អាយុ​៧​ឆ្នាំ កុមារា​ម្នាក់​នេះ​មាន​កំពស់​៧​តឹក និង​ទម្ងន់​៥​គីឡូក្រាម

នៅក្នុងវ័យ៧ឆ្នាំ កុមារាម្នាក់ ដែលមានភាពខុសប្លែក ពីអ្នកដ៏ទៃ មានទម្ងន់៥គីឡូក្រាមហើយ កំពស់តែ៧តឹកប៉ុណ្ណោះ។ សុខភាពរបស់កុមារ នៅពេលនេះ មិនមានបញ្ហាអ្វីធ្ងន់ធ្ងរទេ។ អ្វីដែលចម្លែក គឺកុមារានេះ ញ៉ាំអាហារតែមួយស្លាបព្រាប៉ុណ្ណោះ ក្នុងមួយពេល។
Loading...
  • ដោយ: ក. សោភណ្ឌ អត្ថបទ និងយកការណ៍៖ ក.សោភ័ណ្ឌ ([email protected]) - ភ្នំពេញថ្ងៃទី២០ កុម្ភៈ ២០១៥
  • កែប្រែចុងក្រោយ: February 20, 2015
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កុមារា ដែលមានកាយសម្បទាមិនធម្មតានេះ ឈ្មោះ យឿន សុវណ្ណ មានអាយុ៧ឆ្នាំ កំពស់៧តឹក ទំងន់ប្រហែល​៥គីឡូក្រាម កើតនៅភូមិកំពង់ក្តី ឃុំកំពង់រាប ស្រុកកោះសូទិន ខេត្តកំពង់ចាម។ ឪពុករបស់ក្មេងនេះឈ្មោះ យឿន ម្តាយឈ្មោះ ស្រី មុខរបរអ្នកលក់ដូរ នៅខេត្តមណ្ឌលគីរី។ មកដល់សព្វថ្ងៃ កុមារារូបនេះ មានអាយុ៧ឆ្នាំហើយ តែ​នៅមិនទាន់បានទៅសាលារៀននៅឡើយ ដោយស្មារតីរបស់គេ នៅភ័យខ្លាចមិនហ៊ានបែកពីគ្រួសារ។

លោកយាយ វឿន ដែលជាជីដូនរបស់កុមារាចម្លែកនេះ បានឲ្យទស្សនាវដ្តីមនោរម្យ.អាំងហ្វូដឹង នៅថ្ងៃទី២០ ខែ​កុម្ភៈ ឆ្នាំ២០១៥នេះថា កាលពីពេលចាប់កំណើត ក្មេងនេះមិនបានកើតមក តាមធម្មជាតិនោះទេ តែដោយ​សារ​ការ​វះកាត់។ រហូតដល់ចម្រើនអាយុបន្តិចឡើង គេហាក់មានជម្ងឺ ហើយត្រូវបានយក មកព្យាបាល​នៅមន្ទីរពេទ្យ​គុន្ធបុប្ផា ក្នុងខេត្ត​សៀមរាប។ តែនៅពេលព្យាបាលជម្ងឺជាហើយ កុមារនៅតែមានកាយសម្បទា នៅតែដ៏ដែល (តូច ទាប)។ ជីដូន​កុមារ​បានឲ្យដឹងទៀតថា គ្រូពេទ្យនិយាយថា ចៅរបស់គាត់គ្មានជម្ងឺអ្វីប្លែកទេ តែគាត់​សំគាល់​ខ្លួនឯងថា ចៅរបស់គាត់​«ក្រិន» ដែលមិនអាចលូតលាស់ធំធាត់ ដូចក្មេងដ៏ទៃបាន។

ក្នុងវ័យ៥៥ឆ្នាំ ដូនចាស់ដែលមានអាការៈពិកាភ្នែកម្ខាង បានរៀបរាប់បន្តថា ចៅរបស់គាត់នៅជាមួយគាត់ តាំង​ពី​តូច កាលដែលកុមារាចម្លែកនេះ កើតភ្លាមមានទម្ងន់ តែ៨ខាំប៉ុណ្ណោះ ហើយគេជាកូនច្បងនៅក្នុងគ្រូសារ។ ចំណែក​ឯ​ប្អូនស្រីរបស់គេវិញ មានកាយសម្បទាធម្មតា មិនដូចបងប្រុសខ្លួនទេ។ ស្រ្តីវ័យចំណាស់ បានបញ្ជាក់ថា រាល់ការញ៉ាំ​អាហារ​របស់ក្មេងប្រុស សុវណ្ណ ស្ទើតែមិនញ៉ាំមួយពេល មួយស្លាបព្រាបាយ ឬបរបរ (អាការៈមិនចង់ញ៉ាំអាហារ)។

ទោះបីជា សុវណ្ណ មិនមានជម្ងឺ និងមានសុខភាពធម្មតា មិនមានអ្វីប្លែកក៏ដោយ ក៏ដូនចាស់នៅតែបារម្ភថា ចៅ​របស់​គាត់មិនអាចធំធាត់ដូចគេ ហើយមិនអាចទៅសាលារៀនបាន។ លោកយាយ វឿន បានបញ្ជាក់ថា សព្វថ្ងៃ  សុវណ្ណ កំពុងរស់នៅជាមួយប្អូនស្រីអាយុ៩ខែ ក្រោមយការទទួលមើលថែទាំពីគាត់។ លោកយាយបានបង្ហើបប្រាប់ថា ព្រោះ​តែ​ជីវភាព​គ្រួសារខ្វះខាត បានធ្វើឲ្យគ្រួសារលោកយាយ ផ្លាស់ទីលំនៅមករស់នៅ ខេត្តបន្ទាយមានជ័យ រហូត​ដល់​សព្វ​ថ្ងៃនេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected].info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...