Posts tagged as "Gareth Bale"

ទឹកដីតំបន់ វែល (Wales) ជាផ្នែកមួយនៃចក្រភពអង់គ្លេស តែមានប្រព័ន្ធកីឡាឯករាជ្យ ដោយខ្លួនពីអង់គ្លេស។ ហើយ​តាំងពី​ណា​ណី​មក ក្រុមបាល់ទាត់​ជម្រើសជាតិ វែល មានឱកាសឡើងមកប្រកួត ក្នុងការ​ដណ្ដើម​ពាន​រង្វាន់​ពិភពលោក តែ​ម្ដងគត់ គឺ​នៅ​ឆ្នាំ​១៩៥៨។ ដូច្នេះ ពេលនេះជាលើកទីពីរហើយ សម្រាប់ការប្រកួត ដែលមាន​លក្ខណៈ​ជា​អន្តរជាតិ របស់​​ក្រុម​ជម្រើស​ជាតិនៃតំបន់មួយ ដែលស្ថិតនៅភាគខាងលិចនៃប្រទេសអង់គ្លេស។

ក្រុមជម្រើសជាតិ វែល អាចនឹងមានលក្ខណៈតូច តែកីឡាករមិនប្រាកដថាតូចនោះទេ ជាពិសេស​ដូច​ជា​កីឡាករ «Gareth Bale» ដែលជាកីឡាករ​សំណព្វចិត្តរបស់ក្រុម «Real Madrid» ម្ចាស់ពានរង្វាន់ «Champions League» ឆ្នាំ២០១៦នេះជាដើម។ នៅក្នុងការប្រកួត «អ៊ឺរ៉ូ២០១៦» វគ្គជម្រុះ កាលពីយប់ថ្ងៃសៅរ៍ ជា​មួយ​នឹង​ក្រុម​ជម្រើស​ជាតិ មកពីប្រទេសស្លូវ៉ាគី កីឡាករដ៏ចំណានរូបនេះ បានទាត់បាល់ពិន័យមិនផ្ទាល់ នៅនាទីទី១០ ប្រកប​​ដោយ​​បច្ចេកទេស​ យ៉ាងពិសេស។ បាល់នោះ [...]

កីឡាករបាល់ទាត់ ដែលមានតម្លៃខ្លួនថ្លៃបំផុតក្នុងលោក ហ្គារែត ប៊េល (Gareth Bale) បានបង្ហាញខ្លួននៅលើគម្រប​ហ្គេម​បាល់ទាត់ ហ្វីហ្វា១៤ (Fifa 14) ជាមួយនឹងតារាឆ្នើមពិភពលោក លីយ៉ូនែល ម៉េស៊ី (Lionel Messi) ដោយពាក់ឯកសណ្ឋាន​ក្រុម រៀលម៉ាឌ្រីដ (Real Madrid)។ រីឯកីឡាករ គ្រីស្ទែណូ រ៉ូណាល់ដូ (Cristiano Ronaldo) ពុំមានវត្តមាននោះទេ។

រូបកីឡាករម៉េស៊ី និងប៊េល នៅលើគម្របនៃហ្គេមហ្វីហ្វា១៤ ដែលទើបនឹងចេញផ្សាយ។ (រូបថត MONOROOM.info)

គួរបញ្ជាក់ថា មុនផ្ទេរមកកាន់ក្រុមរៀលម៉ាឌ្រីដ ប៊េលក៏បានបង្ហាញខ្លួនលើគម្របហ្គេមហ្វីហ្វា១៤នេះរួចម្តងហើយ ប៉ុន្តែ​ពេលនោះគាត់ពាក់ឯកសណ្ឋានក្រុម ទតិនហេម (Tottenham) រីឯពេលនេះ តារាឆ្នើមវ៊ែល បានកែប្រែពាក់ឯក​សណ្ឋាន​ក្រុមថ្មីរបស់ខ្លួនវិញ។

សហព័ន្ធបាល់ទាត់ប្រទេសវ៊ែល (FAW) អាចនឹងតម្រូវឲ្យមានកម្លាំងសន្តិសុខផ្ទាល់ខ្លួន ប្រចាំក្រុមជម្រើសជាតិ បន្ទាប់​ពី​មានអ្នកគាំទ្រក្រុមជម្រើសជាតិ ម័កដូនៀ (Macedonia) ចំនួន២នាក់ រត់ចូលទៅក្នុងទីលាន ហើយឱបកីឡាករ ហ្គារែត ប៊េល (Gareth Bale) នៅក្នុងការប្រកួតជម្រុះបាល់ទាត់ពិភពលោក នាទីក្រុងស្កូបជេ (Skopje) កាលពីយប់ថ្ងៃសុក្រ។

កីឡាករ ហ្គារែត ប៊េល ពេលបង្ហាញខ្លួនជាផ្លូវការនៅក្រុម រៀល ម៉ាឌ្រីត។ (រូបថតរបស់ក្រុមរៀល ម៉ាឌ្រីត)

ហេតុការណ៏នោះ បានកើតឡើងនៅពេលដែល កីឡាករដែលមានតម្លៃខ្លួនថ្លៃជាងគេបំផុតនៅក្នុងពិភពលោក កំពុង​តែ​កម្តៅសាច់ដុំនៅវគ្គទី១។ ប៉ុន្តែប៊េល ពុំបានចូលលេងនោះទេ នៅក្នុងប្រកួតនោះ ខណៈដែលក្រុមជម្រើស​ជាតិវ៊ែល​របស់​គាត់ ចាញ់ក្រុមម័កដូនៀ ២-១។

ក្លិបអធិរាជស រៀលម៉ាឌ្រីដ (Real Madrid) ទីបំផុត ពិតជាទិញយកខ្សែបម្រើប្រយុទ្ធ ក្រុមទតិនហេម (Tottenham) ហ្គារែត ប៊េល (Gareth Bale) ក្នុងតម្លៃបំបែកកំណត់ត្រាពិភពលោកពិតមែន។

ខ្សែប្រយុទ្ធ ហ្គារែត បេល របស់ក្រុមបាល់ទាត់ ទតិនហេម ហតស្ពឺ។

តារាឆ្នើមអន្តរជាតិវ៊ែល បានយល់ព្រមចុះកិច្ចសន្យារយះពេល៦ឆ្នាំ នៅក្នុងកីឡាដ្ឋានបឺណាប៊ូ (Bernabéu) និងទទួល​បាន​ថ្លៃពលកម្មប្រមាណ ៣០០ពាន់ផោន ក្នុងមួយសប្តាហ៏ បន្ទាប់ពីក្លិបទាំង២ព្រមព្រៀងគ្នាក្នុងតម្លៃ ៨៥.៣លានផោន (១០០​លានអ៊ឺរ៉ូ, ១៣២.២៩លានដុល្លាសហរដ្ឋអាមេរិក) រួចមក។

តម្លៃនៃការផ្ទេរនេះមានន័យថា ប៊េលបានបំបែកកំណត់ត្រាចាស់របស់កីឡាករ គ្រីស្ទែណូ រ៉ូណាល់ដូ (Cristiano Ronaldo) ដែលផ្ទេរពីក្រុមម៉ែនញូ (Manchester United) មករៀលម៉ាឌ្រីដ [...]

ហ្គារេត ប៊េល វ័យ២៤ឆ្នាំ កើតនៅថ្ងៃទី១៦ ខែកក្កដា ឆ្នាំ១៩៨៩។ គាត់ជាកីឡាករអន្តរជាតិវ៊ែល ដែលលេងក្នុងដំណែង​ជាខ្សែបម្រើស្លាប។ ប៊េល ចាប់ផ្តើមអាជីពជាកីឡាករបាល់ទាត់ដំបូង ជាមួយនឹងក្រុម សៅហាំតុន (Southampton) និង​លេងក្នុងដំណែងជាខ្សែការពារស្លាបឆ្វេង ប៉ុន្តែគាត់មានជំនាញពិសេស ខាងទាត់បាល់ពិន័យហ្វ្រីឃីត (free kick)។

កីឡាករដែលមានតម្លៃខ្លួនថ្លៃបំផុត ហ្គារេត ប៊េល។ (រូបថត liberoquotidiano.it)

បន្ទាប់ពីផ្ទេរទៅក្លិបទតិនហេម (Tottenham) ក្នុងតម្លៃ ៥លានផោន កាលពីឆ្នាំ២០០៧ ប៊េលបានបង្ហាញពីសមត្ថភាព កាន់​តែអស្ចារ្យខ្លាំងឡើងៗ និងចាប់ផ្តើមចូលលេងទៀងទាត់ជម្រើសដំបូង សម្រាប់ក្រុមមាន់ខ្នាយមាស ចាប់តាំងពីរដូវកាល ២០០៩-២០១០ មក។ ខណៈដែលមានទម្រង់លេងដល់កំរិតកំពូល ប៊េលត្រូវបានគ្រូបង្វឹកដ៏ល្បីល្បាញ [...]