ក្លាយជាសមាជិកនឹងទទួលបានប្រយោជន៍ តែបើរិះគន់គឺជា«សត្វ»
មូលនិធិត្រីចក្រយាន (ឬស៊ីក្លូ) បង្កើតឡើងដោយលោក ហ៊ុន សែន មិនមែនសម្រាប់ អ្នកធាក់ស៊ីក្លូទូទៅទេ! តែសម្រាប់ផ្ដល់ប្រយោជន៍ ជូនអ្នកធាក់ស៊ីក្លូណា ដែលមានប័ណ្ណសម្គាល់សមាជិក របស់មូលនិធិនេះ តែប៉ុណ្ណោះ។ លោក ហ៊ុន សែន នាយករដ្ឋមន្ត្រីកម្ពុជា និងជាប្រធានគណបក្សប្រជាជនកម្ពុជា បានប្រកាសដូច្នេះ កាលពីព្រឹកម៉ិញ ក្នុងឱកាសជួបសំណេះសំណាល ព្រមទាំងពិសារអាហារ ជាមួយអ្នកធាក់ស៊ីក្លូក្នុងរាជធានីភ្នំពេញ ប្រមាណជា៣០០នាក់ នៅមជ្ឈមណ្ឌលកោះពេជ្រ កណ្ដាលរាជធានីភ្នំពេញ។
លោកនាយករដ្ឋមន្ត្រីថា អ្នកដែលចង់ចូលជាសមាជិកមូលនិធិ គឺទទួល អ្នកដែលមិនចង់ចូល ក៏មិនបង្ខំឲ្យចូលដែរ។ អ្នកមានប័ណ្ណមូលនិធិ ទើបទទួលបានប្រយោជន៍ ពីមូលនិធិស៊ីក្លូ និងត្រូវបានទទួលស្គាល់ ពីរបបសន្តិសុខសង្គម (បសស) និងការចូលពិនិត្យព្យាបាល ក្នុងមន្ទីរពេទ្យរដ្ឋដោយមិនគិតថ្លៃ និងអត្ថប្រយោជន៍ផ្សេងទៀតដ៏ច្រើន ចាប់ពីថ្ងៃទី១៣ ខែមករា ឆ្នាំ២០១៨នេះតទៅ។
បន្ថែមពីលើនេះ [...]
