Posts tagged as "LDP"

ខឹម វាសនា ព្រមាន​អតីត​សមាជិក​«រក​កន្លែង​ងាប់​ហើយ»

ខឹម វាសនា ព្រមាន​អតីត​សមាជិក​«រក​កន្លែង​ងាប់​ហើយ»

បើរាប់ពីថ្ងៃទី១៩ ខែឧសភាមក «វិន័យ»ដ៏ពិសេសមួយ របស់លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ដែលហាមសមាជិក និងអ្នកគាំទ្រ កុំឲ្យធ្វើការតបតរ ជាមួយក្រុមអតីតសមាជិករបស់គណបក្ស មានសុពលភាពអនុវត្តន៍ ត្រឹមតែ១សប្ដាហ៍ជាងប៉ុណ្ណោះ។ ព្រោះថ្ងៃនេះ លោក ខឹម វាសនា ខ្លួនលោក គឺជាអ្នកឆ្លើយឆ្លង​ដោយផ្ទាល់ ទៅកាន់លោក អោក វ៉េត អតីត​អគ្គលេខាធិការ​របស់​គណបក្ស ដោយព្រមាន​អតីតសមាជិករូបនោះ ថា​កំពុង​«រក​កន្លែង​ងាប់» និង​«វាស់​បង្រួម​ដីដើរ» ដោយហេតុ«តាំង​ខ្លួន​ជាសត្រូវ នៃសេចក្ដីល្អ»។

លោក ខឹម វាសនា បានសរសេរដូច្នេះ នៅមុននេះបន្តិច លើបណ្ដាញសង្គមថា៖ «បង វ៉េត រកកន្លែងងាប់ហើយ។​ [គាត់]វាស់បង្រួមដីដើរហើយ​ [ព្រោះ]តាំងខ្លួនជាសត្រូវនៃសេចក្តីល្អ​ តើមានទីឈរធំប៉ុណ្ណាទៅ?​»។

សំណេរឆ្លើយឆ្លងដោយផ្ទាល់ ទៅកាន់អតីតសមាជិកដូច្នេះ [...]

ឯកត្តនាម ឬ​សមាមាត្រ? ខៀវ កាញារីទ្ធ ថា​«កុំ​ជោរ»

ឯកត្តនាម ឬ​សមាមាត្រ? ខៀវ កាញារីទ្ធ ថា​«កុំ​ជោរ»

ប្រព័ន្ធបោះឆ្នោតនៅកម្ពុជា ជាប្រព័ន្ធសមាមាត្រ បានសេចក្ដីថា អ្នកបោះឆ្នោតត្រូវបោះឆ្នោត​ឲ្យគណបក្ស ដើម្បីទទួលបានតំណាងរបស់ខ្លួន ដែលចេញពីការចាត់តាំង របស់គណបក្ស។ ប៉ុន្តែក៏មានការលើកឡើងដែរថា កម្ពុជាគប្បីជ្រើសរើសយកប្រព័ន្ធបោះឆ្នោត ជា«ឯកត្តនាម»វិញ ដើម្បីផ្ដល់សេរីភាព ទៅឲ្យតំណាងរាស្ត្រនីមួយៗ មិននៅក្រោមគំនាបរបស់គណបក្ស ឬពីមេដឹកនាំរបស់​គណបក្ស។

នៅចំពោះ​ការលើកឡើង​នោះ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ មានចម្លើយ​តបវិញ យ៉ាងពិសេស ដោយលើកយកឧទាហរណ៍ ក្នុងជីវិតជាក់ស្ដែង កាលពីសង្គមចាស់​មកបញ្ជាក់ផង។ លោករដ្ឋមន្ត្រីបាន​សរសេរ​ពីរឿងរ៉ាវ​នេះ នៅលើបណ្ដាញសង្គម​ កាលពី​ប៉ុន្មាន​នាទី​មុនថា៖ «លោកម្នាក់និយាយថា បើគាត់ឈ្នះឆ្នោតមេឃុំ គាត់នឹងជំរុញអោយមានការបោះឆ្នោតតំណាងរាស្ត្រ តាមប្រព័ន្ធឯកត្តនាម គឺមិនបោះតាមបក្សទេ ដើម្បីអោយតំណាងរាស្ត្រនោះ មិននៅក្រោមគំនាបបក្ស ធ្វើតាមតែបក្សបញ្ជា តែគាត់អាចបោះឆ្នោត [...]

ខឹម វាសនា លត់អង្គការ ខុមហ្វ្រែល មួយទៀត!

ខឹម វាសនា លត់អង្គការ ខុមហ្វ្រែល មួយទៀត!

«ខ្ញុំគិតថា សត្រូវបស់ខ្ញុំផ្តុំក្បាលគ្នាហើយ» ហើយបើតាមការសរសេរ របស់ប្រធានគណបក្សសម្ព័ន្ធដើម្បីប្រជាធិបតេយ្យ ដែលរៀបរាប់លើបណ្ដាញសង្គមនៅមុននេះ បានឲ្យដឹងថា «ក្រុមសម្រាម» ដែលជាសត្រូវរបស់ប្រធានគណបក្សរូបនេះ ត្រូវរាប់បញ្ចូលដែរ ចាប់ពីពេលនេះតទៅ ទាំងអង្គការជាតិមួយ ដែលមានឈ្មោះថា «គណៈកម្មាធិការដើម្បីការបោះឆ្នោត ដោយសេរី និងយុត្តិធម៌នៅកម្ពុជា» ហៅកាត់ជាភាសាអង់គ្លេសថា «Comfrel»។

ការចាត់បញ្ជី ពីសំណាក់ប្រធានគណបក្សសម្ព័ន្ធដើម្បីប្រជាធិបតេយ្យ ត្រូវបានធ្វើឡើង បន្ទាប់ពីអង្គការមួយនេះ បានយកអត្ថបទរបស់ទស្សនាវដ្ដី​មនោរម្យ.អាំងហ្វូ ទៅបង្ហោះ នៅលើទំព័រហ្វេសប៊ុក «Comfrel» របស់ខ្លួន ដោយបានដកស្រង់សំណេរ នៅក្នុងអត្ថបទនេះ ទៅសរសេរអមជាមួយផង។ [...]

ខឹម វាសនា ព្រមាន​សមាជិក​ឲ្យ​ឈប់​ជជែក​ឬ​ចែក​រំលែក​ការ​បង្ហោះរបស់​អ្នក​ប្រឆាំង​ខ្លួន

ខឹម វាសនា ព្រមាន​សមាជិក​ឲ្យ​ឈប់​ជជែក​ឬ​ចែក​រំលែក​ការ​បង្ហោះរបស់​អ្នក​ប្រឆាំង​ខ្លួន

ពាក្យ«ប្រជាធិបតេយ្យ» នៅក្នុង​គណបក្សសម្ព័ន្ធ​ដើម្បីប្រជាធិបតេយ្យ ចាំបាច់ត្រូវអនុលោម តាម«វិន័យ» ដែលដាក់ចុះមកឲ្យអនុវត្តន៍ ដោយប្រធានគណបក្ស។ វិន័យនោះ មានដូចជា ហាមសមាជិក ឬអ្នកគាំទ្ររបស់គណបក្ស មិនឲ្យ «Share Comment​ ឬ Capture មក Post អ្វីទាំងអស់» នូវការបង្ហោះ មតិ យោបល់ ឬការលើកឡើង របស់នរណាក៏ដោយ ដែលមាននិន្នាការប្រឆាំង នឹងគណបក្សមួយនេះ បន្ទាប់ពីប្រធានគណបក្ស មើលឃើញ និងចាត់ទុកអ្នកទាំងនោះ ថាជា«សម្រាម»។

ប្រធាន​គណបក្សសម្ព័ន្ធ​ដើម្បីប្រជាធិបតេយ្យ លោក ខឹម វាសនា ថែមទាំងបានព្រមាន ទៅកាន់ក្រុមសមាជិក ឬអ្នកគាំទ្ររបស់លោក ថាលោកនឹង ប្លុក (Block) អ្នកនោះចោលចេញ ពីគណនេយ្យរបស់លោកផងទៀត ប្រសិនណាជាសមាជិក ឬអ្នកគាំទ្ររូបនោះ នៅតែ«ធ្វេសប្រហេស» មិនធ្វើតាមវិន័យខាងលើ។


បុគ្គលិកវិទ្យុ ABC ធ្វើ​បាតុកម្ម​យំ​ទាមទារ កុំ​និយាយ​ពី​«នយោបាយ»

បុគ្គលិកវិទ្យុ ABC ធ្វើ​បាតុកម្ម​យំ​ទាមទារ កុំ​និយាយ​ពី​«នយោបាយ»

បាតុកម្ម«យំយែក» របស់បុគ្គលិកនៃវិទ្យុ «ABC» ដោយមានទាំងនិយាយ​ផ្សាយបន្តផ្ទាល់ បានផ្ទុះ​ឡើង ដើម្បី​ទាមទារ​ឲ្យ​លោក សេង ប៊ុនវេង ហៅអាចារ្យអេ ឲ្យ​ឈប់​និយាយ ពីរឿងនយោបាយ នៅលើ«អង់តែន»​វិទ្យុ ត​ទៅ​ទៀត។ បញ្ហា ដែលធ្វើឲ្យគេ​ពិបាកយល់ ពីវិជ្ជាជីវៈនៃអ្នកសារព័ត៌មាន របស់​វិទ្យុ​ផ្សព្វផ្សាយ​មួយ​នេះ ជា​ពិសេស​​របស់​ម្ចាស់​វិទ្យុ​តែម្ដង។

ដើម្បីដឹងពីបញ្ហាខាងលើ គេត្រូវត្រឡប់ថយក្រោយ ទៅប៉ុន្មានថ្ងៃមុនវិញ នៅពេលដែល​លោក សេង ប៊ុនវេង ព្យាយាមអញ្ជើញប្រធានគណបក្សសម្ព័ន្ធ​ដើម្បីប្រជាធិបតេយ្យ លោក ខឹម វាសនា ឲ្យចូល​ទៅ​និយាយ ដោយ​មិន​គិត​ថ្លៃ នៅក្នុងវិទ្យុរបស់លោក ដើម្បីឲ្យលោក ខឹម វាសនា «ហែកកេរ្ដិ៍»របស់ គណបក្ស​សង្គ្រោះ​ជាតិ ជា​សាធារណៈ ក្នុង​គោល​បំណង ធ្វើឲ្យគណបក្សប្រឆាំងដ៏ធំនេះ រលាយបាត់រូប។ ផ្សាយផ្ទាល់ នៅក្នុង​​កម្មវិធី​វិទ្យុ ​«ABC» របស់លោក កាលពីថ្ងៃទី២៣ ខែមេសា កន្លងមកនេះ លោក​អាចារ្យ​អេ ថែមទាំង​បាន​បរិហារ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...