ហ៊ុន សែន លើក​ថ្ងៃ​បោះ​ឆ្នោត​ព្រឹទ្ធសភា​អាណត្តិ​ថ្មី ជាង​១ខែ

លោកនាយករដ្ឋមន្ត្រី ហ៊ុន សែន បានប្រកាសលើកថ្ងៃបោះឆ្នោត ជ្រើសរើសព្រឹទ្ធសភាអាណត្តិទី៤ ដែលបានសម្រេចធ្វើ ក្នុងខែមករាឆ្នាំក្រោយ ទៅខែកុម្ភៈ ឆ្នាំដដែលវិញ។ ការផ្លាស់ប្ដូរលើកថ្ងៃ របស់បុរសខ្លាំងកម្ពុជា បានធ្វើឡើង​តាម​រយៈ​ទីភ្នាក់ងារ​សារព័ត៌មាន​ផ្លូវការ «AKP» របស់រដ្ឋាភិបាល តែមិនឃើញមានចេញផ្សាយ ជាលាយ​លក្ខណ៍​អក្សរ​នៅ​ឡើយ។
ហ៊ុន សែន លើក​ថ្ងៃ​បោះ​ឆ្នោត​ព្រឹទ្ធសភា​អាណត្តិ​ថ្មី ជាង​១ខែ
លោក ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា។ (រូបថត Reuters)
Loading...
  • ដោយ: មនោរម្យ.អាំងហ្វូ (info@monoroom.info) - ភ្នំពេញ ថ្ងៃទី២៤ តុលា ២០១៧
  • កែប្រែចុងក្រោយ: October 24, 2017
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

ការបោះឆ្នោតជ្រើសតាំងព្រឹទ្ធសភា អាណត្តិទីបួន ដែលលោកនាយករដ្ឋមន្ត្រី បានកំណត់ថ្ងៃខែ កាលពីពាក់កណ្ដាលខែមិថុនាកន្លងទៅ នឹងត្រូវ​លើកពេល ជាងមួយខែ គឺពីថ្ងៃអាទិត្យ ទី១៤ ខែមករា ឆ្នាំ២០១៨ ទៅដល់ថ្ងៃអាទិត្យ ទី២៥ ខែកុម្ភៈ ឆ្នាំ២០១៨។ នេះ បើតាមការការផ្សាយរបស់ទីភ្នាក់ងារសារព័ត៌មានផ្លូវការ របស់រដ្ឋាភិបាល ឈ្មោះ «AKP» ហើយត្រូវបានយកមកផ្សាយបន្ត ដោយរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ នៅលើគណនីហ្វេសប៊ុករបស់លោក។

មកដល់ម៉ោងនេះ គេមិនឃើញរដ្ឋាភិបាលកម្ពុជា ចេញផ្សាយជាលាយលក្ខណ៍អក្សរ ពីការលើកថ្ងៃបោះឆ្នោតនេះទេ។

 

ច្បាប់ស្ដីពីការបោះឆ្នោត ជ្រើសតាំងសមាជិកព្រឹទ្ធសភា ត្រង់ជំពូក១ មាត្រា៣ កថាខណ្ឌដំបូង ចែងថា៖​ «ការបោះឆ្នោតជ្រើសតាំងសមាជិកព្រឹទ្ធសភា ត្រូវធ្វើឡើង ៦ឆ្នាំម្តង នៅថ្ងៃអាទិត្យ សប្តាហ៍ទី៨ មុនដំណាច់ឆ្នាំទី៦ នៃនីតិកាលព្រឹទ្ធសភា»។

រីឯនីតិកាលអាណត្តិទី៣ នៃព្រឹទ្ធសភាបានចាប់ផ្ដើម ចូលប្រជុំដំបូង នៅថ្ងៃទី២៤ ខែមីនា ឆ្នាំ២០១២ ដែលតាមរដ្ឋធម្មនុញ្ញ នីតកាលចាស់នេះ នឹងត្រូវបញ្ចប់នៅថ្ងៃទី២៣ ខែមីនា ឆ្នាំ២០១៨ ខាងមុខ (វាលែងតែព្រះមហាក្សត្រ ស្នើសុំឲ្យបន្តនីតិកាល១ឆ្នាំ ក្នុងករណីដែលប្រទេស​កម្ពុជា ធ្លាក់ក្នុងកលយុគ ដូចមានចែងក្នុងរដ្ឋធម្មនុញ្ញដដែល)។ ដូច្នេះ៨សប្ដាហ៍ មុនថ្ងៃបញ្ចប់នីតិកាលចាស់ របស់ព្រឹទ្ធសភាកម្ពុជា មិនអាចជាថ្ងៃអាទិត្យណាមួយ នៅក្នុងខែកុម្ភៈ ឆ្នាំ២០១៨ឡើយ។

ដូច្នេះ តើលោក ហ៊ុន សែន សំអាងលើអ្វី ដែលឈានទៅសម្រេចឲ្យលើកថ្ងៃបោះឆ្នោត ជ្រើសរើសសមាជិកព្រឹទ្ធសភា យ៉ាងអញ្ចឹង? បើតាមទីភ្នាក់ងារសារព័ត៌មាន របស់រដ្ឋាភិបាលដដែល បានបញ្ជាក់មូលហេតុ ដែលឈានទៅដល់ការលើកពេលនេះថា៖ «ការពន្យាពេល នៃការបោះឆ្នោតព្រឹទ្ធសភានេះ គឺវាទាក់ទិន ទៅនឹងការរំលាយគណបក្សនយោបាយ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ contact@monoroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...