Posts tagged as "Neymar"

បើសិនជាកាលពីប៉ុន្មានម៉ោងមុន ក្រុមជម្រើសជាតិ អាល្លឺម៉ង់ បានបង្កការភ្ញាក់ផ្អើល សម្រាប់ពិភពលោក ដោយត្រូវហាលអាវ តាំងពីវគ្គជម្រុះក្នុងពូលនោះ ក្រុមបាល់ទាត់​របស់​ប្រទេស​នៃ​អតីត​ស្ដេច​បាល់ទាត់ ប៉ឺឡេ (Pele) ឯណេះ បានបន្ត​បង្ហាញថ្វី​ជើង​របស់ខ្លួន កាន់តែច្បាស់ឡើងៗ នៅក្នុងការប្រកួតជុំចុងក្រោយ ទល់នឹងក្រុម សែរប៊ី ដោយបំបាក់ក្រុមនេះ ក្នុងគ្រាប់បាល់ ២-០។

នាំមុខនៅក្នុងក្រឡាបាល់ ដោយកីឡាករ ហ្វីលីព គូទីញ៉ូ (Philippe Coutinho) ក្នុងការប្រកួតយប់នេះ ក្រុម ប្រេស៊ីល បានគ្រប់គ្រងបាល់ នៅក្នុងភាគរយយ៉ាងច្រើន ហើយបានបង្កើត​ឱកាសវាយលុក ពោរពេញដោយភាពហ្មត់ចត់ ច្បាស់លាស់ជាងការប្រកួតជុំមុនៗ នៃពូល E។

គ្រាប់បាល់ទាំងពីរ របស់ក្រុម ស៊ាំបា រកបានដំបូង នៅនាទីទី ៣៦ ដោយកីឡាករ ប៉ូលីញ៉ូ (Paulinho) ដោយទទួលបាល់ពីកីឡាករ គូទីញ៉ូ ខណៈគ្រាប់បាល់ទីពីរ រកបាននៅនាទីទី ៦៨ ដោយកីឡាករ ទីចាហ្គោ ស៊ីលវ៉ា (Thiago Silva) [...]

គឺកីឡាករ ហ្វីលីព គូទីញ៉ូ (Philippe Coutinho) ជាអ្នករកគ្រាប់បានដំបូង ឲ្យក្រុម ប្រេស៊ីល តែក្រុមនេះ ត្រូវរង់ចាំរហូតដល់នាទី ៩០+១ ដើម្បីរកគ្រាប់នេះ មុននឹងកីឡាករ ណីម៉ា (Neymar) រកបានមួយគ្រាប់ទៀត នៅនាទីទី ៩៧។

ក្រុមប្រេស៊ីល ដែលដាក់ក្ដីសង្ឃឹម យ៉ាងខ្លាំងក្លា ទៅលើកំពូលកីឡាករ ណីម៉ា តាំងពីច្រើនខែមកនោះ គួរត្រូវអរគុណកីឡាករ គូទីញ៉ូ ដែលជាអ្នករកគ្រាប់បាល់ ឲ្យក្រុមជម្រើសជាតិខ្លួន បានទាំងពីរប្រកួត (ទល់នឹងក្រុម ស្វីស ក្នុងការប្រកួតជុំដំបូង និងទល់នឹងក្រុម កូស្ដារីកា ក្នុងថ្ងៃនេះ) ។

សឹងតែពេញការប្រកួត ក្នុងថ្ងៃនេះ ទល់នឹងការរួមគ្នាការពារ របស់ក្រុម កូស្ដារីកា ដែលមានលក្ខណៈ ជាជញ្ជាំងដ៏ក្រាសនោះ ក្រុម ប្រេស៊ីល ដែលសម្បូរដោយកីឡាករល្បីៗ មកពីក្រុមអាជីពធំៗ ក្នុងទ្វីបអ៊ឺរ៉ុប រកមិនបានចន្លោះ ដើម្បីបំប៉ោងសំណាញ់ទី កូស្ដារីកា សោះឡើយ។ ប្រសិជាមានគ្រាប់បាល់ជាច្រើន ត្រូវបានទាត់សំដៅទី របស់ក្រុម [...]

ជាការវិលត្រឡប់ ចូលទីលានប្រកួតវិញ ដែលបង្កភាពភ្ញាក់ផ្អើលមិនតិចទេ ជាពិសេសភ្ញាក់ផ្អើល សម្រាប់គ្រូដឹកនាំ​ក្រុមប្រេស៊ីល​នោះ​តែម្ដង។ បន្ទាប់ពីអវត្តមាន ពីពិភពបាល់ទាត់ អស់រយៈពេលជាង៣ខែកន្លងមក កីឡាករ ណីម៉ា (Neymar) បានវិលត្រឡប់មកចូលទាត់ ក្នុងការប្រកួតមិត្តភាព រវាងក្រុមជម្រើសជាតិ ប្រេស៊ីល និងក្រូអាស៊ី កាលពីល្ងាចថ្ងៃអាទិត្យនេះ និងថែមទាំងរកគ្រាប់បាល់ បានមួយគ្រាប់ទៀត។

ក្នុងការប្រកួតត្រៀម ដើម្បីឡើងទៅ បាល់ទាត់ពិភពលោក ឆ្នាំ២០១៨មួយនេះ គ្រូដឹកនាំ​របស់​ក្រុមជម្រើសជាតិប្រេស៊ីល ពិតជាត្រូវសាកល្បង ពីថ្វីជើងរបស់​កំពូល​កីឡាករ ខ្សែប្រយុទ្ធរបស់ខ្លួន ហើយក៏មិនចង់ឲ្យកីឡាករ រងរបួសទៅវិញ ដោយសារការសាកល្បង​នេះដែរ។ ដោយហេតុនេះ​ហើយ ទើបកីឡាករ ណីម៉ា ត្រូវបានអនុញ្ញាត​ឲ្យចូលទាត់ ចាប់ពីពាក់កណ្ដាលម៉ោង​ទី២ទៅ​។

ប៉ុន្តែអ្វី ដែលនឹកស្មាន​មិនដល់ សម្រាប់លោក ទីតេ (Tite) គ្រូដឹកនាំក្រុម ប្រេស៊ីល នោះ គឺកីឡាករ [...]

បន្ទាប់ពីបានឃ្លាតឆ្ងាយ ពីការប្រកួតចាប់ពីចុងខែកុម្ភៈមកនោះ កីឡាករ ណីម៉ា (Neymar) កំពូលខ្សែប្រយុទ្ធជាតិប្រេស៊ីល នឹងវិលចូលមកក្នុងការប្រកួតវិញ នៅថ្ងៃនេះ។ វាជាការប្រកួត រវាងក្រុមជម្រើសជាតិប្រេស៊ីល និងក្រូអាស៊ី ដែលមានលក្ខណៈជាមិត្តភាព និងជាការប្រកួតត្រៀម​ សម្រាប់ព្រឹត្តិការណ៍ បាល់ទាត់ពិភពលោក ឆ្នាំ២០១៨។

ប៉ុន្តែកីឡាករ នឹងមិនចាប់ផ្ដើម ពីនាទីដំបូងនោះទេ។ លោក ទីតេ (Tite) គ្រូក្រុមជម្រើសជាតិ ប្រេស៊ីល បានថ្លែងឲ្យដឹង ក្នុងសន្និសីទកាសែត នៅថ្ងៃសៅរ៍ម្សិលម៉ិញ ថាកីឡាករ ណីម៉ា នឹងចូលទាត់ នៅក្នុងពាក់កណ្ដាលម៉ោងទី២ នៃការប្រកួត។

គ្រូដឹកនាំក្រុមប្រេស៊ីលរូបនេះ បានថ្លែងថា៖ «ណីម៉ា នឹងចាប់ផ្ដើមដំបូង ដោយអង្គុយ​នៅលើកៅអី ជាកីឡាករជំនួសសិន ដោយហេតុថា កីឡាករកំពុងស្ថិតក្នុងរយៈពេល នៃការចូលមកទាត់ឡើងវិញ។ កីឡាករនឹងចូលទាត់ នៅវគ្គទីពីរនៃការប្រកួត ព្រោះវាជាការសាកល្បងមួយ សម្រាប់ក្រុមទាំងមូល។»។

កីឡាករ ណីម៉ា (Neymar) ទទួលបានភ្លើងខៀវ ពីក្រុមគ្រូពេទ្យហើយ បន្ទាប់ពីបានឈប់សម្រាក អស់រយៈពេលជាងពីរខែ ដើម្បីព្យាបាលឆ្អឹងប្រអប់ជើង ដែលបានរងរបួស នៅក្នុងការប្រកួតរវាងក្រុម ប៉ារីស (Paris Saint-Germain - បារាំង) និងក្រុម ម៉ាសីយ៍ (Olympique Marseille - បារាំង) កាលពីអំឡុងខែកុម្ភៈកន្លងមក។

សេចក្ដីប្រកាសព័ត៌មានមួយ របស់ក្រុម ប៉ារីស ដែលចេញផ្សាយនៅល្ងាចថ្ងៃសៅរ៍ បានសរសេរឲ្យដឹងថា៖ «ការពិនិត្យពិគ្រោះ (ជាមួយក្រុមគ្រូពេទ្យ) ដែលធ្វើឡើងក្នុងថ្ងៃនេះ បានបង្ហាញពីភាពរឹងមាំ នៃឆ្អឹងប្រអប់ជើងខាងស្ដាំ របស់កីឡាករ មានលក្ខណៈហួសពីគ្រប់គ្រាន់ (ដើម្បីអនុញ្ញាតឲ្យកីឡាករ អាចធ្វើការហ្វឹកហាត់​ឡើងវិញបាន)»។

ក្រុម ប៉ារីស បានបញ្ជាក់បន្ថែមថា កំពូលខ្សែប្រយុទ្ធជាតិប្រេស៊ីល ដ៏ល្បីកម្រិតពិភពលោករូបនេះ ដែលអវត្តមានពីការប្រកួត អស់រយៈពេលជាង២ខែមកនោះ នឹងចាប់ផ្ដើមការហ្វឹកហាត់ ផ្នែកសារពាង្គកាយ ជាមួយនឹងបាល់ទាត់ [...]