តើវាជាគំនិតមួយ ដើម្បីផ្ដល់ទៅឲ្យ ឪពុកម្ដាយទាំងឡាយក្នុងលោក ក្នុងការធ្វើឲ្យ ទារកក្មេងខ្ចីរបស់ខ្លួន អាចគេងលង់​លក់ យ៉ាងស្កប់ស្កល់ឬ? លោកអ្នកប្រហែលជា ធ្លាប់នឹកឃើញ តែគ្រាន់តែមិនទាន់ សាកល្បងប៉ុណ្ណោះ។ ប៉ុន្តែបុរស​ជា​ឪពុក​ម្នាក់​នេះ បានធ្វើចេញជារូបរាងហើយ៖ នោះគឺល្បែងកំសាន្ដ ជារថយន្ដដឹកទំនិញ បញ្ជាពីចំងាយមួយ ដោយ​មាន​ដឹក​សណ្ដោង​ទារក ដាក់ពីក្រោយ។

បើមើលឲ្យជិតមែនទែនទៅ វីដេអូនេះ ដូចជាមិនចង់បង្ហាញថា ឪពុកមានបំណងឲ្យកូនគេងលក់ ជាមួយនឹងរថយន្ដ​បញ្ជាពីចំងាយទេ។ ផ្ទុយទៅវិញ វាមានលក្ខណៈ ដូចជាឪពុកចង់សប្បាយ ជាមួយនឹងការបង្កើតថ្មីរបស់ខ្លួនច្រើនជាង ហើយយកទារក មកដាក់សណ្ដោងពីក្រោយ ព្រោះតែខ្លួនស្រឡាញ់កូននេះប៉ុណ្ណោះ។

នេះអាចនិយាយបានថា នៅពេលម្ដាយមិននៅ ឪពុកអផ្សុកណាស់ មិនដឹងមានអ្វីលេង ឲ្យមានន័យ និងសប្បាយ ជាមួយ​ទារកដ៏តូចរបស់ខ្លួននោះទេ។ អញ្ចឹង បង្កើតរឿងដើម្បីធ្វើឲ្យខ្លួន បានសប្បាយ... ហើយរង់ចាំមើល ថាតើអង្កាលទៅ ទើប​ទារក​នេះ​ធំ អាចមកលេងសប្បាយជាមួយខ្លួន?

យ៉ាងណាក៏ដោយ ការយល់ឃើញពីវីដេអូនេះ សម្រេចទៅលើលោកអ្នកផ្ទាល់ ជាអ្នកវិន្និច្ឆ័យ និងត្រូវរះរកវិធីយ៉ាងណា ដើម្បី​កុំឲ្យទារក ធ្លាក់ពីរថយន្ដ និងស្រែកយំទៅបានហើយ៕