រថយន្តកុងតឺន័រជល់រថយន្តដឹកសាំង បះជើងផ្ទុះឆេះនៅផ្លូវបំបែកស្រែអំបិល
ហេតុការណ៍បានកើតឡើង នៅវេលាម៉ោងប្រមាណ ជិត១១ព្រឹក ថ្ងៃទី២៦ ខែឧសភា ឆ្នាំ២០១៦នេះ នៅលើកំណាត់ផ្លូវជាតិលេខ៤ ត្រង់ចំណុចជិតផ្លូវបំបែកស្រែអំបិល។ រថយន្តដឹកប្រេងមួយគ្រឿង បានបុកជាមួយរថយន្តកុងតឺន័រមួយគ្រឿងទៀត បណ្ដាឲ្យរថយន្ដដឹកប្រេងបះជើងឡើង និងផ្ទុះឆេះជាអគ្គិភ័យយ៉ាងសន្ធោសន្ធៅ។
ប្រភពពីកន្លែងកើតហេតុ បានរាយការណ៍ជាបឋមថា រថយន្ដដឹកប្រេង របស់ក្រុមហ៊ុន តេលា បានបើកបរក្នុងទិសដៅ ពីខេត្តព្រះសីហនុ ទៅរាជធានីភ្នំពេញ ហើយបានបើកជែងរថយន្ដមួយទៀត ដែលបើកនៅក្នុងទិសស្របគ្នា នៅត្រង់ចំណុចកើតហេតុនោះ។ តែការជែងនេះ ទំនងជាមិនបានផុតល្អ ក៏ទៅប៉ះជាមួយនឹងរថយន្ដកុងតឺន័រ រហូតបណ្ដាលឲ្យខ្លួនឯងបះជើង ធ្លាយប្រេងមុននឹងផ្ទុះជាអគ្គិភ័យឡើង។
ប្រភពបាននិយាយទៀតថា អ្នកបើកបររបស់រថយន្ដទាំងពីរ បានលោតចុះទាន់ ចេញពីរថយន្ដ។ ការផ្ទុះឆេះដ៏សន្ធោសន្ធៅនេះ [...]
