វិភាគ៖ ប្រព័ន្ធយុត្តិធម៌ប្រទេស នៃអ្នកមានអំណាច និងអ្នកមានប្រាក់?
ខណៈពេលដែលអ្នកនយោបាយខ្មែរ ឈប់កាប់សម្លាប់គ្នា ហើយយកប្រព័ន្ធតុលាការ មកដោះស្រាយជម្លោះ«ជាអាជីប» រវាងគ្នាវិញនោះ ប្រព័ន្ធយុត្តិធម៌នៅក្នុងប្រទេសកម្ពុជា កំពុងស្ថិតនៅឆ្ងាយនៅឡើយ ពីការកោតសរសើរថា ជាប្រព័ន្ធមួយយុត្តិធម៌ ឯករាជ្យ និងស្អាតស្អំ គួរជាទីទុកចិត្តបាន ពីសំណាក់ជនរងគ្រោះ នឹងអំពើអយុត្តិធម៌។ ការសម្រេចចិត្តរបស់តុលាការ ទៅលើប៉ុន្មានសំនុំរឿងចុងក្រោយនេះ វាបានក្លាយជាកញ្ចក់យ៉ាងថ្លាឆ្វង់ ឆ្លុះបញ្ចាំងអោយឃើញពីវប្បធម៌មួយ ដែលអ្នកតាមដានវិភាគ និយាយថា អាចត្រឡប់ពីសរមកខ្មៅ និងពីខ្មៅទៅជាខៀវបាន។
តើយុត្តិធម៌មានទេ បើមនុស្សជាអ្នកកាន់វា ក្នុងដៃយ៉ាងនេះ? រូបថត Reuters/ Stéphane Mahé ។
«ច្បាប់» ជាអត្ថបទបញ្ញាត្តិមួយ ដែលអនុម័តដោយសភាជាតិ [...]
