅពេលដែលការតវ៉ា ឬការដង្ហែក្បួន ដែលគណបក្សសង្គ្រោះជាតិអះអាង ថាត្រូវបានធ្វើឡើងដោយសន្តិវិធី បែរ​ជា​រង​ការ​រំពឹងទុក ពីការផ្ទុះអំពើហិង្សា...

ស្ថានទូតសហរដ្ឋអាមេរិក បានចេញសេចក្ដីជូនដំណឹងមួយ កាលពីយប់ថ្ងៃទី០៤ ខែកញ្ញានេះ ព្រមានទៅ​ពលរដ្ឋ​​អាមេរិក ដែលកំពុងរស់នៅ និងកំពុងធ្វើដំណើរទៅកាន់ប្រទេសកម្ពុជា ឲ្យជៀសវាងការ​ជួបជុំ​នយោបាយ របស់គណបក្សសង្គ្រោះជាតិ ដែលអាចផ្ទុះទៅជាអំពើហិង្សា នៅក្នុងថ្ងៃទី៥ ខែកញ្ញានេះ។ កន្លែង​ដែល​ស្ថានទូត​អាមេរិក បានព្រមានពលរដ្ឋខ្លួនឲ្យជៀសវាងទៅក្បែរនោះ មាននៅទីស្នាក់ការកណ្ដាល របស់​គណបក្ស​សង្គ្រោះ​ជាតិ (នៅតំបន់ជុំវិញ) និងនៅជុំវិញសាលាដំបូងរាជធានីភ្នំពេញ ដែលស្ថិតនៅលើមហាវិថី សម្តេច​មុនីរ៉េត។

នៅ​ព្រឹក​​ថ្ងៃ​ចន្ទ​ទី ៥ ខែកញ្ញា ក្រុមតំណាងរាស្ត្រ​គណបក្ស​សង្គ្រោះ​ជាតិ មានគម្រោង​យក​ញត្តិ​ ទៅ​ដាក់​នៅតាម​ស្ថានទូត ​របស់បណ្ដា​ប្រទេស​ម្ចាស់​ហត្ថលេខី [...]

ការផ្សព្វផ្សាយដំណឹង ពីការចាញ់ក្ដី«ក្នុងជំហានដំបូង» របស់លោក ហ៊ុន ម៉ាណែត កូនប្រុសលោក ហ៊ុន សែន និងរដ្ឋាភិបាលកម្ពុជា នៅក្នុងតុលាការក្រុង ឡូសអេនជឺឡេស សហរដ្ឋអាមេរិក ជុំវិញបណ្ដឹងរបស់លោក មាជ សុវណ្ណរ៉ា មន្ត្រីគណបក្សសង្គ្រោះជាតិ ដែលកំពុងជាប់ឃុំនៅកម្ពុជា បានបង្កឲ្យមានប្រតិកម្ម ពីសំណាក់មន្ត្រី​ជាន់​ខ្ពស់​របស់​រដ្ឋាភិបាល ដោយបានហៅការផ្សព្វផ្សាយនោះ ថាមានចរិត«បំពុល» និង«ទុច្ចរិត»។

អ្នកនាំពាក្យទីស្ដីការគណរដ្ឋមន្ត្រី លោក ផៃ ស៊ីផាន បានសម្ដែងការមិនយល់ព្រម ទៅនឹងការផ្សព្វផ្សាយ របស់​ប្រព័ន្ធ​ផ្សព្វផ្សាយទាំងនោះ តាមរយៈទំព័រហ្វេសប៊ុករបស់លោក កាលពីថ្ងៃសុក្រ ទី២ ខែកញ្ញានេះ បន្ទាប់​ពី​ព័ត៌មាន​​នៃ​​ការចាញ់ក្ដី នៅក្នុងសវនាការបឋមមួយ របស់តុលាការអាមេរិក ត្រូវបានចេញផ្សាយ និងត្រូវបាន​ក្រុម​អ្នក​​ប្រើ​ប្រាស់​​បណ្ដាញសង្គម យកទៅចែករំលែក យ៉ាងសន្ធឹកសន្ធាប់។

» អានអត្ថបទ ដែលមេធាវីការពារក្ដីលោក មាជ សុវណ្ណរ៉ា [...]