រដ្ឋាភិបាលប្រតិកម្មនឹងរបាយការណ៍វិបត្តិដីធ្លី ដែលថាមានជនរងគ្រោះកើន៣ដង
ផ្នែកទទួលបន្ទុកបញ្ហាដីធ្លីរបស់រដ្ឋាភិបាល បានបញ្ជាក់ថា ចាប់ពីឆ្នាំ ២០០២ ដល់ ២០១៤ ក្រសួងទទួលបានពាក្យបណ្តឹង ទាក់ទងនឹងជម្លោះដីធ្លី បានចំនួនជាង ៦ ៥០០ ករណីនៅទូទាំងប្រទេស។ ប៉ុន្តែ រហូតដល់ដំណាច់ឆ្នាំ ២០១៤ តួលេខវិវាទនោះ នៅសល់តែ៧៥០ ករណីប៉ុណ្ណោះ ដែលកំពុងបន្តដោះស្រាយ។ នេះបើតាមសេចក្តីជូនដំណឹង របស់ក្រសួងរៀបចំដែនដី នគរូបនីយកម្ម និងសំណង់ ដែលចេញផ្សាយនៅថ្ងៃសុក្រទី២០ ខែកុម្ភៈនេះ តបទៅនឹងរបាយការណ៍ថ្មីមួយ របស់អង្គការលីកាដូ ដែលលើកឡើងជាអវិជ្ជមាន ពីវិបត្តិដីធ្លីនៅកម្ពុជា។
ដោយធ្វើលិខិតតវ៉ាមួយច្បាប់ ផ្ញើរត្រឡប់ទៅលោកស្រី ពុង ឈីវកេវ នាយិកាអង្គការលីកាដូ ដើម្បីពិនិត្យឡើងវិញពីរបាយការណ៍នោះផង សេចក្តីជូនដំណឹងនោះបានឲ្យដឹងទៀតថា ជម្លោះដីធ្លីបានថយចុះយ៉ាងច្រើន ដោយសារតែការខិតខំដោះស្រាយវិវាទដីធ្លីទាំងនោះ ពីសំណាក់ក្រសួង [...]