«ការព្រមានរបស់ ហ៊ុន សែន ជាបទឧក្រិដ្ឋប៉ុនប៉ងធ្វើមនុស្សឃាត»
«ការថ្លែងរបស់លោក ហ៊ុន សែន ដែលព្រមានអ្នកវិភាគនយោបាយសង្គម ឲ្យត្រៀមក្តារមឈូសនោះ វាគឺជា បទឧក្រិដ្ឋប៉ុនប៉ងធ្វើមនុស្សឃាត» នេះ ជាការលើកឡើង របស់លោក សួន សេរីរដ្ឋា ប្រធានគណបក្សអំណាចខ្មែរ ប្រតិកម្មទៅនឹងការថ្លែងកាលពីម្សិលម៉ិញ ពីសំណាក់នាយករដ្ឋមន្ត្រី - ប្រធានគណបក្សប្រជាជនកម្ពុជា ដែលបានចាត់ទុក ការធ្វើអត្ថាធិប្បាយនានា របស់ក្រុមអ្នកវិភាគមួយចំនួន ថាមានលក្ខណៈ ជាការ«បង្កសង្គ្រាម»។
លោក ហ៊ុន សែន បានព្រមានក្រុមអ្នកវិភាគទាំងនោះ ជុំវិញវោហាសាស្រ្តនៃសង្រ្គាមស៊ីវិល ដែលលើកឡើងដោយរូបលោកខ្លួនឯ នៅអំឡុងមុនការបោះឆ្នោត ជ្រើសរើសក្រុមប្រឹក្សា ឃុំ-សង្កាត់ថ្មីៗនោះថា ដោយទំនង ជាមានការបែកបាក់ផ្ទៃក្នុង នៅក្នុងចំណោម កងកម្លាំងប្រដាប់អាវុធ។
ស្ថិតនៅក្នុងឯកសណ្ឋានយោធា ពាក់ស័ក្ដិឧត្តមសេនីយ៍ផុតលេខ ផ្កាយមាស៥ លោក ហ៊ុន សែន បានលើកឡើងថា [...]
