Posts tagged as "Environnement"

អ្នកស្រី Betty Betty Thogersen នាយកប្រចាំប្រទេសកម្ពុជា នៃអង្គការ DCA/CA បានលើកឡើងថា ការ​ប្រែ​ប្រួសអាការធាតុប៉ះ ពាល់ដល់មនុស្សគ្រប់រូប នៅលើផែនដី ហើយមានលក្ខណៈកាន់តែខ្លាំង ដែល​គេ​មិន​អាច​ធ្វើការ​ព្យាករណ៍ ទុកមុនបាន ខណៈជនដែលរងផលប៉ះពាល់ច្រើនជាងគេ គឺ «ប្រជាពលរដ្ឋក្រីក្រ»។

ថ្លែងក្នុងសិក្ខាសាលាផ្សព្វផ្សាយ សេចក្តីសង្ខេបគោលនយោបាយ ស្តីពី ការចរចារអាកាសធាតុ និងការ​ត្រៀម​លក្ខណៈសម្រាប់សន្និសីទ នៃភាគីជាសមាជិកអនុសញ្ញា ក្របខណ្ឌ័សហប្រជាជាតិ ស្តីពីការប្រែប្រួល​អាកាស​ធាតុលើកទី២១ (COP21) កាលពីព្រឹកថ្ងៃទី២៥ ខែកញ្ញា ឆ្នាំ២០១៥នេះ អ្នកស្រី Betty Betty Thogersen បានឲ្យដឹងថា៖ «យើងមានការព្រួយបារម្ភ ការប្រែប្រួសអាកាសធាតុ កំពុងកើតមានឡើងហើយ។ យើង​ដឹង​ថាផលប៉ះពាល់នៃ ការប្រែប្រួលអាកាសធាតុ គឺវាធ្ងន់ធ្ងរណាស់ វាធ្វើឲ្យខូចខាតអនាគតយើង។»

សូមស្តាប់ការបកស្រាយទាំងស្រុងរបស់អ្នកស្រី Betty thØgersen [...]

ដើម្បីការពារបរិដ្ឋានទឹកសមុទ្រ ខេត្តកោះកុង ឲ្យនៅខៀវស្រងាត់នោះ ត្រូវតែគ្មានការកាប់បំផ្លាញ​ឈើ​ខាង​លើ ដែលធ្វើក្រោមហេតុផល ជីកកកាយ យករ៉ែទីតាញ៉ូមនោះ។ នេះជាបទបញ្ជាដោយផ្ទាល់មាត់ របស់​លោក ហ៊ុន សែន ទៅកាន់រដ្ឋមន្ត្រីក្រសួង រ៉ែ និងថាមពលលោក ស៊ុយ សែម ទាក់ទងនឹងការថែរក្សាព្រៃឈើ ជៀស​ជាងការជីកយករ៉ែទីតាញ៉ូម ក្នុងខេត្តកោះកុង ដែលអាចទទួលបានចំណូល ដល់ទៅរាប់ពាន់លានដុល្លា។

ថ្លែងក្នុងពិធីបិទសន្និបាត ស្តីពីការប្រឡងប្រណាំង ទីក្រុងស្អាត រមណីយដ្ឋានស្អាត សេវាល្អ ឆ្នាំ២០១៤ នៅ​សណ្ឋាគារសុខា រាជធានីភ្នំពេញ កាលពី​រសៀល​ថ្ងៃទី២២ ខែកញ្ញា ឆ្នាំ២០១៥នេះ លោក ហ៊ុន សែន បាន​ឲ្យ​ដឹង​ថា៖ «វាមែនទៅជាតំបន់ ទេសចរណ៍រមណីយដ្ឋាន ជីផាតទៀតទេណា។ (...) ទឹកហូរទៅហើយ ទឹក​សមុទ្រ នៅតំបន់ហ្នឹង មិនមែនទឹកសមុទ្រខៀវស្រងាត់ ដូចសព្វថ្ងៃនេះ ទៅជាទឹកសមុទ្រល្អក់តែម្តង។ អញ្ជឹង​ទេ... ទុកវាសិនទៅ អត់ទាន់ផ្អូមទេ។»។

ប៉ុន្តែការអះអាង [...]

អង្គការដែលធ្វើការសហការ ជាមួយរដ្ឋាភិបាល ហើយបែរមករិះគន់រដ្ឋាភិបាលនោះ ក៏មានន័យស្មើនឹង​អង្គការ​នោះ មិនទទួលស្គាល់ការងាររបស់ខ្លួន ក្នុងរយៈកាលកន្លងមក យ៉ាងដូច្នោះដែរ។ នេះជាការអះអាងរបស់​លោក ស្រ៊ុន ដារិទ្ធិ នាយកខុទ្ធកាល័យរដ្ឋមន្ត្រី និងជាទីប្រឹក្សាអមក្រសួងបរិស្ថាន ដើម្បីច្រានចោលនូវរបាយការណ៍ អង្គការក្រៅរដ្ឋាភិបាល ដែលតែងតែរិះគន់រដ្ឋាភិបាល។ លោក ស្រ៊ុន ដារិទ្ធិ បានហៅរបាយការណ៍ របស់អង្គការ​ទាំងនោះ ថាមិនបានឆ្លុះបញ្ចាំង នូវអ្វីជាភាពជាក់ស្តែង ទាំងភាពវិជ្ជមាន និងភាពអវិជ្ជមាននោះឡើយ។ លោក​បាន​​បញ្ជាក់ថា៖ «សូម្បីតែឈ្មោះ នៃរបាយការណ៍នោះ ក៏បង្ហាញនូវភាពលំអៀង និងចោទប្រកាន់ មកលើរដ្ឋាភិបាល​ដែរ។»

ថ្លែងក្នុងវេទិកានៃអង្គការ មិនមែនរដ្ឋាភិបាល ស្តីពីកម្ពុជា(NGOF) ដាក់សម្ពោធឲ្យប្រើប្រាស់ ជាផ្លូវការនូវ​របាយ​ការណ៍ស្រាវជ្រាវស្តីពី «ការកាប់ឈើ និងបរិបាលកិច្ច នៅខេត្តរតនគិរី និងខេត្តស្ទឹងត្រែង ប្រទេសកម្ពុជា» [...]

នៅព្រឹកថ្ងៃទី ១៧ ខែសីហា ឆ្នាំ២០១៥ យុវជនបីរូប ដែលជាសមាជិកនៃចលនាមាតាធម្មជាតិ ត្រូវបាន​អាជ្ញាធរ​ស្រុកបទុមសារគរ ចាប់ខ្លួននៅភូមិធ្នុង ឃុំកណ្តោល ស្រុកបទុមសាគរ ខេត្តកោះកុង។ យុវជនទាំងបីមានឈ្មោះ សាន់ ម៉ាឡា - ទ្រី សុវិគា និង សំណាង។ នេះបើតាមការអះអាង របស់សមាជិកមួយរូប របស់ចលនានេះ។

សមាជិកនៃចលនាមាតាធម្មជាតិ លោក តារា បានប្រាប់ទស្សនាវដ្តីមនោរម្យ.អាំងហ្វូថា មុនការចាប់ខ្លួនបីថ្ងៃ ខាងអធិការដ្ឋាននគរបាលស្រុកបទុមសាគរ បានផ្ងើលិខិតចំនួនបី ឲ្យលោក សាន់ ម៉ាឡា - ទ្រី សុវិគា និងលោក សំណាង ដើម្បីធ្វើការសាកសួរ។ លោកបានមន្ថែមទៀតថា ឥឡូវពួកគេទាំងបី ត្រូវបានចាប់បញ្ជូនខ្លួន ទៅ​ស្នងការ​​ដ្ឋាន​នគរបាលស្រុកបទុមសាគរ បន្ទាប់មកទៅស្នងការខេត្ត ចុងក្រោយបញ្ជូន ទៅដល់​សាលា​ដំបូង​ខេត្ត។

យុវជនទាំងបីត្រូវបានឃាត់ខ្លួន នៅពេលដែលពួកគេព្យាយាម ចូលទៅមើលសកម្មភាពបូមខ្សាច់ របស់​ក្រុមហ៊ុន​ចំនួនពីរ មានឈ្មោះ Direct action [...]

បើតាមការពិនិត្យជាក់ស្តែង ឃើញថា សន្តិសុខ និងប្រធានសន្តិសុខសណ្តាប់ធ្នាប់ ក្នុងបរិវេណគំនរសម្រាម នៅភូមិបឹងជើងឯក សង្កាត់ជើងឯក ខណ្ឌដង្កោ រាជធានីភ្នំពេញនោះថា ជាបុគ្គលិករបស់ក្រុមហ៊ុនស៊ិនទ្រី ឯកទេសខាងការប្រមូលសម្រាម និងសំអាតរាជធានី។ តែពេលដែលយុវជនមួយក្រុម ចង់ចូលទៅចែកចាយ អាហារ នៅក្នុងបរិវេណ នៃទីគំនរចាក់សម្រាមនោះ ស្រាប់តែប្រធានសន្តិសុខ​របស់ក្រុមបុគ្គលិកនេះ បាន​បដិសេធ​មិនឲ្យចូល យ៉ាង«ដាច់ខាត»។

ការចុះជួយចែកចាយចំណីអាហារបន្តិបន្តូច ដើម្បីសង្គ្រោះក្រុមកុមារទាំងនេះ បានធ្វើឡើង កាលពីថ្ងៃ​អាទិត្យ​ទី១៦ ខែសីហា ឆ្នាំ២០១៥កន្លងទៅនេះ ដោយយុវជនឯករាជ្យមួយក្រុម ភាគច្រើនជានិស្សិត មកពី​វិទ្យាស្ថាន​ជាតិពាណិជ្ជកម្ម ដែលឈឺឆ្អាលនឹងបញ្ហាសង្គម ជាពិសេសជនក្រីក្រ នៅស្ថិតនៅនឹងច្រមុះ នៃរាជធានី​ភ្នំពេញ។ ប៉ុន្តែការឈឺឆ្អាលនោះ មិនអាចធ្វើទៅបានទេ បើគ្មានការអនុញ្ញាតពី«ថ្នាក់លើ។ នេះបើតាម​សំដី​របស់​សមាជិក​ម្នាក់ [...]