Posts tagged as "Crime"

«បើសិនជាខ្ញុំវិញ គឺខ្ញុំមិនទទួលថវិកានេះទេ» នេះ ជាការប្រកាសឡើងរបស់អ្នកស្រី ប៊ូ រចនា ភរិយាលោក កែម ឡី តបទៅនឹងការ«ភ្ញាក់រលឹក» របស់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ដែលបានបង្ហាញ ពី«សុទ្ធាជ្រះថ្លា» ក្នុងការ​ផ្ដល់ថវិកាជាបន្តបន្ទាប់ ក្នុងពេលថ្មីៗនេះ ទៅឲ្យប្អូនប្រុសលោក កែម ឡី ម្ដងចំនួន១ម៉ឺនដុល្លារ សម្រាប់ទូទាត់ ការជំពាក់ថ្លៃបបរ ក្នុងពិធីបុណ្យរំលឹកខួបមរណភាព ១ឆ្នាំ និងម្ដងទៀត ដើម្បីជាវិភាគទាន ដល់ការសាងសង់ចេតិយ ជូនសពលោក កែម ឡី។

ការប្រកាស ជាសាធារណៈនេះ ត្រូវបានអ្នកស្រីធ្វើឡើង នាថ្ងៃទី២២ ខែកក្កដា (ត្រូវជាថ្ងៃទី២៣ ខែកក្កដា ម៉ោងនៅកម្ពុជា) នៅក្នុងពិធីបុណ្យខួប១ឆ្នាំ នៃមរណភាពស្វាមីអ្នកស្រី ដែលបានប្រព្រឹត្តទៅ នៅចុងសប្ដាហ៍កន្លងមកនេះ ក្នុងវត្តសាមគ្គីរតនរាម នៃទីក្រុង តាកូម៉ា រដ្ឋវ៉ាស៊ីនតោន ភាគខាងលិច​សហរដ្ឋអាមេរិក។ នៅក្នុងវីដេអូសួរឆ្លើយផ្ទាល់ ជាមួយលោក ជុន [...]

តើលោក វ៉ាន់ សែនវិសុទ្ធ ចៅក្រុមស៊ើបសួរ របស់សាលាដំបូងរាជធានីភ្នំពេញ មានភាពប្រញាប់​ប្រញាល ក្នុងការសម្រេច ឲ្យដាក់ឃុំពលរដ្ឋម្នាក់ នៅក្នុងពន្ធនាគារ ដល់កម្រិតណាទៅ រហូតដល់ថ្នាក់ មិនត្រួតពិនិត្យឲ្យច្បាស់ ពីដីកាសម្រេច ដែលសរសេេរ និងចុះហត្ថលេខាដោយខ្លួនឯង យ៉ាងដូច្នេះ? គេបន្តឆ្ងល់ទៀតថា តើចៅក្រមស៊ើបសួរមួយទាំងមូល បានអនុវត្តតួនាទីរបស់ខ្លួន ក្នុងការស៊ើបសួរ ឬស៊ើបអង្កេតឬទេ មុននឹងសម្រេចយកពលរដ្ឋ ទៅដាក់ឃុំ?

ចម្ងល់ខាងលើ​បានផ្ទុះឡើង ចំពោះអ្នកដឹងពីច្បាប់ទម្លាប់មួយចំនួន នៅពេលដែលគេ​បាន​អាន​ដីកា បង្គាប់ឲ្យឃុំខ្លួន របស់ចៅក្រមស៊ើបសួរខាងលើ ចុះថ្ងៃទី១៣ ខែកក្កដា ឆ្នាំ២០១៧ ដែលបានសរសេរខុស (ឬមិនឆ្លុះបញ្ចាំង ពីការស៊ើបសួរត្រឹមត្រូវ) នៅត្រង់កន្លែងកើតហេតុ។ ក្នុងដីកានោះ (ដាក់ជូនអានទាំងស្រុង នៅខាងក្រោម) លោកចៅក្រម ដែលហៅខ្លួនឯងថា «យើង វ៉ាន់ សែនវិសុទ្ធ ចៅក្រមស៊ើបសួរសាលាដំបូងរាជធានីភ្នំពេញ» [...]

នៅព្រឹកថ្ងៃទី១៣ ខែកក្កដា ឆ្នាំ២០១៧នេះ លោក សៀង សុខ ព្រះរាជអាជ្ញារង នៃអយ្យការអមសាលាដំបូង រាជធានីភ្នំពេញ បានចោទប្រកាន់ស្ត្រី អ្នកប្រើប្រាស់បណ្ដាញសង្គមម្នាក់ ពីបទ«ញុះញង់ឲ្យប្រព្រឹត្តបទឧក្រិដ្ឋជាអាទិ៍» ជុំវិញការលើកឡើង របស់ស្ត្រីវ័យក្មេងរូបនេះ នៅក្នុងវីដេអូផ្សាយផ្ទាល់ លើគណនេយ្យហ្វេសប៊ុករបស់នាងថា ក្រុមគ្រួសារត្រកូល ហ៊ុន ជាអ្នកសម្លាប់ ឬនៅពីក្រោយឃាតកម្ម លោក កែម ឡី អ្នកធ្វើអត្ថាធិប្បាយនយោបាយ ដ៏ល្បីឈ្មោះ។ នេះ បើតាមប្រភពមួយ ពីសាលាដំបូងរាជធានី ដែលបានអះអាងឲ្យដឹង នៅមុននេះបន្តិច។

លោក កែម ឡី ត្រូវបានឃាតករ​បាញ់សម្លាប់ យ៉ាងសាហាវព្រៃផ្សៃ កាលពីថ្ងៃទី១០ ខែកក្កដា ឆ្នាំទៅម៉ិញ នៅខណៈលោកកំពុងទទួលទានកាហ្វេ នៅក្នុងហាងលក់ទំនិញ ស្តាម៉ាត នៃស្ថានីយ​ចាក់ប្រេងឥន្ទនៈ កាល់តិច ស្ថិតនៅស្ដុបបូកគោ។ នៅក្រោយ​ឃាតកម្មនោះ និងរហូតមកដល់ថ្ងៃនេះ ជនសង្ស័យ​តែម្នាក់គត់ ឈ្មោះ អឿង អាង ដាក់រហស្សនាម «ជួប សម្លាប់» [...]

បន្ទាប់ពីលោក សម រង្ស៊ី អតីតប្រធានគណបក្សសង្គ្រោះជាតិ អ្នកស្រី ថាក់ ឡានី សមាជិកព្រឹទ្ធសភា និងលោក គីម សុខ អ្នកធ្វើអត្ថាធិប្បាយនយុោបាយ ដែលត្រូវបានប្រព័ន្ធយុត្តិធម៌ ក្នុងប្រទេសកម្ពុជា ចោទប្រកាន់ ទាក់ទងនឹងការថ្លែង របស់អស់លោកទាំងនោះ ថាលោក ហ៊ុន សែន និងក្រុមគ្រួសារ (ឬរដ្ឋាភិបាល) ថាមានជាប់ពាក់ព័ន្ធ ក្នុងឃាតកម្ម បាញ់សម្លាប់លោក កែម ឡី អ្នកស្រាវជ្រាវផ្នែកសង្គម កាលពីមួយឆ្នាំមុននោះ នៅព្រឹកថ្ងៃទី១២ ខែកក្កដានេះ ស្ត្រីមួយរូប ដែលជាអ្នកប្រើប្រាស់បណ្ដាញសង្គម ដ៏ល្បីឈ្មោះ ក៏ត្រូវបានក្រុមសមត្ថកិច្ច មកពីក្រសួងមហាផ្ទៃ ចុះធ្វើការឃាត់ខ្លួនដែរ ទាក់ទងនឹងករណីដដែល។

លោក កែម ឡី ត្រូវបានបាញ់សម្លាប់ កាលពីថ្ងៃទី១០ ខែកក្កដា ឆ្នាំទៅម៉ិញ នៅខណៈលោកកំពុងទទួលទានកាហ្វេ នៅក្នុងហាងលក់ទំនិញ ស្តាម៉ាត នៃស្ថានីយ​ចាក់ប្រេងឥន្ទនៈ កាល់តិច ស្ថិតនៅស្ដុបបូកគោ។ នៅក្រោយ​ឃាតកម្មនោះ និងរហូតមកដល់ថ្ងៃនេះ ជនសង្ស័យ​តែម្នាក់គត់ ឈ្មោះ [...]

ស្ថានទូតអាមេរិកប្រចាំនៅកម្ពុជា បានបង្ហាញជំហរច្បាស់លាស់មួយរបស់ខ្លួន នៅចំពោះការបាញ់សម្លាប់លោក កែម ឡី អ្នកស្រាវជ្រាវផ្នែកសង្គម និងជាអ្នកធ្វើអត្ថាធិប្បាយដ៏ល្បី  កាលពី១ឆ្នាំមុន។ តំណាងការទូត របស់ប្រទេសមហាអំណាច បានហៅឃាតកម្មនេះ ថាជាអំពើលីលា និងដ៏កំសាក។

នៅក្នុងឱកាសនៃការរំលឹកខួប១ឆ្នាំ នៃការបាញ់សម្លាប់ដ៏សាហាវនេះ ស្ថានទូតអាមេរិក​បានបង្ហោះសារ​រ នៅលើទំព័រហ្វេសប៊ុករបស់ខ្លួន កាលពីព្រឹក ថ្ងៃទី១០ ខែកក្កដា ឆ្នាំ២០១៧នេះថា៖ «ស្ថានទូតអាមេរិកនៅប្រទេសកម្ពុជា សូមចូលរួមជាមួយប្រជាជនកម្ពុជា នៅក្នុងការអបអរជីវិត និងការងាររបស់លោក កែម ឡី»។

ទាក់ទងនឹងការស្វែងរកយុត្តិធម៌ ជូនលោក កែម ឡី និងក្រុមគ្រួសារវិញ ត្រូវបានស្ថានទូតអះអាងថា ជាអ្វីដែលពួកគេ «កំពុងរង់ចាំ»។ តំណាងការទូតរបស់ប្រទេសមហាអំណាច បានសរសេរថា៖ «យើងសូមសំដែងសមានទុក្ខសារជាថ្មី ចំពោះគ្រួសាររបស់លោក កែម ឡី ដែលកំពុងរង់ចាំ ហើយសង្ឃឹមថា [...]