ក្រុម បាសា បញ្ជាក់ជាផ្លូវការ ពីការចាកចេញរបស់ ណីម៉ា
បន្ទាប់ពីបានមកដល់ទីលានហ្វឹកហាត់ នៅព្រឹកថ្ងៃពុធនេះ ក្នុងក្រុងបាសឺឡូន (Barcelone - ប្រទេសអេស្ប៉ាញ) បានប្រមាណជាកន្លះម៉ោងប៉ុណ្ណោះ កីឡាករ ណីម៉ា (Neymar) ដែលមកដល់ម៉ោងនេះ នៅជាខ្សែប្រយុទ្ធ របស់ក្រុមបាល់ទាត់ បាសឺឡូន (FC Barcelone) នៅឡើយ បានបើករថយន្ដចាកចេញទៅវិញ យ៉ាងស្ងាត់ស្ងៀម។ នៅបន្តិចក្រោយមក ទើបគេដឹងថា កីឡាករជាតិប្រេស៊ីលរូបនេះ បានចំណាយពេលបន្តិចបន្តួចនេះ ដើម្បីជូនដំណឹងទៅកាន់ក្រុមបាសឺឡូន ពីបំណងរបស់ខ្លួន ដែលចង់ចាកចេញពីក្រុម និងបានថ្លែងពាក្យលាគ្នា ជាចុងក្រោយ ទៅកាន់កីឡាកររួមក្រុមដទៃទៀត។
ការផ្ទេរកីឡាករ ប្រចាំសតវត្សន៍...
នៅក្នុងសេចក្ដីប្រកាសព័ត៌មាន របស់ក្រុម បាសឺឡូន ដែលបានចេញផ្សាយជាផ្លូវការ នៅពេលក្រោយមក ក៏បានបញ្ជាក់ដែរ ពីបំណងរបស់ខ្សែប្រយុទ្ធរបស់ខ្លួន និងបានបញ្ជាក់ថា ដើម្បីអាចចាកចេញពីក្រុមបាន កីឡាករ ណីម៉ា ឬក្រុមបាល់ទាត់ ដែលត្រៀមទទួលយកកីឡាកររូបនេះ [...]