ណាដាល់ និងស្សារ៉ាប៉ូវ៉ា ត្រៀមការពារដំណែងជើងឯកហ្វ្រិនអូផិន
កីឡាករវាយតេនីស រ៉ាហ្វាអែល ណាដាល់ (Rafael Nadal) និងកីឡាការនី ម៉ារៀ ស្សារ៉ាប៉ូវ៉ា (Maria Sharapova) នឹងចាប់ផ្តើមប្រកួតក្នុងកម្មវិធីរ៉ូឡែន ហ្គារ៉ូស (Roland Garros) នៅយប់ថ្ងៃច័ន្ទនេះ ហើយក៏ជាការប្រកួតដើម្បីការពារដំណែងជើងឯករបស់គេដែរ។
ម៉ារៀ ស្សារ៉ាប៉ូវ៉ា មានងារថាជា ម្ចាស់ក្សត្រីតេនីស របស់ពិភពលោក។
ណាដាល់ ដែលជាម្ចាស់ជើងឯក៧សម័យកាល មានកំណត់ត្រាដ៏ល្អឥតខ្ចោះមួយនៅក្នុងទីក្រុងប៉ារីស ដោយគាត់ធ្លាប់ប្រកួត៥២លើក ចាញ់តែ១លើកគត់ ហើយគាត់នឹងត្រូវជួបជាមួយកីឡាករអាឡឺម៉ង់ ដានីញ៉ែល ប្រែន (Daniel Brands) ដែលស្ថិតនៅលេខ៦០ពិភពលោក ហើយកីឡាកររូបនេះ ប្រកួតចុងក្រោយយ៉ាប់យឺនយ៉ាងខ្លាំង ដោយប្រកួត៤លើក ចាញ់ទាំង៤លើក។
ណាដាល់ បានអវត្តមានអស់រយះពេល៧ខែ [...]