Posts tagged as "Norodom Sihamoni"

ហ៊ុន សែន ប្រកាស​បង្កើត​រដ្ឋាភិបាល​អាណត្តិ​ទី៦ មុន​កាល​កំណត់

ហ៊ុន សែន ប្រកាស​បង្កើត​រដ្ឋាភិបាល​អាណត្តិ​ទី៦ មុន​កាល​កំណត់

រដ្ឋាភិបាលអាណត្តិថ្មី នឹងត្រូវបង្កើត នៅថ្ងៃទី៦ ខែកញ្ញា ពោលគឺ១៤ថ្ងៃ មុនកាលកំណត់។ នេះ បើតាមការប្រកាស របស់លោក ហ៊ុន សែន នាយករដ្ឋមន្ត្រីផុតអាណត្តិ និងជាប្រធានគណបក្សប្រជាជនកម្ពុជា នៅក្នុង​ជំនួប​ជាមួយ នឹង​កម្មករ​ប្រមាណ​ជា​ជិត ២ម៉ឺន​នាក់ ក្នុង​ខេត្ត​កំពង់ស្ពឺ ក្នុងព្រឹកថ្ងៃពុធ ទី៨ ខែសីហានេះ។

លោក ហ៊ុន សែន បានថ្លែងឲ្យដឹងថា លោក​បាន​ចូលគាល់​ព្រះមហាក្សត្រ កាលពីម្សិលម៉ិញ ដើម្បីទូលថ្វាយ អំពីស្ថានភាពនយោបាយ និងដើម្បី​សុំព្រះរាជទាន ​ពី​ព្រះអង្គ​ទៅលើ​ការកែប្រែ​លក្ខខណ្ឌ នូវ​កាលបរិច្ឆេទ ​ស្ដីពី​ការកោះប្រជុំ​សភា និងការបង្កើតរដ្ឋាភិបាលថ្មី ។

លោកបន្តថា៖ «កាល​មុននេះ យើង​បានគ្រោង​ទុក​ថា ​ការប្រជុំ​សភា​លើកដំបូង ​ធ្វើ​នៅ​ព្រឹក​ថ្ងៃទី១៩ ខែកញ្ញា ​ល្ងាច​ថ្ងៃទី១៩ កញ្ញា ​ចូល​ស្បថ​កាន់តំណែង​។ ព្រឹក​ថ្ងៃទី២០កញ្ញា ​បង្កើត​រដ្ឋាភិបាល​ថ្មី​ ហើយ​ល្ងាច​ថ្ងៃទី២០ ចូល​ស្បថ​កាន់តំណែង។​ [...]

បណ្ដាជនយួន​ត្រូវ​បាន​អំពាវនាវ ​ឲ្យ​ដឹងគុណ​​«ស្ដេច សីហមុនី របស់​យើង​ទាំង​អស់​គ្នា»

បណ្ដាជនយួន​ត្រូវ​បាន​អំពាវនាវ ​ឲ្យ​ដឹងគុណ​​«ស្ដេច សីហមុនី របស់​យើង​ទាំង​អស់​គ្នា»

សឹងជារៀងរាល់សារ ដែលបង្ហោះដោយ​ទំព័រហ្វសប៊ុក ដាក់ឈ្មោះ «សមាគមវៀតណាមនៅកម្ពុជា» តែងបង្កឲ្យផ្ទុះឡើង នូវសង្គ្រាមប៉ាកកា ដ៏ខ្លាំងក្លា។ នៅចុងសប្ដាហ៍កន្លងទៅ ទំព័រហ្វេសប៊ុកមួយនេះ បានបង្ហោះសារមួយ អះអាងថា «បងប្អូនវៀតណាមគ្រប់រូបនៅកម្ពុជា អាចចូលសញ្ជាតិខ្មែរ បានគ្រប់ពេលវេលា» និងអំពាវនាវឲ្យបណ្ដាជនវៀតណាម ដែលរស់នៅក្នុងប្រទេសកម្ពុជា ឲ្យទៅចូលសញ្ជាតិ បើទោះជាពួកគេមិនចេះភាសាខ្មែរ ឬមិនដឹងច្បាប់ចូលសញ្ជាតិថ្មី របស់កម្ពុជា ដែលទើបនឹងឡាយព្រះហស្ថលេខា ដោយស្ដេច នរោត្ដម សីហមុនី នោះក៏ដោយ។

ទំព័រហ្វេសប៊ុកមួយនេះ បានអំពាវនាវ ឲ្យ«បងប្អូនទាំងអស់គ្នា ស្វែងយល់អំពីសម្តេច ព្រះអគ្គមហាសេនាធិបតីតេជោ ហ៊ុន សែន ដើរតាមការដឹកនាំ ដ៏ឆ្លាតវៃរបស់គាត់ និងគណៈបក្សរបស់គាត់ រួបរួមបោះឆ្នោតជូនគាត់ ហើយគោរពដឹងគុណដល់ស្តេចខ្មែរ នរោត្តម សីហមុនី របស់យើងទាំងអស់គ្នា»។

ទំព័រដដែល នៅបានសរសេរថា៖ «សម្រាប់បងប្អូន [...]

កូន​ប្រុស​ច្បង​នាយក​រដ្ឋមន្ត្រី ឡើងជា​មេទ័ព​រង​ពេញ​សិទ្ធ​នៃ​កងទ័ព​ជាតិ

កូន​ប្រុស​ច្បង​នាយក​រដ្ឋមន្ត្រី ឡើងជា​មេទ័ព​រង​ពេញ​សិទ្ធ​នៃ​កងទ័ព​ជាតិ

ឪពុកជានាយករដ្ឋមន្ត្រី មានកូនជាមេទ័ពរង ដែលត្រួតកងទ័ពទាំងមូល ទាំងជើងគោក ជើងទឹក និងជើងអាកាស។ លោក ហ៊ុន ម៉ាណែត កូនប្រុសច្បងលោកនាយករដ្ឋមន្ត្រី ហ៊ុន សែន ទើបត្រូវបានតំឡើង ឲ្យក្លាយជាមេទ័ពរងពេញសិទ្ធ នៃកងយោធពលខេមរភូមិន្ទ។ នេះ បើតាមព្រះរាជក្រិត្យ របស់ព្រះមហាក្សត្រ ដែលធ្លាក់មកដល់ដៃអ្នកសារព័ត៌មាន នៅល្ងាចថ្ងៃពុធទី១១ ខែកក្កដានេះ។

ព្រះរាជក្រិត្យ ដែលចុះព្រះហស្ថលេខា នៅថ្ងៃទី ៦ ខែកក្កដា របស់ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះ​រាជាណាចក្រកម្ពុជា បានត្រាស់បង្គាប់តែងតាំង លោក ហ៊ុន ម៉ាណែត ដែលមានឋានន្តរសក្ដិ «ឧត្តមសេនីយ៍ឯក (ផ្កាយបី)» ឲ្យឡើងកាន់តួនាទី ជាអគ្គមេបញ្ជាការរង នៃកងយោធពលខមេរភូមិន្ទ បន្ថែមលើមុខងារបច្ចុប្បន្ន។

លោក​ ហ៊ុន ម៉ាណែត ដែលមកដល់ពេលនេះ មានតួនាទី​ជានាយ​រង​សេនាធិការ​ចម្រុះ និង​ជា​មេបញ្ជាការ​រង​ កងទ័ពជើង​គោក ត្រូវ​បាន​ក្រសួង​ការពារ​ជាតិ [...]

សម រង្ស៊ី ប្រតិកម្ម​ធ្ងន់ៗ​ចំពោះ​ដីកា​កោះ ជុំវិញ​ការ​ប្រមាថ​ព្រះមហាក្សត្រ

សម រង្ស៊ី ប្រតិកម្ម​ធ្ងន់ៗ​ចំពោះ​ដីកា​កោះ ជុំវិញ​ការ​ប្រមាថ​ព្រះមហាក្សត្រ

ការកោះហៅលោក សម រង្ស៊ី ពីសំណាក់ព្រះរាជអាជ្ញារង នៃអយ្យការអមសាលាដំបូងរាជធានី ទទួលបានប្រតិកម្មមកវិញ យ៉ាងជូរចត់ ពីសាមីខ្លួន។ មេដឹកនាំប្រឆាំងដ៏សំខាន់ របស់ប្រទេសកម្ពុជា បានអះអាងជាថ្មី ពីការកោះហៅ នៃ«តុលាការអាយ៉ង» និងបានបញ្ជាក់ឡើងវិញ ពីជំហររបស់លោក ក្នុងការជឿជាក់ថា ព្រះរាជសារនៃព្រះមហាក្សត្រ ចុះថ្ងៃទី ១៨ ខែឧសភា ឆ្នាំ២០១៨ គឺជា«លិខិតក្លែងក្លាយ» ឬជាលិខិតធ្វើឡើង ក្រោមការសម្លុតគម្រាមកំហែង។

លោក សម រង្ស៊ី បានប្រើប្រាស់ទំព័រហ្វេសប៊ុករបស់លោក ដើម្បីធ្វើការប្រតិកម្មខ្លាំងៗ តបនឹងដីកានោះ ដូច្នេះថា៖ «ទាក់ទងទៅនឹងការកោះហៅ ពីតុលាការអាយ៉ងថ្ងៃនេះ ខ្ញុំសូមបញ្ជាក់ថា ខ្ញុំនៅតែជឿជាក់ថា លិខិតព្រះមហាក្សត្រ ចុះថ្ងៃ ១៨ ឧសភា ២០១៨ ដែលអំពាវនាវឲ្យប្រជាពលរដ្ឋចូលរួម ក្នុងការបោះឆ្នោតក្លែងក្លាយ ថ្ងៃ ២៩ កក្កដា ខាងមុខ គឺជាលិខិតក្លែងក្លាយ ឬក៏ជាលិខិតធ្វើឡើង ក្រោមការសម្លុត និងគាបសង្កត់»។

[...]

សម រង្ស៊ី ថា ហ៊ុន សែន ប្រើ​ឈ្មោះ​ព្រះ​រាជា ដើម្បី​ផ្ចាញ់​លោក

សម រង្ស៊ី ថា ហ៊ុន សែន ប្រើ​ឈ្មោះ​ព្រះ​រាជា ដើម្បី​ផ្ចាញ់​លោក

សង្គ្រាមពាក្យសំដី នៅតែបន្តទៅមុខ រវាងមេដឹកនាំប្រឆាំង និងនាយករដ្ឋមន្ត្រីកម្ពុជា ជុំវិញព្រះរាជសារចុងក្រោយមួយ របស់ព្រះមហាក្សត្រ ព្រះបាទ សម្ដេចព្រះបរមនាថ នររោត្ដម សីហមុនី ដែលបានចេញផ្សាយ កាលពីថ្ងៃទី៥ ខែមិថុនានេះ។ បន្ទាប់ពីអះអាងថា ព្រះរាជសារនោះ ជាលិខិតក្លែងក្លាយ ឬជាលិខិតដែលធ្វើឡើង ក្រោមការគំរាមកំហែង ពីសំណាក់លោក ហ៊ុន សែន នោះ នៅពេលនេះ លោក សម រង្ស៊ី បានពន្យល់បន្ថែមទៀតថា ព្រះរាជសារមួយនេះ ត្រូវបានលោក ហ៊ុន សែន យកមកប្រើប្រាស់ ដើម្បីផ្ចាញ់ផ្ចាល់ជាមួយលោក។

មេដឹកនាំចលនាសង្គ្រោះជាតិ បានរៀបរាប់ថា លិខិតនេះ បើមិនក្លែងក្លាយទាំងស្រុងទេ ក៏ក្លែងក្លាយ ត្រង់កាលបរិច្ឆេទដែរ ពីព្រោះលិខិតនេះ ត្រូវគេច្នៃថា ចុះថ្ងៃ ១៨ ឧសភា ២០១៨ តែគេចាំដល់ថ្ងៃ ០៥ មិថុនា ២០១៨ ទើបផ្សព្វផ្សាយ។ លោក សម រង្ស៊ី សរសេរថា៖ «តាមការពិត គេដាក់ថ្ងៃ ក្លែងក្លាយ ១៨ ឧសភា នេះ ឲ្យបានមុនលិខិតរបស់ខ្ញុំ ផ្ញើថ្វាយព្រះមហាក្សត្រ តាំងពីថ្ងៃ ២៣ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...