Posts tagged as "Bouddhisme"

រឿងរ៉ាវបោះព្រះពុទ្ធរូប ចោលក្នុងស្រះ នៅវត្តស្ទឹងមានជ័យ បានធ្វើឲ្យបណ្តាអ្នកកាន់ព្រះពុទ្ធសាសនា មាន​ការព្រួយបារម្ភយ៉ាងខ្លាំង។ ហេតុការណ៍ បានកើតឡើងកាលពីថ្ងៃទី០៥ ខែធ្នូ ឆ្នាំ២០១៥ កន្លងទៅ ក្រោយពី​ពលរដ្ឋ​ម្នាក់ បានជ្រមុជទឹកស្រះ ហើយបានរកឃើញថា មានរូបចម្លាក់ព្រះពុទ្ធតូចៗ ត្រូវបានយកទៅ​ទម្លាក់​នៅ​ក្នុងនោះ។

ដោយសារទឹកស្រះ មិនសូវជាស្អាតនោះ ការរកឃើញព្រះពុទ្ធរូបនេះ ត្រូវបាននិយាយតៗគ្នាថា គឺព្រះសង្ឃ​កម្ពុជាក្រោមមួយអង្គ ព្រះនាម គីម សីលា គង់នៅវត្តស្ទឹងមានជ័យ យកទៅបោះចោល ហើយក្រុមព្រះសង្ឃ​ជាច្រើន បានព្យាយាមផ្សិកលោក។ ប៉ុន្តែសម្រាប់​ព្រះ​សង្ឃ គីម សីលា ដែលរងការចោទប្រកាន់នោះ បាន​បដិសេធ​ការលើកឡើង ដោយអះអាងថា មានគេ​ច្រណែន​នឹងព្រះអង្គ។

ព្រះសង្ឃ គីម សីលា ដែលមានព្រះជន្ម៥២វស្សា មានសង្ឃដិកាជាមួយទស្សនាវដ្ដីមនោរម្យ.អាំងហ្វូថា ព្រះអង្គ​មិន​បានប្រព្រឹត្ត ដូចដែលគេចោទប្រកាន់នោះទេ។ លោកថា [...]

ចៅអធិការវត្តរតនមុនីរោងគោ នៅក្នុងស្រុកក្រឡាញ់ ខេត្តសៀមរាប ត្រូវបានបញ្ជូនទៅតុលាការ កាលពី​ថ្ងៃ​អង្គារនេះ ត្រូវបានតុលាការ ចោទប្រកាន់ពីបទទិញពេស្យាចារ្យ និងបទរួមភេទ ជាមួយអនីតិជន ហើយ​បញ្ជូន​ខ្លួនទៅឃុំ ជាបណ្ដោះអាសន្នហើយ។ នេះបើតាមការថ្លែងឲ្យដឹង របស់អ្នកស្រី ដួង ថាវរី នាយ​ការិយាល័យ​​នគរ​បាល​​​​ប្រឆាំង​ការ​ជួញដូរ​មនុស្ស និង​ការ​ពារ​អនីតិជន​ ខេត្ត​សៀមរាប ដែល​ថ្លែងប្រាប់​សារព័ត៌មាន​ក្នុងស្រុកមួយ។

តាមការអះអាង របស់មន្ត្រីសមត្ថកិច្ច ស្រុកក្រឡាញ់ បានឲ្យដឹងថា ចៅអធិការវត្តរតនះ ត្រូវបានចាប់ផ្សឹក កាលពីយប់ថ្ងៃទី៨ ខែវិច្ឆិកា ឆ្នាំ២០១៥ នាវេលា ម៉ោង១៩ និង០០នាទីយប់ នៅនឹងក្នុងវត្តផ្ទាល់តែម្ដង ដោយ​យោងតាមពាក្យបណ្តឹង របស់ញាតិញោម (គ្រួសារ) របស់លោកនេនរងគ្រោះចំនួន ១០អង្គ ដែលមាន​ព្រះ​ជន្ម​ចាប់ពី១១ ដល់១៧ព្រះវស្សា។ ចៅអធិការវត្ត ដែលរងការសង្ស័យ ថាប្រព្រឹត្តខុសធម៍វិន័យព្រះនេះ មាន​ព្រះនាម វង្ស ចែត មានអាយុ ៤៦ឆ្នាំ [...]

មូលហេតុ ដែលឈានដល់ ការដេញវាយគ្នា របស់ព្រះសង្ឃទាំងពីរអង្គ គឺមកពី សូត្រធម៌មិនត្រូវគ្នា។ រឿង​ដេញវាយតប់នេះ បានកើតឡើង នៅថ្ងៃទី០៤ ខែវិច្ឆកា ឆ្នាំ២០១៥ វេលាម៉ោង៩ និង១៥ នាទីព្រឹក ស្ថិតនៅ​ម្តុំពេទ្យគន្ធបុប្ផាទី៤ ខាងជើងវត្តភ្នំ ក្នុងសង្កាត់វត្តភ្នំ ខណ្ឌដូនពេញ។

តាមសម្តីរបស់លោក អ៊ុត សំអាត នាយប៉ុស្តិ៍នគរបាលវត្តភ្នំ បានថ្លែងឲ្យដឹងថា មុនកើតហេតុ ព្រះសង្ឃទាំង​ពីរ​អង្គ បាននិមន្តបិណ្ឌបាត នៅតាមបណ្តោយផ្លូវលេខ ៩០ លុះមកដល់ចំណុចខាងលើ ព្រះសង្ឃទាំងពីរអង្គ បានដេញវាយគ្នាតាមផ្លូវ ផ្អើលដល់អ្នកមកមន្ទីរពេទ្យ អ្នកធ្វើដំណើរ រហូតដល់សមត្ថកិច្ចមូលដ្ឋានទៀត។

ក្រោយពេលកើតហេតុ សមត្ថកិច្ចបាននិមន្ត​ព្រះសង្ឃទាំងពីរអង្គ ទៅប៉ុស្តិ៍នគរបាលវត្តភ្នំ ដើម្បីសាកសួរ​រក​មូលហេតុ ដែលបណ្តាលឲ្យវាយគ្នា។ ពេលសួរចុះសួរឡើង ទើបដឹងថា ដោយសារតែសូត្រធម៍មិនត្រូវគ្នា នៅពេលបិណ្ឌបាត។

ព្រះសង្ឃទី១ មានព្រះនាម សឿន ម៉ាត់ ព្រះជន្ម ២២វស្សា [...]

បន្ទាប់ពីការវាយដំធាក់ទាត់ ទៅលើតំណាងរាស្ត្រពីររូប មកពីគណបក្សសង្គ្រោះជាតិ រហូតមានរបួស​ស្នាម​នោះ ហេតុការណ៍មួយនេះទៀត ក៏បានជួយបន្ថែមរសជាតិ ឲ្យបាតុកម្មទាមទារឲ្យទម្លាក់លោក កឹម សុខា ចេញ​​ពី​តំណែង ជាអនុប្រធានទីមួយ នៃរដ្ឋសភានោះ កាន់តែមានភាពល្បីល្បាញនោះដែរ។ ល្បីល្បាញ ព្រោះ​ពាក្យ​សម្ដី​មួយ​ឃ្លា របស់បុរសម្នាក់ ដែលមានអាហារនៅពេញមាត់ បានស្រែកទៅលើព្រះសង្ឃមួយអង្គ ព្រះ​នាម ណាំ ចាន់ថេន សឹងកក្រើកប្រថពី (ព្រោះសម្លេងខ្លាំងជាងសម្លេង របស់បាតុកររាប់សិប​ដទៃ​ទៀត) ថា៖ «គេ​វាយ​ឥឡូវ​ហ្នឹង!... ទៅវត្តទៅ! លោកឆ្កួតអីមកអញ្ចឹង! យើស​អាត្រងោល!... អើ​ចុះ​ហ្អែង​អាត្រងោល បើ​ប្រម៉ាណ​ពាន់អង្គ មកតែហ្អែងមួយ​ហ្នឹង! ចុយអានេះ!»

មានថេរដីកា នៅក្រោយព្រឹត្តិការណ៍នេះភ្លាមៗ ព្រះតេជគុណ ចាន់ថេន គង់នៅវត្តព្រះពុទ្ធ បានឲ្យដឹងថា ព្រះអង្គ​គ្រាន់តែចង់ចូលរួម ជាមួយនឹងសកម្មភាពផ្សេងៗ ដូចនឹងប្រជាពលរដ្ឋទូទៅដែរប៉ុណ្ណោះ [...]

នៅចំពោះភាពប្រទាំងប្រទើស ទាក់ទងសិទ្ធិចូលរួមបោះឆ្នោត របស់ព្រះសង្ឃនោះ អ្នកនាំពាក្យរបស់គណបក្ស​សង្គ្រោះជាតិ បានប្រកាសជំហរ គាំទ្រឲ្យអ្នកបួស អាចធ្វើការបោះឆ្នោតបាន ក្នុងនាមជាពលរដ្ឋមួយរូប។ ថ្លែង​ទៅកាន់អ្នកសារព័ត៌មាន នាព្រឹកថ្ងៃទី២៨ ខែកញ្ញា ឆ្នាំ២០១៥ ក្នុងពីធីកាន់បិណ្ឌវេណទី១ នៅវត្តអង្គតាម៉ិញ លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានថ្លែងឡើងថា ព្រះសង្ឃ ជាប្រជាពលរដ្ឋខ្មែរ ដែល​ត្រូវតែមានអត្តសញ្ញាណប័ណ្ណ ជាខ្មែរ ដូច្នេះព្រះសង្ឃ ត្រូវតែមានសិទ្ធិគ្រប់គ្រាន់ ដើម្បីចូលរួមការបោះឆ្នោត។

លោក សុវណ្ណ បានថ្លែងឡើងថា៖  «បើយើងមិនធ្វើអត្តសញ្ញាណប័ណ្ណ ប្រគេនលោកសង្ឃទេ តើយើង​ទាំង​អស់​គ្នា ទុកព្រះសង្ឃជាអ្វី នៅក្នុងសង្គមខ្មែរ? មានសញ្ជាតិខ្មែរ ទាល់សំគាល់ថាមាន អត្តសញ្ញាណប័ណ្ណ មាន​សំបុត្រ​កំណើត។ ចុះបើមិនចេញអត្តសញ្ញាណប័ណ្ណ ឲ្យព្រះសង្ឃ មានតែចង់ឲ្យលោក គង់នៅក្រៅសង្គម? ខ្ញុំមិន​យល់!។»