Posts tagged as "Crime"

ភរិយា កែម ឡី បញ្ជាក់​ជា​ថ្មី ថា​គ្មាន​ជំនឿ​លើ​តុលាការ​ខ្មែរ

ភរិយា កែម ឡី បញ្ជាក់​ជា​ថ្មី ថា​គ្មាន​ជំនឿ​លើ​តុលាការ​ខ្មែរ

បើសូម្បីតែគិត «ថាចង់ប្ដឹង» ក៏អ្នកស្រី ប៊ូ រចនា ភរិយាសពលោក កែម ឡី មិនដែលគិតដែរ។ ប្រតិកម្មរបស់ភរិយាមេម៉ាយ របស់លោក កែម ឡី ធ្វើឡើងជាថ្មីទៀត នៅចំពោះសំណុំរឿងឃាតកម្ម យ៉ាងសាហាវព្រៃផ្សៃ ទៅលើស្វាមីអ្នកស្រី កាលពីថ្ងៃទី១០ ខែកក្កដា ឆ្នាំ២០១៦ កណ្ដាលរាជធានីភ្នំពេញ។ ក្នុងការបាញ់សម្លាប់ ដ៏កក្រើកខាងលើ មនុស្សតែម្នាក់គត់ ដែលអះអាងថា ខ្លួនឈ្មោះ ជួប សម្លាប់ ត្រូវបានចាប់ខ្លួនភ្លាមៗ និងត្រូវបានសាលាដំបូង ផ្ដន្ទាទោសដាក់ពន្ធនាគារ អស់មួយជីវិត។

ប៉ុន្តែសម្រាប់តុលាការកម្ពុជា បានចាត់ទុកអ្នកស្រី ប៊ូ រចនា ថាជាដើមបណ្ដឹង រដ្ឋប្បវេណី រួចជាស្រេចហើយ រាប់តាំងពីសាលាដំបូង រហូតដល់សាលាឧទ្ធរណ៍។ នៅក្នុងដីកាកោះមួយ របស់លោក ហ៊ឹង ប៊ុនជាង ព្រះរាជអាជ្ញានៃមហាអយ្យការ អមសាលាឧទ្ធរណ៍ បានកោះហៅភរិយាលោក កែម ឡី រូបនេះ ឲ្យចូលរួមសវនាការជំនុំជម្រះ លើករណីបណ្ដឹងឧទ្ធរណ៍ របស់ឈ្មោះ ជួប សម្លាប់ នៅថ្ងៃទី៣ ខែមេសា ឆ្នាំ២០១៨ វេលាម៉ោង២រសៀល [...]

នាយករដ្ឋមន្ត្រី​ស្លូវ៉ាគី លា​លែង​ពី​តំណែង​បន្ទាប់​ពី​មាន​ឃាតកម្ម​លើ​អ្នក​កាសែត

នាយករដ្ឋមន្ត្រី​ស្លូវ៉ាគី លា​លែង​ពី​តំណែង​បន្ទាប់​ពី​មាន​ឃាតកម្ម​លើ​អ្នក​កាសែត

«នៅថ្ងៃពុធនេះ ខ្ញុំបានប្រគល់លិខិតលាលែងពីតំណែងរបស់ខ្ញុំ ជូនទៅលោកប្រធានាធិបតី នៃសាធារណរដ្ឋស្លូវ៉ាគីហើយ» នេះ ជាការអះអាងឡើងរបស់លោក រ៉ូប៊ែរ ហ្វីកូ (Robert Fico) នាយករដ្ឋមន្ត្រី នៃរដ្ឋាភិបាលស្លូវ៉ាគី។ លោកបន្តថា៖ «ប្រសិនជាលោកប្រធានាធិបតីយល់ព្រម ចំពោះការស្នើសុំលាលែងរបស់ខ្ញុំ ៗបានត្រៀមខ្លួនរួចជាស្រេច ក្នុងការចាកចេញពីតំណែង នៅថ្ងៃព្រហស្បត្តិ៍ស្អែក»។

ប្រមុខរដ្ឋាភិបាល អាយុ៥៣ឆ្នាំ នៃប្រទេសអ៊ឺរ៉ុបខាងកើតមួយនេះ បានប្រកាសពីដំណឹងខាងលើ នៅចំពោះបណ្ដាប្រធានគណបក្ស ដែលបានចងជាសម្ព័ន្ធភាព ដើម្បីបង្កើតរដ្ឋាភិបាលមួយឡើង បន្ទាប់ពីលោកបានចេញ ពីជំនួបជាមួយប្រធានាធិបតីស្លូវ៉ាគី លោក អង់ឌ្រេច គីស្កា (Andrej Kiska)។

បើតាមលោក ហ្វីកូ បានពន្យល់ឲ្យដឹងថា ប្រទេសស្លូវ៉ាគី អាចនឹងធ្លាក់ទៅក្នុងភាពវឹកវរផ្នែកនយោបាយ ប្រសិនជាក្រុមមនុស្ស មកពីបក្សប្រឆាំងសព្វថ្ងៃ ឡើងកាន់អំណាច។ [...]

វិបត្តិ​ការទូត​អង់គ្លេស​-រ៉ូស្ស៊ី៖ «ថេរីសា មេ បាន​ជ្រើសយក​ការ​ប្រឈម​មុខ»

វិបត្តិ​ការទូត​អង់គ្លេស​-រ៉ូស្ស៊ី៖ «ថេរីសា មេ បាន​ជ្រើសយក​ការ​ប្រឈម​មុខ»

នៅខណៈពេលដែលប្រទេេសរ៉ូស្ស៊ី បានត្រៀមខ្លួនរួចជាស្រេច ដើម្បីធ្វើកិច្ចសហការនោះ ស្រាប់តែ«រដ្ឋាភិបាលអង់គ្លេស បានជ្រើសយក​ការប្រឈមមុខ ទល់នឹងប្រទេសរ៉ូស្ស៊ីទៅវិញ»។ នេះ ជាការលើកឡើង របស់ក្រសួងការបរទេសរ៉ូស្ស៊ី នៅក្នុងសេចក្ដីប្រកាសព័ត៌មានមួយ ដែលចេញផ្សាយនៅល្ងាចថ្ងៃពុធនេះ ប៉ុន្មានម៉ោងក្រោយការសម្រេច របស់រដ្ឋាភិបាលក្រុងឡុង ក្នុងការដាក់ទណ្ឌកម្ម ប្រឆាំងប្រទេសរ៉ូស្ស៊ី។

ក្រសួងការបរទេសរ៉ូស្ស៊ី បានវាយតម្លៃ ការដាក់ទណ្ឌកម្ម ពីសំណាក់រដ្ឋាភិបាលអង់គ្លេស ថាជា«ការបង្ករឿងដ៏គ្រោកគ្រាត មិនដែលធ្លាប់មានពីមុន» ជា«ចំណាត់ការអមិត្ត» និងជា«យុទ្ធនាការប្រឆាំងរ៉ូស្ស៊ី»។ សេចក្ដីប្រកាសព័ត៌មាននោះ បានបន្តថា៖ «វាគ្មានអ្វីអល់អែកទេ ចំណាត់ការរបស់យើង ក្នុងការតបតរទៅវិញ នឹងកើតមានដោយមិនរង់ចាំយូរឡើយ»។

កាលពីរសៀលថ្ងៃពុធ អ្នកស្រី ថេរីសា មេ (Theresa May) នាយករដ្ឋមន្ត្រីអង់គ្លេស បានប្រកាស [...]

វិទ្យុអាស៊ី​សេរី ថា​ប្រភព​ព័ត៌មាន​ខ្លួន​រង​ការ​គម្រាម​កំហែង

វិទ្យុអាស៊ី​សេរី ថា​ប្រភព​ព័ត៌មាន​ខ្លួន​រង​ការ​គម្រាម​កំហែង

ស្ថាប័នវិទ្យុអាស៊ីសេរី ដែលមានទីតាំងក្នុងរដ្ឋធានី វ៉ាស៊ីនតោន (អាមេរិក) បានពន្យល់ពីឧបសគ្គ ដែលបានកើតឡើង ក្នុងការស្វែងរកព័ត៌មាន គឺដោយសារ «ប្រភព​ផ្តល់​ព័ត៌មាន (...) សុទ្ធ​តែ​រងការ​គម្រាម​ អ្នកខ្លះ​រងការ​គម្រាម​កំហែង ដល់​អាយុជីវិតថែមទៀតផង ដោយសារ​តែ​ព្យាយាម ​ផ្តល់​ព័ត៌មានពិត ឲ្យ​វិទ្យុ»។

សេចក្ដីថ្លែងការណ៍ ចេញផ្សាយក្នុងថ្ងៃនេះ ដោយវិទ្យុអាស៊ីសេរី ដែលជាវិទ្យុមួយ ផ្ដល់ថវិកាដោយសភាអាមេរិកនោះ បានឲ្យដឹងទៀតថា៖ «ខាង​អាជ្ញាធរវិញ មិន​ត្រឹម​តែ​មិន​ចង់​ផ្តល់​ព័ត៌មាន ​ដល់​វិទ្យុយើង​ប៉ុណ្ណោះទេ ប៉ុន្តែថែមទាំង​ព្យាយាម​ បន្សាប​ភាពទុកចិត្ត​ នៃព័ត៌មាន​ពិត ដែល​អាស៊ីសេរី ខិតខំ​រាយការណ៍​ ជូន​ពលរដ្ឋ​ទូទៅថែមទៀត​ផង»។

ការប្រកាសឡើង របស់វិទ្យុអាស៊ីសេរី បានធ្វើឡើង ក្រោយហេតុការណ៍ នៃការផ្ទុះអាវុធមួយ កាលពីព្រឹក​ថ្ងៃព្រហស្បត្តិ៍ ទី៨ ខែមីនា នៅក្នុងស្រុកស្នួល ខេត្តក្រចេះ [...]

ត្រូវ​បាន​ឃាត់​ខ្លួន ព្រោះ​ច្របាច់​សុដន់​អ្នក​លក់​ប្រហិត

ត្រូវ​បាន​ឃាត់​ខ្លួន ព្រោះ​ច្របាច់​សុដន់​អ្នក​លក់​ប្រហិត

បើឃើញគ្នាលក់ប្រហិត កុំព្រហើន យកដៃប្រលាក់ប្រហុក ទៅលូកប៉ះពាល់ ដល់រាងកាយឲ្យសោះ! ហេតុការណ៍ដ៏ហួសចិត្ត បានកើតឡើង នៅត្រង់ចំណុចផ្លូវលំ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌ​មាន​ជ័យ រាជធានី​ភ្នំពេញ​ កាលពីរសៀល ថ្ងៃទី១៤ ខែវិច្ឆិកា ឆ្នាំ២០១៧នេះ។

យុវជនដែលជាប់សង្ស័យ ថាបានលូកទៅច្របាច់សុដន់នារី អ្នកលក់ប្រហិត មានឈ្មោះ ឈន ចយ ហៅ តុយង៉ុយ អាយុ២២ឆ្នាំ ជាកម្មករ និងគ្មានទីលំនៅពិតប្រាកដ។ យុវជនត្រូវបានកងកម្លាំងនគរបាលរដ្ឋបាលស្ទឹងមានជ័យ ឃាត់ខ្លួនក្រោមបទ «ប្រទូសកេរ្តិ៍ខ្មាស» និងយកទៅឃុំខ្លួន នៅអធិការដ្ឋាន ខណ្ឌមានជ័យ។

ប្រភពពីកន្លែងកើតហេតុ​បានឲ្យដឹងថា​ថា ដំបូង​ឡើយ​នារី​រងគ្រោះ​ បាន​ដើរ​ចេញ​ពី​កន្លែង​លក់​ទៅ​ផ្ទះ។​ លុះ​ដើរ​មិន​ទាន់​ដល់​ផង ស្រាប់តែ​លេច​មុខ​យុវជនខាង​លើ រត់​មក​ក្បែរ ​រួច​យក​ដៃលូក ទៅច្របាច់​សុដន់​របស់​នាង ហើយ​ទាញ​នាង​ទៅ​កន្លែង​ងងឹត។ ពេលនោះ នារីរងគ្រោះ បានស្រែក​ឆោឡោ​ឡើង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...