សង្គមស៊ីវិលវាយតម្លៃលទ្ធផលបណ្តោះអាសន្ន និងរកឃើញភាពមិនប្រក្រតីក្នុងពេលបោះឆ្នោត
ក្រុមអង្គការសង្គមស៊ីវិលមួយក្រុម ដែលធ្វើការទាក់ទងនឹងការបោះឆ្នោត នៅថ្ងៃទី២៤ ខែសីហា ឆ្នាំ២០១៣ នេះបានធ្វើការវាយតម្លៃ ចំពោះលទ្ធផលបោះឆ្នោតបណ្តោះអាសន្ន និងបង្ហាញពីភាពមិនប្រក្រតីក្នុងកំឡុងពេលបោះឆ្នោត។
គម្មវិធីវាយតម្លៃរបស់អង្គការសង្គមស៊ីវិល ដែលធ្វើការខាងបោះឆ្នោត នៅទីស្នាក់ការខុមហ្រែល ថ្ងៃទី២៤ខែសីហា។ (រូបថត MONOROOM.info/ U. Bory)
ក្នុងកម្មវិធីដែលរៀបចំធ្វើដោយគណៈកម្មាធិការ ដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្រ្វែល លោក ព្រាប កុល ប្រធានអង្គការតម្លាភាពអន្តរជាតិកម្ពុជា និងជាវាគ្និននៅក្នុងកម្មវិធីនេះ បានថ្លែងថា៖ «ការបោះឆ្នោតនៅនីតិកាលទី៥នេះ គឺជាការបោះឆ្នោតប្រកបដោយ ភាពចម្រូងចម្រាសខ្លាំងជាងគេបំផុត និងមានការឈឺចាប់ជាងគេ [...]
