Posts tagged as "CNRP"

«ភាគីសហរដ្ឋអាមេរិក បានគូសបញ្ជាក់ថា ការចោទប្រកាន់ និងការរិះគន់ ដោយគ្មានមូលដ្ឋាន ទៅលើសហរដ្ឋអាមេរិក ក៏ដូចជាទៅលើមន្ត្រីការទូតអាមេរិក នៅក្នុងប្រទេសកម្ពុជា បានធ្វើឡើងផ្ទុយនឹង​ស្មារតី ​នៃ​ទំនាក់​ទំនង​ទ្វេភាគី ​ប្រកប​ដោយផ្លែផ្កា​ ដែល​កំពុងតែ​ល្អប្រសើរ​ឡើង ​រវាង​ប្រទេស​ទាំងពីរ‍‍»។​

ខាងលើនេះ ជាការដកស្រង់មួយ ពីក្នុងសេចក្ដីថ្លែងការណ៍ របស់ស្ថាន​បេសកកម្ម​សហរដ្ឋ​អាមេរិក ​ប្រចាំ​នៅ​សមាគម​អាស៊ាន បន្ទាប់ពីជំនួបមួយ ក្នុងថ្ងៃនេះ រវាងលោក ប្រាក់​ សុខុន ​រដ្ឋមន្ត្រី​ការ​បរទេស​កម្ពុជា​ ជាមួយ​នឹង​លោក «​Matt Pottinger» ​ជំនួយការរង ​របស់​លោក​ប្រធានាធិបតី ​ដូណាល់ ត្រាំ ​និង​លោក​ «Patrick Murphy» ​ឧបការីរង​រដ្ឋមន្ត្រី​ក្រសួង​ការបរទេស​សហរដ្ឋ​អាមេរិក [...]

នៅចំពោះ «ដំណោះស្រាយរួម»មួយ ដែលក្រុមមេដឹកនាំប្រឆាំង បាននិយាយថា ត្រូវទាមទារឲ្យខាងតែបាន សម្រាប់ជាច្រកចេញ ពីវិបត្តិនយោបាយសព្វថ្ងៃ ត្រូវបានលោក សម រង្ស៊ី អតីតប្រធានគណបក្សសង្គ្រោះជាតិ អះអាងថា ជា«ដំណោះស្រាយ» ដែលគ្មានរូបលោក ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា។

ដំណោះស្រាយ«រួម»​ទាំងនោះ ត្រូវបានមេដឹកនាំប្រឆាំងរូបនេះ ពន្យល់ឲ្យដឹង នៅក្នុងសិក្ខាសាលាស្តីពី «សិទ្ធិមនុស្ស និងលទ្ធិប្រជាធិបតេយ្យ នៅកម្ពុជា» កាលពីថ្ងៃសៅរ៍ ទី១១ ខែវិច្ឆិកា (ត្រូវជាព្រឹកថ្ងៃអាទិត្យ ទី១២ ខែវិច្ឆិកា ម៉ោងនៅកម្ពុជា) ក្នុងក្រុង ឡុងប៊ិច (Long Beach) នៃរដ្ឋកាលីហ្វ័នី សហរដ្ឋអាមេរិក។

លោក សម រង្ស៊ី បានរៀបរាប់​ពីដំណោះស្រាយរួមនោះ រួមមានមិនរំលាយ​គណបក្សសង្គ្រោះជាតិ - ដោះលែងលោក កឹម សុខា ប្រធានគណបក្ស - ដោះលែងអ្នកទោសនយោបាយទាំងអស់ - ទម្លាក់ចោលការចោទប្រកាន់ទាំងអស់ លើសកម្មជនគណបក្សសង្គ្រោះជាតិ [...]

«ខ្ញុំសុំប្រកាស ថានៅថ្ងៃទី១៦ [ខែវិច្ឆិកា ឆ្នាំ២០១៧] ហ្នឹង បើគេរំលាយគណបក្សសង្គ្រោះជាតិ ឬក៏មិនរំលាយក៏ដោយ [ខ្ញុំ]ឧបមា (...) ខ្ញុំសុំចូលគណបក្សសង្គ្រោះជាតិវិញ»។

ខាងលើនេះ ជាការថ្លែងឡើងរបស់លោក សម រង្ស៊ី អតីតប្រធានគណបក្សសង្គ្រោះជាតិ អះអាងពីការត្រឡប់ វិលចូលគណបក្សសង្គ្រោះជាតិវិញ បន្ទាប់ពីលោកបានលាលែងចេញពីគណបក្ស ដើម្បីអ្វីមួយ ដែលលោកពន្យល់នៅក្នុងការលាលែងនោះ ថាជាការការពារគណបក្ស ឲ្យស្របតាមច្បាប់គណបក្សនយោបាយ ដែលត្រូវបានធ្វើវិសោធនកម្ម ម្ដងជាពីរដង កាលពីប៉ុន្មានខែមុន។

ការប្រកាសវិលចូលគណបក្ស ដែលរូបលោកជាសហស្ថាបនិកនោះ បានធ្វើឡើងនៅក្នុងសិក្ខាសាលាស្តីពី «សិទ្ធិមនុស្ស និងលទ្ធិប្រជាធិបតេយ្យ នៅកម្ពុជា» កាលពីថ្ងៃសៅរ៍ ទី១១ ខែវិច្ឆិកា (ត្រូវជាព្រឹកថ្ងៃអាទិត្យ ម៉ោងនៅកម្ពុជា) ក្នុងក្រុង ឡុងប៊ិច (Long Beach) នៃរដ្ឋកាលីហ្វ័នី សហរដ្ឋអាមេរិក។

មេដឹកនាំប្រឆាំង [...]

ស្ងាត់យូរ កញ្ញា ធី សុវណ្ណថា បានត្រឡប់មកធ្វើឲ្យអ្នកផង និយាយពីនាងឡើងវិញ នៅថ្ងៃនេះ។ ស្ងាត់យូរ ព្រោះនាងហាក់ចង់ងាកចេញពីនយោបាយ និងហក់ប្រឡូកចូលដើរ ក្នុងវិថីសិល្បៈម្ដង។ ស្ងាត់យូរ ក៏បានធ្វើឲ្យរហស្សនាម«ជួបប្ដឹង» ដែលក្រុមអ្នកប្រើប្រាស់បណ្ដាញសង្គមភាគច្រើន ដាក់ឲ្យនាង ហាក់រសាត់អណ្ដែតទៅឆ្ងាយដែរ។

តែនៅថ្ងៃសៅរ៍ ទី១១ ខែវិច្ឆិកានេះ កញ្ញា ធី សុវណ្ណថា ដែលបានចុះចូល​ជាមួយគណបក្សប្រជាជនកម្ពុជា នៅប៉ុន្មានថ្ងៃមុនការបោះឆ្នោត ជ្រើសរើសក្រុមប្រឹក្សាឃុំសង្កាត់ ក្នុងខែមិថុនាកន្លងទៅ បានត្រឡប់មកពញាក់ ឲ្យអ្នកផងនិយាយពីនាងវិញ ជាមួយនឹងគម្រោងការដ៏សម្បើមមួយ៖ គម្រាមប្ដឹងសមាជិក​ក្រុមប្រឹក្សាឃុំសង្កាត់ មកពីគណបក្សសង្គ្រោះជាតិ ទាំងជាង៥០០០នាក់ នៅទូទាំងប្រទេស ពីបទ«ចូលរួមប្រព្រឹត្តិទង្វើក្បត់ជាតិ»។

យុវតី«ចៅតា» បានសរសេរនៅលើទំព័រហ្វេសប៊ុករបស់នាងថា៖ «ព្រោះតែផលប្រយោជន៍បក្ស សុខចិត្តក្បត់ឆន្ទ:ប្រជាជន [...]