Posts tagged as "Boeung Kak"

២ម៉ឺនដុល្លារជាចំនួនទឹកប្រាក់បន្ថែម ដែលអ្នកភូមិអតីតបឹងកក់ ធ្វើការទាមទារទៅកាន់សាលារាជធានីភ្នំពេញ នៅថ្ងៃ​ទី២៨ ខែមេសានេះ ដើម្បីស្តារជីវភាពរបស់ពួកគាត់ ក្រោយពីការបណ្តេញចេញ។

ក្រុមអ្នកភូមិបឹងកក់ តវ៉ានៅមុខសាលារាជធានី ថ្ងៃទី២៨ ខែមេសា ឆ្នាំ២០១៤។ (រូបថត MONOROOM.info/ C.Nita)

ដីធ្លី - នៅថ្ងៃទី២៨ ខែមេសា ឆ្នាំ២០១៤នេះអ្នកភូមិអតីតបឹងកក់ដែលត្រូវបានបណ្តេញ បានចេញតវ៉ាសាជាថ្មី ដោយ​ស្នើសុំសំណងបន្ថែម នូវទឹកប្រាក់ចំនូន២ម៉ឺនដុល្លាសម្រាប់មួយគ្រួសារ។ ការស្នើសុំទឹកបន្ថែមលើសំណងចាស់នេះ ត្រូវបានក្រុមអ្នតតវ៉ាអះអាងថា ក្រោយពីការបណ្តេញចេញពួកគេ បានជួបនូវបញ្ហាខ្វះខាតជីវភាពយ៉ាងធ្ងន់ធ្ងរ បាត់​បង់ផ្ទះ បាត់បង់មុខរបរ [...]

សហគមន៍រងគ្រោះជម្លោះដីធ្លីក្នុងរាជធានីភ្នំពេញ បានមកជួបជុំគ្នាមុខធនាគារអភិវឌ្ឍន៍អាស៊ី រំលឹកជាថ្មីចំពោះ​«ការ​ដោះស្រាយ» ដោយ«គ្មានភាពទទួលខុសត្រូវ» នៃសមត្ថកិច្ចសាលារាជធានីភ្នំពេញ និងរដ្ឋាភិបាលកម្ពុជានា​ពេល​កន្លងមក។ ប្រជាពលរដ្ឋប្រមាណជាងមួយរយនាក់ បានមកជួបជុំគ្នាដើម្បីដាក់ញាតិ ដល់ធនាគារអភិវឌ្ឍន៍អាស៊ី ដែលជាម្ចាស់ជំនួយដ៏ធំ ផ្តល់ថវិការក្នុងកិច្ចអភិវឌ្ឈន៍នៅកម្ពុជា ជួយអន្តរាគមន៍ និងដៅស្រាយ។

ក្រុមប្រជារងគ្រោះនឹងជម្លោះដីធ្លី នៅមុខធនាគារអភិវឌ្ឍន៍អាស៊ី ថ្ងៃទី២៤ ខែមេសា ឆ្នាំ២០១៤។ (រូបថត MONOROOM.info/ O.Vary)

សហគមន៍ដីធ្លី - អ្នកស្រី កែវ រស្មី អតីតអ្នកបឹងកក់កំពុងឈរស្រែកតាមឃោសនស័ព្ទ ស្នើដល់ធនាគារ​អភិវឌ្ឈន៍​អាស៊ី [...]

ប្រភពមួយដែលស្និតនឹងមន្ត្រីអ្នកមានអំណាចម្នាក់ ទាក់ទងនឹងជម្លោះដីធ្លីនៅបឹងកក់ ជាមួយគ្រួសារលោក លី ស្រ៊ាងខេង បានទម្លាយឲ្យដឹងថា លោក សួង សោភ័ណ្ឌ អតីតបេក្ខជនតំណាងរាស្ត្រវ័យក្មេង ប្រចាំមណ្ឌល​ប៉ៃលិន​របស់គណបក្សសង្គ្រោះជាតិ  នឹងអាចប្រឈមនូវការចាប់ខ្លួន ប្រសិនបើមន្ត្រីគណបក្សប្រឆាំងរូបនេះ ចេះឈឺឆ្អាល​«លូកដៃ»ចូលជ្រៅទៅក្នុងជម្លោះដ៏រ៉ាំរ៉ៃនេះ។ ការគម្រាមនេះបានកើតឡើង បន្ទាប់ពីប៉ុន្មានថ្ងៃចុងក្រោយនេះ ពលរដ្ឋ​ពាក់ព័ន្ធនឹងជម្លោះដីធ្លីខាងលើ បានបញ្ចេញប្រតិកម្មរបស់ពួកគេយ៉ាងក្លៀវក្លា ទាមទារឲ្យមានដំណោះស្រាយ​ពី​សំណាក់អាជ្ញាធរ។

លោក សួង សោភ័ណ្ឌ ប្រធានចលនាយុវជនរបស់គណបក្សសង្គ្រោះជាតិ។ (រូបថត MONOROOM.info/ S. Tith)

ដីធ្លី - [...]

ករណីវិវាទរបស់ពលរដ្ឋ៣គ្រួសារ និងក្រុមហ៊ុន ឃុន សៀរ ដែលបានសិទ្ធិលើដីសង្កាត់បឹងកក់១ ខណ្ឌទួលគោក ត្រូវបានក្រុមពលរដ្ឋប្រតិកម្មនឹងការបកស្រាយ របស់ភាគីក្រុមហ៊ុនថា ពួកគាត់រស់នៅលើដីជួល ហើយព្យាយាម​រត់ការធ្វើប្លង់ស្របច្បាប់។

លោក លី ស្រ៊ាងខេង ពលរដ្ឋរងគ្រោះនឹងជម្លោះដីធ្លីដ៏រ៉ាំរ៉ៃ នៅតំបន់បឹងកក់។ (រូបថត MONOROOM.info/ O.Vary)

ដីធ្លី - ការប្រតិកម្មរបស់ពួកគាត់ បានធ្វើក្នុងសន្និសីទព័ត៌មាន កាលពីថ្ងៃព្រហស្បត្តិ៍ម្សិលមិញ។ ពលរដ្ឋលោក លី ស្រ៊ាងខេង អាយុ៦០ឆ្នាំ ឲ្យដឹងថា លោកគ្រាន់តែចង់បកស្រាយថា លោកមិនដែលបានជួលដីពីនរណាឡើយ គឺ​លោកមករស់នៅស្របច្បាប់ តាំងពីទស្សវត្សឆ្នាំ៨០មកម្ល៉េះ ទោះបីជាលោកគ្មានប្លង់រឹងក៏ដោយ។

ពលរដ្ឋនៅបឹងកក់ លោក លី ស្រ៊ាងខេង ត្រូវបានអាជ្ញាធរមូលដ្ឋាន បង្ខំឲ្យចុះចេញពីលំនៅដ្ឋានរបស់ខ្លួន ខណៈ​ដែលលោកបានរស់នៅអស់​រយៈពេល ជាងសាមសិបឆ្នាំមកហើយនោះ។ រស់នៅជាមួយប្រពន្ធ និងកូនប្រុសស្រីពីរ​នាក់ និងក្នុងនាមលោក​ជាមេ​គ្រួសារ លោកបានបញ្ជាក់ប្រាប់ទស្សនាវដ្តីមនោរម្យ.អាំងហ្វូថា ដីនេះលោកបាន​មក​រស់នៅតាំងពីឆ្នាំ១៩៧៩។  បន្ទាប់ពីសង្កាត់បានមកធ្វើជំរឿនស្ថិតិក្នុង​ឆ្នាំ១៩៨២  លោកបានក្លាយជាពលរដ្ឋ​ស្រប​ច្បាប់ នៅក្នុងទឹកដីសង្កាត់​បឹងកក់មួយ ខណ្ឌទួលគោក ចាប់តាំងពីឆ្នាំ១៩៨៣រហូតមក។

«ស៊ូស្លាប់នៅលើទឹកដីរបស់ខ្ញុំ» ត្រូវបានម្ចាស់ផ្ទះសរសេរ នៅលើជញ្ជាំងផ្ទះខ្លួន។ (រូបថត MONOROOM.info/ S.Tith)